2 SAMUEL 24:14 - Bibəl ta Sar̄

¹⁴ Dabid əda Gad na n-sɔ̄l̄ ngá̰ý. Ɓá tá ba kəsō kem jī Kɔ́ɔ̄ɓē tə́ i só tə́ tɔȳ kəsō kem jī deē ndul gə̄ tə́. Tɔdɔ̄ Nə́ɓā i de kə́ kumən o̰o̰n seí ngá̰ý.

Bible sar

¹⁴ Dabid əda Gad na n-sɔ̄l̄ ngá̰ý. Ɓá tá ba kəsō kem jī Kɔ́ɔ̄ɓē tə́ i só tə́ tɔȳ kəsō kem jī deē ndul gə̄ tə́. Tɔdɔ̄ Nə́ɓā i de kə́ kumən o̰o̰n seí ngá̰ý.

2 SAMUEL 24:14 Referans Kwoze

PĀ GƏ̄ 119:156

Kɔ́ɔ̄ɓē, ī-rāā yá̰a̰ gə̄ ngá̰ý ɔ́jəń kadə̄ kumií o̰o̰ī kə de gēé ní, ī-rāām̄ ādə̄ m̄-ndi kə kumḿ gogə́ kə gō ndūí gə̄ ń ī-ra dɔ tə́ ní.

PĀ GƏ̄ 51:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid.

1 YÁ̰A̰ GƏ̄ 21:13

Anī Dabid tél əda Gad na kə̄ngā sāā na əgan ta ba na n-ndigə kəsō jī Kɔ́ɔ̄ɓē tə́ tɔȳ kəsō jī de gə̄ tə́, tɔdɔ̄ Kɔ́ɔ̄ɓē na i de kə́ kumən o̰o̰n ngá̰ý kə deé.

JONAS 4:2

Ni ndɔ̄ȳ Kɔ́ɔ̄ɓē tītə̄ ń toō beé əda na: Ha̰, Kɔ́ɔ̄ɓē, m̄-ger̄ majə i dan ń mā i kem ɓē yāḿ tə́ nú ɓáý ní. m̄-ger̄ kadə̄ ḭ̄ i de kə́ majə ngá̰ý ō, kumií o̰ō̰ī ngá̰ý ō, ḭ̄ i de kə́ nge tə́gā taí dɔ deē tə́ ō, ḭ̄ i de kə́ táŕ ngá̰ý ō, ré ə́la ɓōĺ kem deē tə́ anī, ī-tél ā ī-ndə̄ngā rɔ̄í ō.

PĀ GƏ̄ 145:9

Kɔ́ɔ̄ɓē i nge rāā majə kə de gēé malang. Ni tár de gə̄ malang ń ni rāādə́ ní.

PĀ GƏ̄ 130:4

Banī ḭ̄ i nge mā̰ȳ rɔ̄í adə̄ a ɓōlə́n̄ ndílí.

PĀ GƏ̄ 86:15

Banī Kɔ́ɔ̄ɓē, ḭ̄ i Nə́ɓā kə́ kumií a o̰o̰ī kə de gēé ō, kə́ nge ka̰a̰ kum tō ndoō yā de gə̄ ō, kə́ nge rāā wōn̄g láẃ aĺ ō, Kem majə yāí i ngá̰ý ō, ī-ra dɔ ndūí tə́ ngá̰ý ō.

IJAI 55:7

Majə kadə̄ de kə́ majaĺ gə̄ əya̰n̄ háĺdə́ kɔ̄ɔ́. Majə kadə̄ nge rāā yá̰á̰ kə́ majaĺ əya̰ gír̄ yān kə́ to kem ndul gə̄ kɔ̄ɔ́. Majə kadə̄ de gə̄ malang tél reēn̄ kə̄ rɔ̄ Kɔ́ɔ̄ɓē tə́, tɔdɔ̄ kumən a o̰o̰n tām̄ yādə́ tə́. Majə kadə̄ de gə̄ malang tél reēn̄ kə̄ rɔ̄ Nə́ɓā yājí tə́, tɔdɔ̄ ni mā̰ȳ rɔ̄n ngá̰ý.

IJAI 47:6

Kété ní, wōn̄g rāām̄ kə gír deē yāḿ gēé. Adə̄ ngé gə̄ ń kété nin̄ i deē yāḿ gə̄ ní, m̄-kídə̄də́, m-ə́ládə́ kem jīí tə́. Kumií o̰o̰ī sedə́ alé, ḭ̄ ī-rāā adə̄ ko̰o̰ ɓē yāí ɔȳ de kə́ tɔgə gə̄ tītə̄ njúkə beé.

Gōsə̄ najə̄ gə̄ 12:10

De kə́ súmūú a̰a̰ gō dā̰ yān gə̄ majə, banī kum ngé kem ndul gə̄ o̰o̰də́ alé.

PĀ GƏ̄ 86:5

Kɔ́ɔ̄ɓē, ḭ̄ ń i de kə́ nge kem majə ō, ā ī-mā̰ȳ rɔ̄í dɔ de gə̄ tə́ ō ní, ḭ̄ ī-rāā kem majə ngá̰ý kə de gə̄ malang ń a ɓār̄nī ní.

2 MBAN̄G 6:15

Nge kəla yā Elije ḭḭ dɔɔ́ kə gír looí ba teē kɔ̄ɔ́ kem ɓēé, anī a̰a̰ kadə̄ ɓūtə̄ ngé rɔ̄ɔ̄ gə̄ gīrə̄n̄ gidə ɓē kə sə́nda gēé ō, kə púsə́ sə́nda gēé ō. Ni-əda Elije na: Á! Kɔ́ɔ̄ḿ, j-a jə-rāā i ba̰ý?

1 SAMUEL 13:6

Dan ń de kə́ Israel gə̄ a̰a̰n̄ kadə̄ yo otə́ bḭḭ tɔdɔ̄ Pilistin gə̄ ń gīrə̄n̄də́ ní reēn̄ ngɔr ngá̰ý anī ɓɔ̄ɔ̄n̄ rɔ̄də́ kə̄ kem bəlo gə̄ tə́ ō, kem bəlo mbal̄ gə̄ tə́ ō, dɔ mbal̄ gə̄ tə́ ō, kem loo kə́ rāā gíŕ nángāá gə̄ tə́ ō, kə̄ kem bəlo kə́ ndēr̄ yā taāń man̄ ndī gə̄ tə́ ō.

PILIPƏ 1:23

Dɔḿ tɔ̄ɔ̄ jōó: Ngur kadə̄ m-óy m-āw̄ m̄-ndi kə Kərist rāām̄, i nge ń noō n m̄-gḛy ngá̰ý ní.

JA̰A̰ 12:27

Ngɔlaā ní ndílə́ḿ ndi kə gōó to̰ alé, ba kə m-ə́da na i rí tā. Kə m-ə́da na: Bɔbə́ḿ, ɔ̄rə̄m̄ kɔ̄ɔ́ kum mbang ń toō tə́ a? Ba i tām̄ yā kum mbang ngeé ń toō tə́ mandang n m̄-reēń ní.

JAKARI 1:15

Banī wōn̄g rāām̄ ngá̰ý kə nápar de gə̄ ń nin̄ taān̄ kem rɔ̄də́ nin̄ kɔ́ gə̄ adə̄ al̄ naā tə́ ní. Tɔdɔ̄ dan ń wōn̄g ń rāām̄ kə Israel ní i ngá̰ý aĺ ɓáý ní, gír de gə̄ ń toō rāān̄ adə̄ yá̰á̰ kə́ to kum kaȳ aĺ yān reē kə̄ dɔ madə̄ tə́.

MISE 7:18

Nə́ɓā kə́ to tītīí ndi noó a? Ḭ̄ ɔ̄r̄ yá̰a̰ rāā kə́ gōtə́ aĺ gə̄ kɔ̄ɔ́ ō, ī-mā̰ȳ rɔ̄í dɔ mān̄ dɔ ndū najə̄ gə̄ yā gír deē yāí gə̄ ń na̰yn̄ kə kumdə́ ní tə́ ō. Wōn̄g yāí to gotoó ngándáńg alé, banī nelī kadə̄ ɔ́jə́jí kem majə yāí.

2 SAMUEL 9:8

Mepiboset ɔsə non nang tə́ rɔȳń mban̄g Dabid ba əda na: Mā ń i bísə́ kə́ nger əsan ní, mā i rí kógə̄ḿ á kadə̄ ī-tūr̄ kumií kə̄ rɔ̄ḿ tə́ ní.

PĀ GƏ̄ 130:7

Israel, ə̄ndā kemií dɔ Kɔ́ɔ̄ɓē tə́ tɔdɔ̄ ni i nge kem majə. Ta róbə gə̄ kə́ kadə̄ ni gāngəń dɔí i ngá̰ý.

JEREMI 39:17

Ndɔ̄ ń noō tə́ ní, m-ā m̄-gān̄g dɔí adə̄ əlanī jī de gə̄ ń ī-ɓōĺdə́ ngá̰ý ní tə́ alé.

NŌŌ RƆ̄ 3:22

I kem majə yā Kɔ́ɔ̄ɓē kə́ ta ngóyn gətóo. Ni-a̰a̰ kum tō ndoō yā de gə̄ ngándáńg.

DANIEL 9:9

Kum ko̰o̰ ō, mā̰ȳ rɔ̄ ō, i yá̰a̰ yā Kɔ́ɔ̄ɓē Nə́ɓā yājí tām̄ jə-mbātə́ tan ō,

MISE 7:19

Ā ī-tél kadə̄ kumií a o̰o̰ī tām̄ yājí tə́ ɓáý. Adə̄ ā ə̄ndā njaí dɔ mān̄ dɔ ndū najə̄ gə̄ yājí tə́ ō, yá̰a̰ rāājí kə́ gōtə́ aĺ gə̄ malang ní, ā ī-ɓōkə́də́ gír bā boó kɔ̄ɔ́ ō!