2 SAMUEL 24:25 - Bibəl ta Sar̄

²⁵ Ni-rāā loo tun̄ yá̰a̰ loo ní tə́ ba ndējə̄ Kɔ́ɔ̄ɓē yá̰a̰ tun̄ kə́ róō horoó gə̄ ō, yá̰a̰ tun̄ kə́ tām̄ yā kem kógə̄ḿ tə́ gə̄ ō. Loo ń noō tə́ Kɔ́ɔ̄ɓē ɔjə kem majə yān kə́ tām̄ yā ɓē tə́ kə̄ ndágá, adə̄ gíŕ yá̰á̰ kə́ tōr̄ ń reē dɔ de gə̄ tə́ kem ɓē kə́ Israel tə́ ní gān̄g.

Bible sar

²⁵ Ni-rāā *loo tun̄ yá̰a̰ loo ní tə́ ba ndējə̄ Kɔ́ɔ̄ɓē *yá̰a̰ tun̄ kə́ róō horoó gə̄ ō, *yá̰a̰ tun̄ kə́ tām̄ yā kem kógə̄ḿ tə́ gə̄ ō. Loo ń noō tə́ Kɔ́ɔ̄ɓē ɔjə kem majə yān kə́ tām̄ yā ɓē tə́ kə̄ ndágá, adə̄ gíŕ yá̰á̰ kə́ tōr̄ ń reē dɔ de gə̄ tə́ kem ɓē kə́ *Israel tə́ ní gān̄g.

2 SAMUEL 24:25 Referans Kwoze

2 SAMUEL 21:14

aw̄ ɓōkə́n̄ kem bəlo ɓádə yā Kis kə́ bɔbə̄ Saul tə́, naā tə́ kə kə̄ngā Saul gə̄ ō, kə̄ngā Jonatan gə̄ ō, kem ɓē kə́ Sela tə́ gō nang yā Benjamḛ tə́. Dan ń rāān̄ yá̰a̰ malang ń mban̄g ədadə́ kadə̄ rāān̄ ní oy anī, Nə́ɓā ɔjə kem majə yān kə́ tām̄ yā ɓē tə́ kə̄ ndágá.

2 SAMUEL 24:14

Dabid əda Gad na n-sɔ̄l̄ ngá̰ý. Ɓá tá ba kəsō kem jī Kɔ́ɔ̄ɓē tə́ i só tə́ tɔȳ kəsō kem jī deē ndul gə̄ tə́. Tɔdɔ̄ Nə́ɓā i de kə́ kumən o̰o̰n seí ngá̰ý.

1 SAMUEL 7:17

Pá tá a tél a aw̄ gogə́ ɓēé Rama ɓáý. Tɔdɔ̄ kújə yān i noó ō, a gān̄g sarya yā Israel gə̄ i noó ō, rāā loo tun̄ yá̰a̰ yā Kɔ́ɔ̄ɓē i noó ō.

TA KƏLA 8:20

Noe ɔy kūbə̄rū mbal̄ gə̄ tə́ndā dɔ naā tə́, rāań loo tun̄ yá̰a̰ tām̄ yā Kɔ́ɔ̄ɓē tə́, ba əhɔ dā̰ kógə̄ḿ kógə̄ḿ dan dā̰ kə́ unjə̄ njáý njáý gə̄ tə́ ō, yel̄ kógə̄ḿ kógə̄ḿ dan yel̄ kə́ unjə̄ njáý njáý gə̄ tə́ ō, róō horoó dɔ loo tun̄ yá̰á̰ ní tə́ adə̄ Kɔ́ɔ̄ɓē.

1 SAMUEL 7:9

Samuel əhɔ ngōn̄ batə̄ kə́ ta mba tə́ tɔ̄l̄ ba róō horoó adə̄ Kɔ́ɔ̄ɓē. Gō tə́ anī no kə̄ dɔ Kɔ́ɔ̄ɓē tə́ tām̄ yā Israel gə̄ tə́. Anī Kɔ́ɔ̄ɓē adə̄n yá̰á̰ ń dəjen ní.

TA KƏLA 22:9

Dan ń ugə̄n̄ loo ń Nə́ɓā ɔjə Abəraham tə́ ní anī, Abəraham ɔy kūbə̄rū mbal̄ gə̄ tə́ndā dɔ naā tə́ rāań loo tun̄ yá̰a̰, ba ɔsə̄ kīr̄ dɔ tə́. Ni-do̰ō̰ ngōnə̄n Isaak ənīn dɔ kīr̄ ní tə́.

NGÉ SARYA 21:4

Teē kə ndō kə́ noō anī ḭḭn̄ dɔɔ́ kə gír looi ɓatə rāān̄ loo tun̄ yá̰a̰ loo ní tə́, ba róōn̄ dā̰ horoó kə taá malang ō, tunə̄n̄ yá̰a̰ tām̄ yā kem kógə̄ḿ tə́ ō dɔ tə́.

1 SAMUEL 13:9

Anī Saul əda de gə̄ na kə reēn̄ kə yá̰a̰ tun̄ kə́ yā róō horoó ō, yá̰a̰ tun̄ kə́ tām̄ yā kem kógə̄ḿ tə́ ō, kə adə̄nən̄ laā. Gō tə́ anī nəkɔ́ ndējə̄ Nə́ɓā yá̰a̰ tun̄ kə́ yā róō horoó ní.

1 SAMUEL 14:35

I beé n Saul rāań loo tun̄ yá̰a̰ adə̄ Kɔ́ɔ̄ɓē ní. Loo tun̄ yá̰á̰ kə́ ta kəga dɔ ń Saul rāā adə̄ Kɔ́ɔ̄ɓē ní n noó.

1 MBAN̄G GƏ̄ 1:1

Dan ń noō tə́ ní mban̄g Dabid tɔgə ɓə́gá ngá̰ý kɔ̄ɔ́. Tə́nīn̄ kūbə̄ dɔn tə́ ngá̰ý ɓá tā ba kūl̄ a o̰o̰n i mbéé ɓáý.

EJEKIEL 16:42

M-ā m̄-bə̄gā wōn̄g yāḿ kə́ ngá̰ý dɔí tə́ bátə́ ta tɔ̄l̄ ta tə́. Ba dan ń kum rāā jang yāḿ a gətóo anī, m-ā m̄-tél yā ndi jəke gogə́, wōn̄g a rāām̄ to̰ alé.

TA KƏLA 12:7

Kɔ́ɔ̄ɓē ndɔ̄bə̄ Abəram ədan na i nang ń toō n na n-a n-adə̄ ngán kaan gə̄ ní. Abəram ɔy kūbə̄rū mbal̄ gə̄ tə́ndā dɔ naā tə́, rāań loo tun̄ yá̰a̰ tām̄ yā Kɔ́ɔ̄ɓē tə́ loo ń ni ndɔ̄bə̄n tū tə́ ní.

TƏ́DA 17:13

Ni-ra dɔ dán de kə́ koy gə̄ kə de kə́ kə kumuú gə̄ tə́. Tā anī mo̰y kə́ ngan̄g ngá̰ý ní asən tɔ̄l̄ de gə̄.

NGÉ SARYA 6:24

Jedeo̰ rāā loo tun̄ yá̰a̰ loo ní tə́ adə̄ Kɔ́ɔ̄ɓē, ba ənī rīn na i Kɔ́ɔ̄ɓē i nge sɔl̄ kem deē. Ɓōólaā gə̄gē ní loo tun̄ yá̰á̰ ní ra kem ɓē kə́ Opəra yā Abiejer tə́ noō.