2 SAMUEL 4:11 - Bibəl ta Sar̄

¹¹ Anī ngé rāā majaĺ gə̄ kə́ tɔ̄lə̄n̄ de kə́ kanjə̄ najə̄ dɔn tə́, kə́ to kújú kem tə̄rá yān tə́ ní tá, kə m-ə̄ndā njadə́ kadə̄ tɔ̄ȳ nge ń noō aĺ a? Deē ń ī-tɔ̄lī ní mósən a əsō dɔsí tə́. M-ā m̄-rāā kadə̄ a ī-gətóoī kɔ̄ɔ́ dɔ nang tə́.

Bible sar

¹¹ Anī ngé rāā majaĺ gə̄ kə́ tɔ̄lə̄n̄ de kə́ kanjə̄ najə̄ dɔn tə́, kə́ to kújú kem tə̄rá yān tə́ ní tá, kə m-ə̄ndā njadə́ kadə̄ tɔ̄ȳ nge ń noō aĺ a? Deē ń ī-tɔ̄lī ní mósən a əsō dɔsí tə́. M-ā m̄-rāā kadə̄ a ī-gətóoī kɔ̄ɔ́ dɔ nang tə́.

2 SAMUEL 4:11 Referans Kwoze

PĀ GƏ̄ 9:12

Kɔ́ɔ̄ɓē ń kōr̄ kāgə̄ mbang yān ndi Siyo̰ ní, j-ənī pā j-ɔsiīneé gɔnən. Yá̰á̰ kə́ to ɓōĺ gə̄ ń ni-rāā ní ə̄nīī mbērən dan gír de gə̄ tə́!

1 JA̰A̰ 3:12

Ba i kadə̄ jə-toī tītə̄ Kain ń ni i deē yā De kə́ Majaĺ adə̄ tɔ̄l̄ ngōkó̰o̰n ní alé. Ba ni-tɔ̄lən i tām̄ rí tə́? I tām̄ kəla rāān i kə́ majaĺ, banī yā ngōkó̰o̰n i kə́ gō tə́.

HABAKUK 1:12

Nəkɔ́ ń jóo toó ní, i ḭ̄ n i Kɔ́ɔ̄ɓē ní. Ḭ̄ i Nə́ɓā yāḿ. Ḭ̄ i de kə́ Táĺ ō, ḭ̄ óy aĺ ō. Kɔ́ɔ̄ɓē, ḭ̄ ī-gə̄rā Babilon gə̄ yā rāań sarya sejí. Ḭ̄ i mbal̄ yāḿ kə́ ngan̄g. Ḭ̄ ī-mēr̄də́ kəndají, najə̄ yá̰a̰ rāājí kə́ gōtə́ aĺ tə́.

HABAKUK 1:4

De kə́ un ndū najə̄ rāań kəla gətóo ō, de kə́ gān̄g sarya kə gōó gətóo i kə́ bátə́ gə̄ tə́ ō. De kə́ majaĺ ənī de kə́ rɔ̄kum rɔ̄ɔ̄ ō, ngé rāā sarya gə̄ gāngə̄n̄ sarya kə gōó aĺ ō.

JEREMI 10:11

Yá̰á̰ ń ā ə́daīdə́ ní n toó: Nə́ɓā gə̄ ń rāān̄ dɔ rā̰ aĺ ō, dɔ nang aĺ ō ní, a gətóon̄ kɔ̄ɔ́ dɔ nang tə́ ō, gír rā̰ tə́ ō.

Gōsə̄ najə̄ gə̄ 25:26

De kə́ súmūú kə́ ndebə ta kum de kə́ nge kem ndul tə́ to i tītə̄ man̄ kə́ əɓa nang tə́ kə́ kumən kusə́rū beé ō, to i tītə̄ bəlo man̄ kə́ kumən majaĺ beē ō.

Gōsə̄ najə̄ gə̄ 2:22

Banī a ɔrə̄n̄ ngé kem ndul gə̄ kɔ̄ɔ́ dan deē madə̄də́ gə̄ tə́ dɔ nang tə́ ō, a ró̰ȳn̄ de kə́ sew aĺ gə̄ kɔ̄ɔ́ dɔ nang tə́ ō.

PĀ GƏ̄ 109:15

Ādə̄ əga kem Kɔ́ɔ̄ɓē dɔ tə́ ngándáńg ō, ādə̄ ni-rāā adə̄ rī de gə̄ ń noō gətóo kem ɓēé ō!

1 MBAN̄G GƏ̄ 2:32

Kɔ́ɔ̄ɓē tél kə mósəneé ənī i dɔn tə́. Ni tɔ̄l̄ de gə̄ jōó kə́ nin̄ i de kə́ súmūú tɔȳn gə̄ ō, kə majə tɔȳn gə̄ ō. Ni-tɔ̄l̄də́ kə kaskaraá i gidə bɔbə́ḿ tə́ jəke kanjə̄ kadə̄ bɔbə́ḿ ger̄ gō. De gə̄ ń ni-tɔ̄l̄də́ ní i Abner kə́ ngōn̄ Ner ń i ngol áskar gə̄ kə́ Israel tə́ ní ō, Amasa ngōn̄ Yeter ń i ngol áskar gə̄ kə́ Juda tə́ ní ō.

2 SAMUEL 3:39

Urən̄ yibə̄ ngār dɔḿ tə́ adə̄ mā i ngār ɓá tā, ba ɓōólaā ní tɔ́gə́ḿ gətóo adə̄ de gə̄ ń noō, ngán Seruya gə̄ ń noō, dɔ́nɔ yādə́ tɔȳ yāḿ mā. Banī ādə̄ Kɔ́ɔ̄ɓē əgā nge kem ndul sɔɔ̄ń kem ndul yān.

2 SAMUEL 3:27

Dan ń Abner tél dɔ tə́ reē ugə̄ Hebron anī, Joab ɓārə́n kə̄ gogə́ aw̄ seneé ta róbə ndogə̄ tə́ kum kə̄ kemeé, tītə̄ kə́ yā kaw̄ kɔr̄ najə̄ kə́ loo mundə̄ tə́ seneé beē. Ni-ɔsə kem Abner kə kəyá tɔ̄lən loo ń noō tə́ kum gotə ngōkó̰o̰n Asael ń Abner tɔ̄lən ní.

Teē Ngán Israel gə̄ 21:12

Deē ń ənda deē tɔ̄l̄ ní, a tɔ̄lə̄n̄ kɔ́ɔ̄ ō.

Teē Ngán Israel gə̄ 9:15

Nə́ngētə́ n-əla jīn n-əndasí na i kə mo̰y ngāl̄bɔ̄gīí anī, īkɔ́ Parao̰ gə̄gē, gír deē yāí gə̄ gə̄gē na ā ī-gətóoī dɔ nang tə́ laā kɔ̄ɔ́.

TA KƏLA 7:23

Kɔ́ɔ̄ɓē tɔ̄l̄ yá̰a̰ malang ń ndi kə kumuú dɔ nang tə́ ní kɔ̄ɔ́. De gə̄ gə̄gē, dā̰ kə́ bo gə̄gē, kə́ dūú gə̄gē, yel̄ gə̄gē malang. Na̰y i Noe ō, ngé gə̄ ń i seneé kem to boó ní ō ngóy.

TA KƏLA 6:13

Anī ni-əda Noe na: m̄-gḛy kadə̄ gír yā de gə̄ gān̄g kɔ̄ɔ́, tɔdɔ̄ yá̰á̰ kə́ rāā kə dɔ́nɔ́ al̄ naā ngá̰ý dɔ nang tə́, adə̄ m-ā m̄-nujədə́ kɔ̄ɔ́ ō, m-ā m̄-nujəń dɔ nang kɔ̄ɔ́ ō.

TA KƏLA 4:11

Dɔ nang ń teē tan taāń mósə ngōkó̰ó̰í ń ī-tɔ̄lə̄n ní jīí tə́ ní, ngɔlaā ndɔ̄líī.

2 SAMUEL 16:8

Ḭ̄ ó̰o̰ ɓē gotə Saul tə́ ba Kɔ́ɔ̄ɓē rāā adə̄ mósə Saul ō, mósə kojə yān gə̄ malang ō, əsō dɔí tə́. Kɔ́ɔ̄ɓē adə̄ ngōnīí Absalom ko̰o̰ ɓē. Yá̰á̰ kə́ to kum kaȳ aĺ əsō dɔí tə́ tɔdɔ̄ ḭ̄ i nge ɓōkə́ mósə de gə̄ nang tə́.