2 SAMUEL 5:12 - Bibəl ta Sar̄

¹² Loo ń noō tə́ Dabid ger̄ kadə̄ Kɔ́ɔ̄ɓē əndān mban̄g dɔ Israel gə̄ tə́ ō, ɔsə ko̰o̰ ɓē yān kə̄ dɔɔ́ sɔɔ̄ń ngán Israel gə̄ ń i gír deē yān gə̄ ní ō.

Bible sar

¹² Loo ń noō tə́ Dabid ger̄ kadə̄ Kɔ́ɔ̄ɓē əndān mban̄g dɔ *Israel gə̄ tə́ ō, ɔsə ko̰o̰ ɓē yān kə̄ dɔɔ́ sɔɔ̄ń ngán Israel gə̄ ń i gír deē yān gə̄ ní ō.

2 SAMUEL 5:12 Referans Kwoze

2 SAMUEL 7:16

De kógə̄ḿ dan de gə̄ kə́ gír kojə yāí tə́ a o̰o̰ ɓē gotií tə́ ngándáńg, tɔdɔ̄ yá̰a̰ a yéȳ ko̰o̰ ɓē kə́ gír kojə yāí tə́ alé.

1 MBAN̄G GƏ̄ 10:9

Kɔ́ɔ̄ɓē Nə́ɓā yā Salomo̰ ń gə̄rā Salomo̰ kadə̄ o̰o̰ ɓē dɔ Israel gə̄ tə́ ní, ādə̄ de gə̄ ɓōkə́nən̄ tɔ̄ȳ. Kɔ́ɔ̄ɓē na tár Israel gə̄ na i kə́ njɔ́ḿ gə̄ tə́ á na əndā Salomo̰ kadə̄ ni i mban̄g yādə́ kadə̄ gān̄g sarya yādə́ kə gō gēé ní.

1 YÁ̰A̰ GƏ̄ 14:2

Loo ń noō tə́ Dabid ger̄ kadə̄ Kɔ́ɔ̄ɓē əndān mban̄g dɔ Israel gə̄ tə́ ō, ger̄ kadə̄ ɔsən̄ gɔn ko̰o̰ ɓē yān ngá̰ý sɔɔ̄ń Israel gə̄ ń i gír de gə̄ yā Nə́ɓā ní ō.

DANIEL 2:30

Kə́ tām̄ yāḿ mā tə́ ní Nə́ɓā ɔjəm̄ yá̰á̰ kə́ to loo mundə̄ tə́ ń toō i tām̄ tɔȳ kə́ kum kedə̄ yāḿ tɔȳ yā de gə̄ malang alé, banī i yā kadə̄ ɔjiīn̄neé kum nī yāí kadə̄ ī-gerə̄ń gír̄ kə́ kemií tə́.

ESTER 4:14

Tɔdɔ̄ ré na ndi tan mbóo dan ń toō tə́ anī, a rāān̄ kə Jipə gēé kə ta róbə́ kə́ rangaá kadə̄ nin̄ a ajən̄. Banī ni na a oy, adə̄ ta gír kojə yān na a udə kɔ̄ɔ́. Tá i náā n ger̄? Majanī ni na tél nə̄yá̰ mban̄g i kadə̄ əndāń rɔ̄n ta yá̰á̰ kə́ beé gə̄ tə́.

2 YÁ̰A̰ GƏ̄ 2:11

Kɔ́ɔ̄ɓē Nə́ɓā yā Israel ń rāā dɔ rā̰ ō, dɔ nang ō ní, m̄-ɓōkə́n tɔ̄ȳ, tɔdɔ̄ ni-adə̄ Dabid ngōn̄ kə́ ngáā ngá̰ý ō, kə́ kumən edə̄ ō, kə́ ger̄ yá̰á̰ ngá̰ý ō, kə́ asə rāā kújə tām̄ yā Kɔ́ɔ̄ɓē tə́ ō, kújə mban̄g kə́ tām̄ yān nəkɔ́ tə́ ō.

2 SAMUEL 5:11

Mban̄g kə́ Tir ń rīn na i Hiram ní əla ngé kəla yān gə̄ rɔ̄ Dabid tə́ kə kāgə̄ sédər gēé ō, kə ngé njar kāgə̄ gēé ō, ngé tɔ́sə̄ ndogə̄ mbal̄ gēé ō, kadə̄ rāān̄ kújə adə̄nən̄.

2 SAMUEL 5:13

Dan ń Dabid əya̰ ɓē kə́ Hebron kɔ̄ɔ́ ba aw̄ ndi Jerusalem ní, ni-taā dəyá̰ kə́ rang gə̄ ɓáý to̰ ō, ɔy də̄yá̰ gidə ndogə̄ gə̄ ō. Dəyá̰ gə̄ ní ojən̄ ngán kə́ dəngam kə́ rang gə̄ ō, ngán kə́ dəyá̰ kə́ rang gə̄ ō adə̄nən̄.

TƏ́DA 24:7

Man̄ kə́ kem gembé rə̄ɓā adə̄ aw̄ kə̄ kem ndɔr̄ gə̄ tə́ dɔ kó gə̄ tə́ adə̄ asə kōō gə̄ majə. Mban̄g yā ngán Israel gə̄ a tetə mban̄g Agag rɔ̄ɔ̄. Ko̰o̰ ɓē yān a ḭḭ kə gidəneé.