2 SAMUEL 4:6 - Bibəl ta Sar̄

^6-7 Nin̄ udən̄ kújú gōn tə́ tītə̄ kə́ aw̄n̄ i kə kōō gémēé beē, əngenən̄ kújə ɓīīn tə́, to nang tə́ kem tə̄rá. Nin̄ ɔsənən̄ kemən tə́ ɔsə tɔ̄l̄nən̄, ba gāngə̄n̄ dɔn aw̄n̄neé. Njə̄rān̄ ndɔ̄ɔ́ kə́ njɔ́ḿ gə̄ tə́ kə róbə́ kə́ gō nang kə́ Araba tə́.

Bible sar

^6-7 Nin̄ udən̄ kújú gōn tə́ tītə̄ kə́ aw̄n̄ i kə kōō gémēé beē, əngenən̄ kújə ɓīīn tə́, to nang tə́ kem tə̄rá. Nin̄ ɔsənən̄ kemən tə́ ɔsə tɔ̄l̄nən̄, ba gāngə̄n̄ dɔn aw̄n̄neé. Njə̄rān̄ ndɔ̄ɔ́ kə́ njɔ́ḿ gə̄ tə́ kə róbə́ kə́ gō nang kə́ Araba tə́.

2 SAMUEL 4:6 Referans Kwoze

2 SAMUEL 2:23

Banī Asael mbātə́ kəya̰ gō Abner. Loo ń noō tə́ Abner ɔsə kemən kə gír nənga yānneé adə̄ teē dām̄ kə́rēý tə́. Asael əsō oy kə̄ loo nəkɔ́ ń noō tə́. De gə̄ malang ń reē ugə̄n̄ dɔ nīnə́n tə́ ní dəban̄.

2 SAMUEL 20:10

Kaskar ń Joab un kə jī gelneé ní Amasa əndā kemən dɔ tə́ alé. Joab ɔsəń kemən adə̄ tiīn kəjā nang tə́. Ni ɔsən kə́ ko̰ jōó to̰ alé, ba Amasa oy. Gō tə́ anī Joab nin̄ kə ngōkó̰o̰n Abisai sōngə̄n̄ gō Seba ngōn̄ Bikri.

2 SAMUEL 3:27

Dan ń Abner tél dɔ tə́ reē ugə̄ Hebron anī, Joab ɓārə́n kə̄ gogə́ aw̄ seneé ta róbə ndogə̄ tə́ kum kə̄ kemeé, tītə̄ kə́ yā kaw̄ kɔr̄ najə̄ kə́ loo mundə̄ tə́ seneé beē. Ni-ɔsə kem Abner kə kəyá tɔ̄lən loo ń noō tə́ kum gotə ngōkó̰o̰n Asael ń Abner tɔ̄lən ní.

2 SAMUEL 4:2

Isəboset ngōn̄ Saul aw̄ kə ngol ɓūtə̄ ngé rɔ̄ɔ̄ gə̄ jōó: Kógə̄ḿ rīn na i Baana, ba kə́rēý rīn na i Rekab. Nin̄ i ngán Rimon kə́ Beerot. Rimon i de kə́ gír ɓē yā Benjamḛ tə́. Tɔdɔ̄ tə́dan̄ ɓē kə́ Beerot i dan ɓē gə̄ yā Benjamḛ tə́.

NGÉ SARYA 3:26

a ɔrən̄ bā̰ā̰ ɓáý anī Ehud a̰ȳ aw̄ kɔ̄ɔ́. Ni-mān̄ loo ń ɓesə̄ mbal̄ gə̄ i tū tə́ ní ba a̰ȳ aw̄ Seira.