2 SAMUEL 5:10 - Bibəl ta Sar̄

¹⁰ Dabid tél de kə́ bo kum kə̄ kété kété tɔdɔ̄ Kɔ́ɔ̄ɓē Nə́ɓā kə́ bo kə́ tɔ́gən i ngá̰ý i naā tə́ seneé.

Bible sar

¹⁰ Dabid tél de kə́ bo kum kə̄ kété kété tɔdɔ̄ Kɔ́ɔ̄ɓē Nə́ɓā kə́ bo kə́ tɔ́gən i ngá̰ý i naā tə́ seneé.

2 SAMUEL 5:10 Referans Kwoze

2 SAMUEL 3:1

Deē yā Saul gə̄ ō, yā Dabid gə̄ ō, rɔ̄ɔ̄n̄ naā dan i ngá̰ý. Tɔ́gə Dabid aw̄ i kum kə̄ kété kété, banī tɔ́gə deē yā Saul gə̄ a tél i kum kə̄ gogə́ gogə́.

Makətūbə̄ ń Pol ndang adə̄ Rom gə̄ ní 8:31

J-a j-ədaī na i rí dɔ tə́ ɓáý? Ré Nə́ɓā i sejí anī, i náā n a mbātə́jí?

PĀ GƏ̄ 46:11

Əya̰ī yá̰a̰ rɔ̄ gə̄ dɔɔ́! Á̰a̰ ī-ger̄mī kadə̄ mā i Nə́ɓā! m̄-ndi dɔ nápar de gə̄ tə́. M-ó̰o̰ ɓē dɔ dɔ nang tə́.

Najə̄ kə́ Majə yā Jeju ń Luk ndang ní 2:52

Kum Jeju edə̄ kə̄ kété kété ō, ni-tɔgə kə̄ dɔɔ́ dɔɔ́ ō, nel̄ de gə̄ gə̄gē Nə́ɓā gə̄gē ngá̰ý ō.

IJAI 9:7

Kɔ́ɔ̄ɓē ɔr̄ najə̄ rɔ̄ɔń kə de gə̄ yā Jakob. A̰á̰ā̰, najə̄ ní əsō dɔ ɓē ko̰o̰ kə́ Israel tə́.

Gōsə̄ najə̄ gə̄ 4:18

Hál de kə́ súmūú gə̄ to i tītə̄ loo kə́ unjə̄ kow kə́ ta gír loo tə́, kə́ unjə̄ kum kə̄ kété kété bátə́ dan kadaá.

PĀ GƏ̄ 46:7

Nápar de gə̄ tṵ́ṵ̄n̄ rɔ̄ɔ̄, ɓē ko̰o̰ gə̄ tə́sōn̄ kɔ̄ɔ́. Banī Nə́ɓā rāā ndūn adə̄ ɓār̄, anī dɔ nang ndebə.

Makətūbə̄ yā Job 17:9

Banī de kə́ gōtə́ əhɔ háĺ kə́ gōtə́ yān jīn jōó ō, ādə̄ deē ń jīn unjə̄ njáý njáý ní, əhɔ rɔ̄n tɔgə loo nja kə́ jōó tə́ ō.

TA KƏLA 21:22

Dan ń noō tə́ ní, Abimelek nin̄ kə Pikol ngol áskar yān gə̄ reēn̄ rɔ̄ Abəraham tə́, ədanən̄ na: Nə́ɓā i seí dɔ yá̰a̰ malang ń ī-rāā tə́ ní.

PĀ GƏ̄ 24:10

Mban̄g kə́ bo ní i náā? I Kɔ́ɔ̄ɓē kə́ ɓoo kə́ tɔ́gən i ngá̰ý ní, i ni n i mban̄g kə́ bo ní.

Makətūbə̄ yā Aje 2:4

I tām̄ najə̄ ń noō tə́ n Kɔ́ɔ̄ɓē ədasí najə̄ ń toō wáńg ní: Ḭ̄ Jorobabel, ə́hɔ rɔ̄í tɔgə! Yesua kə́ ngōn̄ Yosadak, ḭ̄ ń i ngol ngé tun̄ yá̰a̰ gə̄ ní, ə́hɔ rɔ̄í tɔgə! Sḭḭ̄ de kə́ kem ɓēé gə̄ malang, ə́hɔī rɔ̄sí tɔgə! Údiī kə̄ rɔ̄ kəla tə́ ī-rāāī na ni i sesí naā tə́. I Kɔ́ɔ̄ɓē kə́ bo kə́ tɔ́gən i ngá̰ý n ədasí najə̄ ń noō ní.

1 SAMUEL 18:5

Loo malang ń Saul əla Dabid tū tə́ ní, kəla kə́ tū tə́ njə̄rā majə. Saul əndān dɔ ngé rɔ̄ɔ̄ gə̄ tə́. Nel̄ de gə̄ malang seneé ō, nel̄ ngé kəla gə̄ yā Saul seneé ō.

1 SAMUEL 18:12

Loo ń noō tə́ Saul ɓōĺ Dabid, tām̄ ni ger̄ kadə̄ Kɔ́ɔ̄ɓē i naā tə́ seneé ba əya̰n ni kɔ̄ɔ́.

1 SAMUEL 18:14

Yá̰a̰ malang ń teē kə de gēé yā kaw̄ rāā ní rāān̄ majə ō, Kɔ́ɔ̄ɓē i naā tə́ seneé ō.

2 SAMUEL 7:9

Loo malang ń āw̄ tū tə́ ní mā i seí naā tə́, adə̄ m̄-rāā adə̄ madə̄ ba̰ā̰í gə̄ gətóon̄ kɔ̄ɔ́ malang noí tə́. M-ā m̄-rāā kadə̄ rīí a ɓār̄ tītə̄ rī mban̄g kə́ bo ngá̰ý gə̄ kə́ dɔ nang tə́.

2 SAMUEL 8:6

ba tə́ndā ngé ko̰o̰ ɓē gə̄ dɔ nang kə́ Aram tə́ ń ɓē bo yān i Damas ní. Loo ń noō tə́ Aram gə̄ télən̄ ɓəlo gə̄ yā Dabid ō, a tīrə̄n̄ dɔ yá̰a̰ gə̄ a adə̄nən̄ ō. Adə̄ Kɔ́ɔ̄ɓē rāā adə̄ Dabid tetə rɔ̄ɔ̄ loo malang ń ni-aw̄ rɔ̄ɔ̄ tə́ tū tə́ ní.

2 SAMUEL 8:14

Dabid tə́ndā ngé ko̰o̰ ɓē gə̄ dɔ nang kə́ Edom tə́ kə taá malang, adə̄ Edom gə̄ télən̄ ɓəlo gə̄ yā Dabid. Kɔ́ɔ̄ɓē rāā adə̄ Dabid tetə rɔ̄ɔ̄ loo malang ń ni-aw̄ rɔ̄ɔ̄ tə́ tū tə́ ní.