2 SAMUEL 3:10 - Bibəl ta Sar̄

¹⁰ Kɔ́ɔ̄ɓē túbə əda na n-a n-taā ko̰o̰ ɓē jī de gə̄ kə́ gír kojə yā Saul tə́, na n-a n-rāā kadə̄ Dabid o̰o̰ ɓē dɔ Israel tə́ ō, dɔ Juda tə́ ō, a əla gír i Dan bátə́ Beer Seba.

Bible sar

¹⁰ Kɔ́ɔ̄ɓē túbə əda na n-a n-taā ko̰o̰ ɓē jī de gə̄ kə́ gír kojə yā Saul tə́, na n-a n-rāā kadə̄ Dabid o̰o̰ ɓē dɔ *Israel tə́ ō, dɔ *Juda tə́ ō, a əla gír i Dan bátə́ Beer Seba.

2 SAMUEL 3:10 Referans Kwoze

1 SAMUEL 3:20

I beé n de gə̄ malang kə́ dɔ nang kə́ Israel tə́ ń əla gír dɔ ɓē kə́ Dan tə́ bátə́ ugə̄ń Beer Seba ní gerə̄n̄neé kadə̄ Samuel i nge koō ta yā Kɔ́ɔ̄ɓē kə́ rɔ̄kum ní.

NGÉ SARYA 20:1

Ngán Israel gə̄ malang teēn̄ gidə kógə̄ḿ kánə̄n̄ naā ta kum Kɔ́ɔ̄ɓē tə́ kem ɓē kə́ Misəpa tə́. Ḭḭn̄ i kə̄ dɔ ɓē yādə́ gə̄ tə́ malang n reēn̄ ní. Ḭḭn̄ i ɓē gə̄ ń əla gír Dan bátə́ teēń Beer Seba ní ō, ḭḭn̄ i dɔ nang kə́ Galaad tə́ ō.

2 SAMUEL 24:2

adə̄ Dabid əda Joab ń i ngol ngé rɔ̄ɔ̄ gə̄ ń ra kadən tə́ ní na kə njə̄rān̄ kə gō gír ɓē gə̄ malang kə́ Israel tə́, kə əlan̄ gír Dan bátə́ Beer Seba. Kə tə́dan̄ de gə̄ malang kadə̄ n-gerə̄ń kutədə́.

2 SAMUEL 17:11

Adə̄ gír̄ yāḿ mā n toó: Ɔ́ý ngé rɔ̄ɔ̄ gə̄ kə́ Israel tə́ malang, ə́lá gír Dan bátə́ Beer Seba, ādə̄ kutədə́ asən̄ naā kə kutə nán̄g ngárə̄ḿnjēý kə́ ta bā tə́ ō, īkɔ́ āw̄ sedə́ ta rɔ̄ɔ̄ tə́ ō.

1 SAMUEL 15:28

Anī Samuel əda Saul na: Ɓōólaā Kɔ́ɔ̄ɓē rāā adə̄ gír ndií mban̄g dɔ ngán Israel gə̄ tə́ gān̄g kɔ̄ɔ́, ba téləń adə̄ madí kə́ rang kə́ majə tɔyī.

2 SAMUEL 3:11

Isəboset asə tūr̄ Abner najə̄ tə́ alé tɔdɔ̄ ɓōlə́n.

2 SAMUEL 3:21

Abner əda Dabid na: M-ā m-ə́la dɔ Israel gə̄ malang gír tɔ́gə yā kɔ́ɔ̄ ɓē gə̄ ń i mban̄g yāḿ ní tə́. Nin̄ a rāān̄ madə̄ naā seí ō, loo malang ń kemií ndigə ko̰o̰ ɓē dɔ tə́ ní ā ó̰o̰ ɓē dɔ tə́ ō. Dabid əya̰ Abner adə̄ aw̄ kə lápə́yaá.

1 SAMUEL 28:17

Kɔ́ɔ̄ɓē rāā i yá̰á̰ ń ni ədam̄ á m-ə́daī najə̄n kété ní, ni-taā ngār jīí tə́ kɔ̄ɔ́ ba téləń adə̄ de kə́ rang ń i Dabid ni.