2 SAMUEL 3:9 - Bibəl ta Sar̄

⁹ Yá̰á̰ ń Kɔ́ɔ̄ɓē túbə ənīń ndūn yā rāā tām̄ yā Dabid tə́ ní, ré m̄-rāā m-ādə̄n aĺ anī, ādə̄ Kɔ́ɔ̄ɓē rāām̄ yá̰á̰ kə́ tōr̄ ń toō ō, tél rāām̄ ngé kə́ tōr̄ ń toō ō.

Bible sar

⁹ Yá̰á̰ ń Kɔ́ɔ̄ɓē túbə ənīń ndūn yā rāā tām̄ yā Dabid tə́ ní, ré m̄-rāā m-ādə̄n aĺ anī, ādə̄ Kɔ́ɔ̄ɓē rāām̄ yá̰á̰ kə́ tōr̄ ń toō ō, tél rāām̄ ngé kə́ tōr̄ ń toō ō.

2 SAMUEL 3:9 Referans Kwoze

1 SAMUEL 15:28

Anī Samuel əda Saul na: Ɓōólaā Kɔ́ɔ̄ɓē rāā adə̄ gír ndií mban̄g dɔ ngán Israel gə̄ tə́ gān̄g kɔ̄ɔ́, ba téləń adə̄ madí kə́ rang kə́ majə tɔyī.

1 MBAN̄G GƏ̄ 19:2

Anī Jesabel əla deē kadə̄ aw̄ əda Eli na: Bírí kə mbang ké beē, ré m̄-tɔ̄lī tītə̄ ń ī-tɔ̄ləń ngé koō ta gə̄ ní aĺ anī, ādə̄ nə́ɓā gə̄ rāāmə̄n̄ yá̰á̰ kə́ tōr̄ kə́ beé ba tél rāāmə̄n̄ nge kə́ beé!

1 YÁ̰A̰ GƏ̄ 12:23

Kə dɔ ndɔ̄ gə̄ ń noō de gə̄ a reē ɓɔ̄ɔ̄n̄ rɔ̄də́ tū yā Dabid tə́ yā kɔsə kílən kə̄ dɔɔ́, adə̄ ngé rɔ̄ɔ̄ yān gə̄ bəlan̄ ngá̰ý.

1 SAMUEL 28:17

Kɔ́ɔ̄ɓē rāā i yá̰á̰ ń ni ədam̄ á m-ə́daī najə̄n kété ní, ni-taā ngār jīí tə́ kɔ̄ɔ́ ba téləń adə̄ de kə́ rang ń i Dabid ni.

RUTƏ 1:17

Loo ń ā óy tū tə́ ní m-ā m-óy tū tə́ ō, a dubə̄mə̄n̄ i loo ní tə́ ō. Ré i yo tá a kēgə̄jí naā tə́ seí, ba ré i yá̰á̰ kə́ rang anī ādə̄ Kɔ́ɔ̄ɓē rāām̄ yá̰á̰ kə́ tōr̄ ń toō ō, rāām̄ adə̄ tɔȳ dɔ ō!

2 SAMUEL 19:13

Nin̄ na i kojə yān gə̄, ba ké i ba̰ý á nin̄ i de kə́ gō gogə́ gə̄ loo tél reē kə mbangāá gogə́ ɓēé tə́ wa.

2 SAMUEL 3:35

Gō tə́ anī reē mērə̄n̄ Dabid kəsa yá̰á̰ pá tá kadə̄ mbang udə ɓáý, banī ni-ənī míndən əda na: Ré m-ə́sá mápa aláa yá̰á̰ kə́rēý kə́ rang kété no mbang kudə tə́ anī, ādə̄ Kɔ́ɔ̄ɓē rāām̄ yá̰á̰ kə́ tōr̄ ń toō ō, tél rāām̄ nge ń toō ō, tām̄ majaĺ yāḿ tə́!

1 SAMUEL 25:22

Beé ɓáa de gə̄ malang kə́ ta kújə yā Nabal tə́ ní, ká ré i dəngam kógə̄ḿ n m-ə́ya̰n adə̄ loo tīī dɔn tə́ gə̄gē anī ādə̄ Nə́ɓā rāām̄ yá̰á̰ kə́ tōr̄ ba tél rāām̄ ɓáý to̰.

1 SAMUEL 14:44

Saul əda na: Ādə̄ Nə́ɓā rāā yá̰á̰ kə́ tōr̄ ń toō ba tél rāā ɓáý to̰. A̰á̰ā̰ Jonatan ā óy.

1 SAMUEL 3:17

Anī Eli dəjen najə̄ əda na: Ədaī na i rí? Ɓɔ́, najə̄ ń ədaī ní ī-lōō mundə̄m̄. Ré ī-mundə̄m̄ najə̄ kógə̄ḿ kə́ dan najə̄ gə̄ ń ɔr̄ seí tə́ ní anī, ādə̄ Nə́ɓā rāāī yá̰á̰ kə́ tōr̄ ń toō ō, nge kə́ tōr̄ ń toō ō.

2 SAMUEL 19:14

Ba gō tə́ anī kə dəjen̄ Amasa na ké ni i kojə yān aĺ wa. Ré ni Dabid n-əndān ngol áskar yān gə̄ tə́ kum gotə Joab aĺ anī, kadə̄ Kɔ́ɔ̄ɓē rāān yá̰á̰ kə́ tōr̄ ń toō ō, tél rāān nge kə́ tōr̄ ń toō ō.

1 MBAN̄G GƏ̄ 2:23

Mban̄g Salomo̰ túbə kə rī Kɔ́ɔ̄ɓēé əda na: Adonia ń ɓōĺ aĺ ba nāā dəje yá̰á̰ kə́ beé ń noó, ré m-ādə̄ oy aĺ anī, ādə̄ Nə́ɓā rāām̄ yá̰á̰ kə́ tōr̄ kə́ beé ba tél rāām̄ nge kə́ beé!