2 SAMUEL 4:8 - Bibəl ta Sar̄

⁸ Aw̄n̄ kə dɔn ní adə̄n̄ mban̄g Dabid kem ɓē kə́ Hebron tə́ ba ədanən̄ na: Kɔ́ɔ̄ ɓē gə̄, dɔ Isəboset kə́ ngōn̄ madə̄ ba̰ā̰í Saul ń gḛy tɔ̄lī ní n toó. Ɓōólaā Kɔ́ɔ̄ɓē dal ba̰ā̰í dɔ Saul tə́ ō, dɔ gír kaan tə́ ō.

Bible sar

⁸ Aw̄n̄ kə dɔn ní adə̄n̄ mban̄g Dabid kem ɓē kə́ Hebron tə́ ba ədanən̄ na: Kɔ́ɔ̄ ɓē gə̄, dɔ Isəboset kə́ ngōn̄ madə̄ ba̰ā̰í Saul ń gḛy tɔ̄lī ní n toó. Ɓōólaā Kɔ́ɔ̄ɓē dal ba̰ā̰í dɔ Saul tə́ ō, dɔ gír kaan tə́ ō.

2 SAMUEL 4:8 Referans Kwoze

1 SAMUEL 25:29

Kɔ́ɔ̄ḿ, gír̄ ń deē kə́rēý aw̄ń kemən tə́ ní i kógə̄ḿ beē, i ndəle gōí. Deē ní sāā i kadə̄ óy kɔ̄ɔ́. Ba Kɔ́ɔ̄ɓē Nə́ɓā yāí a ngɔ̄mī kadə̄ ā ī-ndi kə kumií kə ndɔ̄ gə̄. Banī ni a ənī koō kajə yā madə̄ ba̰ā̰í gə̄ sa̰y kɔ̄ɔ́ rɔ̄n tə́ tītə̄ kə́ ənī i kə bējēé beē.

2 SAMUEL 22:48

Ni i Nə́ɓā kə́ nge dal ba̰ā̰ḿ, kə́ nge kəla dɔ nápar de gə̄ gír tɔ́gə yāḿ tə́.

JEJU TEĒ KUM JA̰A̰ 18:20

Dɔ rā̰, ī-rāā rɔ̄nel̄ tām̄ nujə ń ni nujə sák sák kɔ̄ɔ́ tə́ ní! Ba sḭḭ̄ deē yā Nə́ɓā gə̄ ō, ngámbang kəla gə̄ ō, ngé koō ta gə̄ ō ní, ī-rāāī rɔ̄nel̄ ō. Tām̄ Nə́ɓā gān̄g sarya dɔn tə́ i najə̄ yá̰á̰ kə́ majaĺ ń ni-rāā sesí tə́ ní.

JEJU TEĒ KUM JA̰A̰ 6:10

Nin̄-əgan̄ kɔŕ ngá̰ý ədan̄ na: Ngoljí kə́ táĺ ō, kə́ rɔ̄kum ō, ā ɔ́r bā̰ā̰ loo gān̄g sarya tə́ ō, loo dal ba̰ā̰ mósə́jí, dɔ de kə́ dɔ nang tə́ gə̄ tə́ ō, i bátə́ rə́ngáý tə́?

MATIYE 2:20

Ḭ́ḭ dɔɔ́, ún ngōn̄ ō kó̰o̰n ō, ba ī-tél āw̄ sedə́ gogə́ dɔ nang kə́ Israel tə́, tɔdɔ̄ ngé gə̄ ń sāān̄ tɔ̄l̄ ngōn̄ ní oyn̄ kɔ̄ɔ́.

PĀ GƏ̄ 71:24

M-ā m-ɔ́sə gɔn háĺ kə́ gōtə́ yāí kə dɔ ndɔ̄ gə̄, tɔdɔ̄ ngé gə̄ ń sāān̄ kadə̄ yá̰á̰ kə́ to kum kaȳ aĺ teē dɔḿ tə́ ní, rɔ̄də́ sɔl̄də́ ō, əlan̄ rɔ̄sɔl̄ dɔdə́ tə́ ō.

2 SAMUEL 18:31

Loo ń noō tə́ de kə́ Kus ní ugə̄. Ni-əda mban̄g na: Kɔ́ɔ̄ ɓē gə̄, najə̄ kə́ majə tām̄ yāí tə́ n toó: Kɔ́ɔ̄ɓē gān̄g sarya yāí ɓōólaā. De gə̄ malang ń mbātíīn̄ ba tél a rɔ̄ɔ̄īn̄ ní, Kɔ́ɔ̄ɓē taāī jīdə́ tə́ əya̰ī dɔɔ́.

2 SAMUEL 18:19

Ahimas kə́ ngōn̄ Sadok dəje Joab ta róbə kadə n-aw̄ n-əda mban̄g gotə najə̄ kə́ majə. Najə̄ ní i gān̄g kə́ Kɔ́ɔ̄ɓē gān̄g sarya yā mban̄g, tɔdɔ̄ Kɔ́ɔ̄ɓē ɔr̄ mban̄g kɔ̄ɔ́ jī madə̄ ba̰ā̰n gə̄ tə́.

1 SAMUEL 24:4

Nin̄ ugə̄n̄ loo ń gong batə̄ gə̄ i tū tə́ kə gō kadə róbó ní tə́, anī Saul aw̄ ta wa tə́ kem bəlo mbal̄ kógə̄ḿ kə́ ra loo ní tə́ tə́. Ba Dabid nin̄ kə deē yān gēé ndin̄ gə́le bəlo mbal̄ ní tə́.

1 SAMUEL 23:15

Dabid a̰a̰ ger̄ kadə̄ Saul a ndəlen i yā tɔ̄lən. Ba dan ngeé ń noō tə́ ní Dabid ndi i Horsa kem dəla loo kə́ Jip tə́.

1 SAMUEL 20:1

Dabid teē Nayot kə́ Rama tə́ a̰ȳ kɔ̄ɔ́. Ni-aw̄ ənge Jonatan ba dəjen na: m̄-rāā i rí yā bɔbí? I yá̰á̰ rí kə́ gōtə́ aĺ n m̄-rāā seneé ní? I majaĺ rí n m̄-rāā kə bɔbí á sāań tɔ̄lə̄m̄ ní?

1 SAMUEL 19:15

Saul tél əla de gə̄ ní ɓáý to̰ ba ədadə́ na: Únəniī kə tə̄rá yān gēé ī-reēī seneé ādə̄mī ādə̄ m̄-tɔ̄lən.

1 SAMUEL 18:11

Saul un nənga kə̄ dɔɔ́ ba əda na: M-ā m-ɔ́sə Dabid yā kəren kadə ndogə̄ mbal̄ tə́. Banī Dabid əja rɔ̄n kɔ̄ɔ́ ta nənga tə́ nja jōó.

2 SAMUEL 2:8

Abner kə́ ngōn̄ Ner ń i ngol ngé rɔ̄ɔ̄ gə̄ yā Saul ní un Isəboset kə́ ngōn̄ Saul, aw̄ seneé Mahanaim.

1 SAMUEL 19:1

Saul əda ngōnən Jonatan ō ngé kəla yān gə̄ malang ō, najə̄ núm̄ ń ni núm̄ tɔ̄l̄ Dabid ní. Ba Jonatan ń i ngōn̄ Saul ní tár Dabid ngá̰ý.