2 SAMUEL 5:1 - Bibəl ta Sar̄

¹ Gír ɓē yā Israel gə̄ malang reēn̄ rɔ̄ Dabid tə́ Hebron ba ədanən̄ na: Jḭḭ i kojə yāí, jḭḭ i mósí.

Bible sar

¹ Gír ɓē yā *Israel gə̄ malang reēn̄ rɔ̄ Dabid tə́ Hebron ba ədanən̄ na: Jḭḭ i kojə yāí, jḭḭ i mósí.

2 SAMUEL 5:1 Referans Kwoze

EPEJƏ 5:30

tɔdɔ̄ jḭḭ̄ i ngán rɔ̄n gə̄.

2 SAMUEL 19:13

Nin̄ na i kojə yān gə̄, ba ké i ba̰ý á nin̄ i de kə́ gō gogə́ gə̄ loo tél reē kə mbangāá gogə́ ɓēé tə́ wa.

TA KƏLA 29:14

Laban ədan na: Ḭ̄ i ngeeḿ rɔ̄kum, jḭḭ seí i mósə́ kə́ kógə̄ḿ beē. Jakob rāā nāā kógə̄ḿ ɓē Labaná.

HEBƏRO 2:14

Ba dan ń ngán gə̄ aw̄n̄ kə dā̰ rɔ̄də́ ō, kə mósə́də́ ō ní, Jeju nəkɔ́ tél to tītə̄də́ ō, adə̄ ni-aw̄ kə dā̰ rɔ̄ tītə̄ yādə́ ō. Ni-rāā tītə̄ noō i yā nujəń diabəl kə ta kūl̄ koyn. Diabəl i nge ń tɔ́gə yā yo i gír jīn tə́ ní.

NGÉ SARYA 9:2

Āw̄ ī-dəjeī de kə́ bo gə̄ malang kə́ kem ɓē kə́ Sisem tə́ na ké i kə́ rá n i sɔ́ tə́ wa, i kadə̄ ngán Yerubaal gə̄ kutə sīrí n kə o̰o̰n̄ ɓē dɔdə́ tə́ aké i kadə̄ de kə́ kógə̄ḿ beē n kə o̰o̰ ɓē dɔdə́ tə́ wa. Ba mā tā a ādə̄ əga kemsí dɔ tə́ na mā i mósə́sí ō, ngōn̄ kemsí ō.

NDŪ NAJƏ̄ 17:15

mban̄g ń ā ə̄ndān dɔí tə́ ní i deē ń Kɔ́ɔ̄ɓē Nə́ɓā yāí a gə̄rān ní. I ngōkó̰ó̰í kógə̄ḿ n ā ə̄ndān mban̄g dɔí tə́ ní. Tə̄rā ń i ngōkó̰ó̰í aĺ ní, ā ə̄ndān mban̄g dɔí tə́ alé.

JOJUE 10:36

Jojue nin̄ kə ngán Israel gēé malang ḭḭn̄ Egəlon aw̄n̄ Hebron, aw̄ ənīn̄ ɓē kə́ Hebron rɔ̄ɔ̄.

2 SAMUEL 19:12

Kə́ dām̄ yā mban̄g Dabid tə́ ɓáa anī, ni-əla əda ngé tun̄ yá̰a̰ gə̄ ń i Sadok ō, Abiatar ō ní kadə̄ ɔrə̄n̄ najə̄ kə kum kɔɔ̄ yā de kə́ Juda tə́ gə̄, kə ədan̄də́ na najə̄ kɔr̄ Israel gə̄ malang na ugə̄ rɔ̄ mban̄g tə́ ba ké i ba̰ý á nin̄ i de kə́ gō gogə́ gə̄ loo tél reē kə mbangāá gogə́ ɓēé tə́ wa.

2 SAMUEL 19:43

Anī Juda gə̄ malang tél ədan̄ Israel gə̄ na: I tām̄ jḭḭ i ngéé mban̄g kə́ ngɔr ngá̰ý gə̄ tɔȳ yāsí. Ā ī-rāāī wōn̄g najə̄n tə́ i tām̄ rí tə́? I mban̄g n ul̄jí ní a? Mban̄g adə̄jí kadə̄ karī gə̄ a?

2 SAMUEL 2:32

Unən̄ nīń Asael aw̄ dubə̄n̄ kem bəlo mbal̄ ń dubə̄n̄ bɔbə̄n tū tə́ ní tə́ kem ɓē kə́ Betlehem tə́. Gō tə́ anī Joab nin̄ kə deē yān gēé njə̄rān̄ ndɔ̄ɔ́ bátə́ loo tīī. Dan ń mbang əɓa anī ugə̄n̄ Hebron.

2 SAMUEL 19:14

Ba gō tə́ anī kə dəjen̄ Amasa na ké ni i kojə yān aĺ wa. Ré ni Dabid n-əndān ngol áskar yān gə̄ tə́ kum gotə Joab aĺ anī, kadə̄ Kɔ́ɔ̄ɓē rāān yá̰á̰ kə́ tōr̄ ń toō ō, tél rāān nge kə́ tōr̄ ń toō ō.