2 SAMUEL 24:16 - Bibəl ta Sar̄

¹⁶ De kə́ dɔ rā̰ tə́ əla jīn kə̄ dɔ ɓē kə́ Jerusalem tə́ yā nujəń kɔ̄ɔ́ anī Kɔ́ɔ̄ɓē lōō gír nujə loo tə́ ba ədan na: Asə beé, ī-tetə jīí kə̄ nang tə́. Nge kəla ní ra i kadə loo kənda kōō gémē yā Arona kə́ Yebus tə́.

Bible sar

¹⁶ *De kə́ dɔ rā̰ tə́ əla jīn kə̄ dɔ ɓē kə́ Jerusalem tə́ yā nujəń kɔ̄ɔ́ anī Kɔ́ɔ̄ɓē lōō gír nujə loo tə́ ba ədan na: Asə beé, ī-tetə jīí kə̄ nang tə́. Nge kəla ní ra i kadə loo kənda kōō gémē yā Arona kə́ Yebus tə́.

2 SAMUEL 24:16 Referans Kwoze

Teē Ngán Israel gə̄ 12:23

Kɔ́ɔ̄ɓē a mān̄ kem ɓēé yā kənda de kə́ Ejiptə gə̄. Ba ré ni-a̰a̰ mósə tū kāgə̄ ta róbə́ kújə́ kə́ dɔɔ́ tə́ ō, kə́ geleé tə́ ō, kə́ ko̰ó̰ tə́ ō anī, a mān̄ dɔɔ́, a əya̰ yá̰á̰ kə́ majaĺ kadə̄ udə gōsí tə́ kújú nujə loo alé.

TA KƏLA 6:6

Tōrə̄n ngá̰ý adə̄ ndə̄ngā rɔ̄n tām̄ rāā ń ni-rāā deē əndān dɔ nang tə́ ní.

KƏLA RĀĀ 12:23

Dan nəkɔ́ ń noō tə́ bang ɓáa de kə́ dɔ rā̰ tə́ yā Kɔ́ɔ̄ɓē əndan. Tām̄ dan ń de gə̄ ɔsən̄ gɔn Nə́ɓā ní, ni-tél kə kɔsə gɔn ní adə̄ Nə́ɓā alé, ba ngɔ̄m̄ i tām̄ yān nəkɔ́ tə́. Loo ń noō tə́ kur̄ gə̄ əsanən̄ adə̄ oy.

2 YÁ̰A̰ GƏ̄ 3:1

Salomo̰ əla gír rāā kújə yā Kɔ́ɔ̄ɓē kem ɓē kə́ Jerusalem tə́ dɔ mbal̄ Moriya tə́, loo ń Kɔ́ɔ̄ɓē ndɔ̄bə̄ bɔbə̄n Dabid tū tə́ ní tə́, I loo ń Dabid rāā kété loo kənda kōō yā Ornan kə́ Yebus tə́ ní.

2 MBAN̄G 19:35

Teē kə ndɔ̄ kə́ noō ndɔ̄ɔ́ anī, nge kaw̄ kəla yā Kɔ́ɔ̄ɓē udə kem gérger yā de kə́ Asiri gə̄ tə́ ba tɔ̄l̄ de gə̄ 185 000. Dan ń de gə̄ ndótən̄ kə gidə gōó dəloí anī loo i nīń malang.

1 SAMUEL 15:11

m̄-ndə̄ngā rɔ̄ḿ tām̄ kəndā ń m-ə̄ndā Saul mban̄g tə́ ní. Tɔdɔ̄ ni tūr̄ gidən kɔ̄ɔ́ taḿ tə́ ō, rāā yá̰a̰ gə̄ ń m-ə́dan ní aĺ ō. Najə̄ ń noō tōr̄ kem Samuel ngá̰ý, adə̄ ni nōō kə̄ dɔ Kɔ́ɔ̄ɓē tə́ ndɔ̄ɔ́ bátə́ loo tīī dɔn tə́.

2 YÁ̰A̰ GƏ̄ 32:21

Anī Kɔ́ɔ̄ɓē əla de kə́ dɔ rā̰ tə́ yān kógə̄ḿ kem gérger yā mban̄g kə́ Asiri tə́ adə̄ tɔ̄l̄ go̰ rɔ̄ɔ̄ gə̄ malang kɔ̄ɔ́ ō, tɔ̄l̄ ngol ngé rɔ̄ɔ̄ gə̄ ō, de kə́ bo gə̄ ō. Mban̄g kə́ Asiri tél kə rɔ̄sɔl̄ gēé ta kaw̄ gogə́ ɓēé. Dan ń udə kem kújə yā nə́ɓā yān tə́ anī, ngán kemən nəkɔ́ gə̄ tɔ̄l̄nən̄ kə kaskaraá.

2 KORḚNTƏ 2:6

Tām̄ yā de kə́ beé tə́ ní, mbātə́ ń kósə de gə̄ malang mbātə́n̄ najə̄ gōn tə́ ní asə.

MARK 14:41

Ni-tél reē nja kə́ nge ko̰ mətá, ba ədadə́ na: Ngɔlaā ní ī-ɓīī ō, ī-taāī koō ō! Asə tā! Kum mbang asə kɔ̄ɔ́. Á̰a̰ī, a əlan̄ Ngōn̄ Deē jī de kə́ ngé rāā yá̰a̰ majaĺ gə̄ tə́.

JAKARI 9:7

M-ā m-ɔ̄r̄ dā̰ kə́ mósə i tū tə́ tadə́ tə́ kɔ̄ɔ́ ō, dā̰ ń ndējə̄n̄ nə́ɓā kə́ rɔ̄kum aĺ gə̄ ní, m-ā m-ɔ̄r̄ kɔ̄ɔ́ tadə́ tə́ kɔ̄ɔ́ ō. De kə́ dandə́ tə́ gə̄ ń a teēn̄ ta yo tə́ ní, a télən̄ deē yāḿ gə̄, tītə̄ kə́ kété nin̄ i de gə̄ kə́ dan gír kaa yā Juda tə́ beē. De gə̄ kə́ kem ɓē kə́ Ekəron tə́ a udən̄ dan gír deē yāḿ gə̄ tə́, tītə̄ ń Yebus gə̄ rāān̄neé kété ní.

HABAKUK 3:2

Kɔ́ɔ̄ɓē, kəla rāāí kə́ bo bo gə̄ ní, m-ōō gotə. Kɔ́ɔ̄ɓē, dan ń m-ōō ní, m̄-ndew. Ī-rāā yá̰á̰ kə́ tītə̄ ń noō gə̄ dan ndijí kə kumjí tə́ ō, ī-rāā adə̄ de gə̄ gerə̄n̄də́ dan ndijí kə kumjí tə́ ō. Ká ré wōn̄g rāāī gə̄gē anī, ādə̄ əga kemií dɔ tár yāí tə́.

AMOS 7:6

Loo ń noō tə́ Kɔ́ɔ̄ɓē lōō gíŕ yá̰á̰ ń ni a sāā rāā tə́ ní, adə̄ əda na: Yá̰á̰ ń noō a rāā yá̰a̰ aĺ ō.

AMOS 7:3

Loo ń noō tə́ Kɔ́ɔ̄ɓē lōō gíŕ yá̰á̰ ń ni sāā rāā tə́ ní, adə̄ əda na: Yá̰á̰ ní a rāā yá̰a̰ alé.

IJAI 57:16

Tām̄ m̄-ndigə kɔ̄l̄ ngándáńg aĺ ō, m̄-ndigə kadə̄ wōn̄g rāām̄ kə́ njɔ́ḿ gə̄ tə́ aĺ ō. Ré i beé aĺ anī, ngé gə̄ ń m̄-rāādə́ ní, a tḭ̄ḭ̄n̄ ta koō ń deē a ndiń kə kumneé ní kɔ̄ɔ́.

IJAI 27:8

I beé alé, banī ni əndadə́ i mbée tām̄ majaĺ yādə́ tə́ kə ta kūl̄ tə̄ɓādə́ kɔ̄ɔ́, kə ta kūl̄ kəla sedə́ dɔ ɓē kə́ rang tə́ dɔ gúú tə́. Ni ɔydə́ kɔ̄ɔ́ kə ta kūl̄ koōn kə́ teē kə tɔ́gɔ́, tītə̄ kə́ i kə néĺ kə́ ngan̄g kə́ dūn̄ tə́ beē.

PĀ GƏ̄ 135:14

Tɔdɔ̄ Kɔ́ɔ̄ɓē gān̄g sarya kə́ majə tām̄ yā gír deē yān gə̄ tə́. Ni lōō gír̄ yá̰á̰ ń sāā rāā tə́ ní ba rāā majə kə ngé kəla yān gēé.

PĀ GƏ̄ 90:13

Kɔ́ɔ̄ɓē, ā ə́hɔ́jí kemií tə́ i bátə́ ta kə́ rá? Ī-tūr̄ rɔ̄í kə̄ rɔ̄jí tə́, á̰a̰ kum tō ndoō yājí jḭḭ ngé kəla yāí gə̄.

PĀ GƏ̄ 78:38

Ɓá tā ba ni ń kumən o̰o̰n kə de gēé ní, lōō gír tɔ̄l̄də́ malang kɔ̄ɔ́ tə́ ba ɔr̄ majaĺ yādə́ kɔ̄ɔ́ ō, lōō gír rāā wōn̄g sedə́ tə́ nja i ngá̰ý ō, adə̄ wōn̄g rāān dɔdə́ tə́ aĺ ō,

PĀ GƏ̄ 35:6

Loo ń nge kaw̄ kəla yā Kɔ́ɔ̄ɓē a ngɔ̄də̄də́ róbó anī ādə̄ loo risə til dɔdə́ tə́ ō, ādə̄ loo ndəte sedə́ ō.

1 MBAN̄G GƏ̄ 19:4

Nəkɔ́ njə̄rā ndɔ̄ kógə̄ḿ aw̄ń kem dəla loo tə́. Dan ń ugə̄ kem dəla loo tə́ anī, aw̄ ndi gír kāgə̄ jene kógə̄ḿ kə́ ra kə kérneé tə́. Ni ndə̄ngā yo əda na: Ngɔlaā m-ásə to̰ alé. Kɔ́ɔ̄ɓē, ī-taām̄ kə̄ rɔ̄í tə́, tɔdɔ̄ m̄-majə m̄-tɔȳ kaaḿ gə̄ alé.

2 SAMUEL 24:18

Ndɔ̄ nəkɔ́ ń noō tə́ Gad aw̄ ənge Dabid ba ədan na kə aw̄ kə rāā loo tun̄ yá̰a̰ loo ń Arona a ənda kōō yān tū tə́ ní tə́, kə adə̄ Kɔ́ɔ̄ɓē.

2 SAMUEL 5:8

Ndɔ̄ ń noō tə́ ní Dabid əda na: Deē ń ndigə tetə Yebus gə̄ rɔ̄ɔ̄ anī ādə̄ kɔ́ɔ̄ udə kem bəlo ń mbutən̄ tū mbal̄ tə́ kadə̄ man̄ mānəń ní tə́ ba al̄ aw̄ gōdə́ tə́. Nelə̄m̄ mā Dabid kə ngé nja motə gēé aĺ ō, kə ngé kum tɔ̄ɔ̄ gēé aĺ ō. I tām̄ najə̄ ń noō tə́ n ədan̄ na ngé kum tɔ̄ɔ̄ gə̄ ō, ngé nja motə gə̄ ō, a udən̄ kem kújə yā Kɔ́ɔ̄ɓē tə́ aĺ ní.

NGÉ SARYA 19:11

Dan ń ugə̄n̄ kə̄ gidə ɓēé ngɔr anī, loo sɔl̄ ngá̰ý kɔ̄ɔ́ Nge kəla ní əda kɔ́ɔ̄n na: Ādə̄ j-dəbaī ɓē yā Yebus gə̄ ń ra noó tə́ ba jə-ɓīī.

NGÉ SARYA 1:21

Ba Yebus gə̄ ń ndin̄ Jerusalem ní ngán Benjamḛ gə̄ tə̄ɓān̄də́ kɔ̄ɔ́ alé, adə̄ ndin̄ naā tə́ sedə́ kem ɓē kə́ Jerusalem tə́ bátə́ ɓōólaā.

JOJUE 15:63

Yebus gə̄ ń ndin̄ Jerusalem ní, Juda gə̄ asən̄ tə́ɓādə́ alé, adə̄ nin̄ kem ɓē kə́ Jerusalem tə́ kə Juda gēé bátə́ ɓōólaā.

Teē Ngán Israel gə̄ 12:13

Ba mósə́ kə́ ta kújə gə̄ ń ā ī-ndiī kemeé tə́ ní a rāā rɔ̄n i yá̰a̰ kɔjə dɔ kújə yāsí gə̄ tə́. Dan ń m-ā m-á̰á̰ mósə́ ní anī m-ā m̄-gə̄lā dɔ adə̄ yá̰á̰ kə́ tōr̄ a ɔdə rɔ̄sí alé. Adə̄ ré m-ā m-ə́nda ɓē kə́ Ejiptə anī, sḭḭ̄ ā ī-teēī kum tə́ karī.

Teē Ngán Israel gə̄ 9:28

Ī-ndɔ̄yī Kɔ́ɔ̄ɓē tām̄ yāḿ tə́ ādə̄ man̄ ndang to̰ aĺ ō, kɔ̄sə̄ tə́sō to̰ aĺ ō, ɓáa m-ā m-ə́yá̰sí kadə̄ āwī ba m-ā m-ɔ̄gə̄sí kaw̄ to̰ alé.

TA KƏLA 10:16

Yebus gə̄ ō, Amor gə̄ ō, Girgas gə̄ ō,

Teē Ngán Israel gə̄ 32:14

Dan ń Kɔ́ɔ̄ɓē oō beé anī, lōō gír yá̰á̰ ń əda na n-a n-rāā kə gír deē yān gēé ní tə́ kɔ̄ɔ́.

1 KORḚNTƏ 10:10

Ī-lōōī yṵ́r̄ najə̄, tītə̄ ń ngé kə́rēý gə̄ dandə́ tə́ yṵ́rə̄n̄neé, adə̄ nin̄-udən̄ kɔ̄ɔ́ jī nge kəla yā Nə́ɓā kə́ nge tɔ̄l̄ yo tə́ ní.

JEREMI 26:19

Ní, Ejekias mban̄g kə́ Juda tə́ ō, gír deē yān gə̄ malang ō tɔ̄lə̄n̄ Mise a? Ní, de gə̄ ɓōlə́n̄ ndíĺ Kɔ́ɔ̄ɓē sɔlə̄n̄neé kemən aĺ a? I loo ń noō tə́ n Kɔ́ɔ̄ɓē lōō gíŕ yá̰á̰ kə́ to kum kaȳ aĺ ń əda kadə̄ rāādə́ ní tə́. Ba jḭḭ̄ ɓáa jə-sāāī i yá̰á̰ kə́ majə aĺ kə̄ dɔjí tə́.

1 YÁ̰A̰ GƏ̄ 1:14

Yebus gə̄ ō, Amor gə̄ ō, Girgas gə̄ ō,

JEREMI 42:10

Ré ī-ndigiī ndi kem ɓē ń toō tə́ anī, m-ā m̄-ə̄ndāsí kemeé ō, m-ā m̄-nujə sesí to̰ aĺ ō. M-ā m̄-mbūsə̄sí kadə̄ ī-raī ngan̄g ō, m-ā m-ɔ̄r̄sí to̰ aĺ i kə́ bátə́ gə̄ tə́ ō. Yá̰á̰ kə́ majaĺ ń m̄-rāā sesí ní, m-ā m̄-tə́ndā gír yā gán̄g kɔ̄ɔ́ ō.