2 SAMUEL 24:13 - Bibəl ta Sar̄

¹³ Gad aw̄ ədan kəla yā Nə́ɓā ní. Ni dəjen na ké ndigə i kadə̄ ɓō əsō kem ɓē yān tə́ ɓāl̄ sīrí, aké i kadə̄ madə̄ ba̰ā̰n gə̄ ngɔ̄də̄nən̄ ba kə a̰ȳ nodə́ tə́ nāā mətá, aké i kadə mo̰y ngāl̄bɔ̄gīí əsō kem ɓēé ndɔ̄ mətá wa. Kə gír̄ dɔ tə́ ba kə ədan najə̄ ń kadə n-tél n-aw̄ n-əda nge kəlan ní.

Bible sar

¹³ Gad aw̄ ədan kəla yā Nə́ɓā ní. Ni dəjen na ké ndigə i kadə̄ ɓō əsō kem ɓē yān tə́ ɓāl̄ sīrí, aké i kadə̄ madə̄ ba̰ā̰n gə̄ ngɔ̄də̄nən̄ ba kə a̰ȳ nodə́ tə́ nāā mətá, aké i kadə mo̰y ngāl̄bɔ̄gīí əsō kem ɓēé ndɔ̄ mətá wa. Kə gír̄ dɔ tə́ ba kə ədan najə̄ ń kadə n-tél n-aw̄ n-əda nge kəlan ní.

2 SAMUEL 24:13 Referans Kwoze

1 YÁ̰A̰ GƏ̄ 21:12

I ɓō kə́ kadə̄ rāā de gə̄ ɓāl̄ mətá, aké i rɔ̄ɔ̄ kə́ kadə̄ rāāī nāā mətá kadə̄ madə̄ ba̰ā̰í gə̄ tə́gāīn̄ kə kaskaraá ḿ? Aké i Kɔ́ɔ̄ɓē kə́ kadə̄ tɔ̄l̄ de kə́ kem ɓēé gə̄ kə kaskar yānneé, adə̄ i deē yān kə́ dɔ rā̰ tə́ kə́ nge tɔ̄l̄ yo kə́ əlan kə rī tɔ̄l̄ de gēé kə mo̰y ngāl̄bɔ̄gīí gō nang kə́ Israel tə́ malang ḿ? Ī-gír̄ yá̰a̰ ba ə́dam̄ yá̰á̰ ń kadə̄ m̄-tél, m-ə́da nge kəlaḿ ní.

2 SAMUEL 21:1

Dan ń Dabid a o̰o̰ń ɓē ní, ɓō kógə̄ḿ əsō kem ɓēé. Ɓō ní rāā de gə̄ ɓāl̄ mətá. Dabid aw̄ koō taá rɔ̄ Kɔ́ɔ̄ɓē tə́ anī, Kɔ́ɔ̄ɓē ədan na: I ɓōkə́ ń Saul nin̄ kə gír kojə yān gēé ɓōkə́n̄ mósə de gə̄ nang tə́ ní n ɓō əsōń kem ɓēé ní. I tɔ̄l̄ ń ni tɔ̄l̄ Gabaon gə̄ ní.

LEBI GƏ̄ 26:25

M-ā m-ādə̄ rɔ̄ a əsō dɔsí tə́ kadə̄ m̄-daləń ba̰ā̰ madə̄ naā ń m-ə́hɔ sesí ā ī-nujiīń kɔ̄ɔ́ ní. Ré ɔ́siī dɔsí naā tə́ kə̄ kem ɓē bo yā madə̄ ba̰ā̰sí gə̄ tə́ anī, m-ā m-ə̄nī mo̰y ngāl̄bɔ̄gīí dɔsí tə́ ō, m-ā m-ādə̄ ā ə̄sōī kem jī madə̄ ba̰ā̰sí gə̄ tə́ ō.

Najə̄ kə́ Majə yā Jeju ń Luk ndang ní 4:25

Ādə̄ m-ə́dásí najə̄ kə́ rɔ̄kum, ɓāl̄ yā Eli tə́ ń man̄ edə aĺ ɓāl̄ mətá kə nāā mehḛ́ ō, ɓō kə́ ngá̰ý rāā de gə̄ kem ɓēé malang ō ní, dəyá̰ kə́ ngaa koy gə̄ i ngá̰ý dɔ nang kə́ Israel tə́,

EJEKIEL 14:13

Ḭ̄ ngōn̄ deē, ōō! Majanī deē kógə̄ḿ gə̄ kə́ kem ɓē kógə̄ḿ tə́ rāān̄ yá̰á̰ kə́ gōtə́ aĺ seḿ, adə̄ najə̄ i dɔdə́ tə́, tɔdɔ̄ nin̄ ran̄ dɔ míndə́də́ tə́ alé. Loo ń noō tə́ m-ā m-ɔ́jə́ tɔ́gə́ḿ dɔdə́ tə́. Yá̰a̰ kəsa yādə́ ń ngɔ̄mə̄n̄ ní m-ā m̄-nujəń kɔ̄ɔ́ ō, m-ā m-ə̄nī ɓō dɔdə́ tə́ ō. I tītə̄ ń noō n m-ā m̄-rāań kadə̄ de gə̄ gə̄gē dā̰ gə̄ gə̄gē gətóon̄neé kɔ̄ɔ́ kem ɓēé ní.

NDŪ NAJƏ̄ 28:52

Nin̄ a gīrə̄n̄ gidə ɓē yāí gə̄ malang yā rɔ̄ɔ̄īneé bátə́ kadə̄ ndogə̄ mbal̄ kə́ ngan̄g yāí gə̄ ń ə̄ndā kemií dɔ tə́ ní ɓéngə̄lēn̄ kɔ̄ɔ́ malang. A gīrə̄n̄ gidə ɓē yāí gə̄ malang dɔ nang ń Kɔ́ɔ̄ɓē Nə́ɓā yāí adī tə́ ní yā rɔ̄ɔ̄īneé.

NDŪ NAJƏ̄ 28:35

Kɔ́ɔ̄ɓē a rāā kadə̄ do móy-seí əla gír kəsaī kejií tə́ ō, ɓúrí tə́ ō, pá tá tɔ̄ɔ̄ kə̄ loo gə̄ tə́ rɔ̄í tə́. A ḭḭ jam dɔí tə́ bátə́ da njaí tə́.

NDŪ NAJƏ̄ 28:27

Kɔ́ɔ̄ɓē a rāā kadə̄ ngaw ń a əɓa de kə́ Ejiptə gə̄ ní əɓaī ō, a rāā kadə̄ yá̰a̰ agī ō, kadə̄ kur əsaī ō, kadə̄ rɔ̄ ndo̰ō̰ kə́ dan gān̄g aĺ əsō dɔí tə́ ō.

NDŪ NAJƏ̄ 28:25

Kɔ́ɔ̄ɓē a rāā kadə̄ madə̄ ba̰ā̰í gə̄ a tetənī rɔ̄ɔ̄. Ré ún i róbə́ kə́ kógə̄ḿ beē n āw̄ ə̄nińdə́ rɔ̄ɔ̄ anī, ā ī-tél yā ka̰ȳ nodə́ tə́ i kə ta róbə́ kə́ rang gēé gír sīrí. Ā ī-téĺ yá̰á̰ kə́ əga deē kə̄ngā sāā tə́ tām̄ yā ɓē ko̰o̰ gə̄ malang kə́ dɔ nang tə́ ń a a̰a̰n̄ yá̰á̰ ń a rāāī ní tə́.

NDŪ NAJƏ̄ 28:22

Ni a rāāī kadə̄ ōn̄g ō, a ənī mo̰y gajə ō, rɔ̄ kagə̄ ō dɔí tə́. A rāā kadə̄ rɔ̄í a təngā tólóló ō, a rāā kadə̄ man̄ a əhɔ laa ō, a ənī mo̰y dɔ kōō gə̄ tə́ kadə̄ kərēn̄ ngéŕ ngéŕ ō, kadə̄ kumdə́ teē aĺ ō. Yá̰á̰ kə́ tōr̄ gə̄ ń noō a rāānī bátə́ kadə̄ ī-gətóoń kɔ̄ɔ́.

LEBI GƏ̄ 26:20

Ā ī-təgāī tɔ́gə́sí i karī, dɔ nang yāsí a teē yá̰a̰ aĺ ō, kāgə̄ yāsí gə̄ a anə̄n̄ aĺ ō.

PĀ GƏ̄ 91:6

Ā ī-ɓōĺ mo̰y ngāl̄bɔ̄gīí kə́ njə̄rā kum loo kə́ risə til tə́ aĺ ō, yá̰á̰ kə́ tōr̄ kə́ a tɔ̄l̄ kósə de gə̄ dan kadə ndaá aĺ ō.

2 SAMUEL 24:12

Kə aw̄ kə əda Dabid na najə̄ ń Kɔ́ɔ̄ɓē ədan ní n toó: M-ɔ́jiī yá̰á̰ kə́ tōr̄ gə̄ mətá kə́ tām̄ yā majaĺ ń ī-rāā tə́ ní kadə̄ ī-gə̄rā kógə̄ḿ danaá. Nge ń ā úń ní, m-ā m-ādə̄ a rāāī. Teē bírí dəloí dan ń Dabid ndōĺ dɔ ɓīī tə́ anī,

Teē Ngán Israel gə̄ 7:25

Ndɔ̄ sīrí mān̄ gō ndɔ̄ ń Kɔ́ɔ̄ɓē əndań man̄ bā tə́ ní.

1 SAMUEL 25:17

Adə̄ ngɔlaā ní ə̄ndā ma̰ȳ yá̰á̰ ń kadə̄ ī-rāā ní majə. Tɔdɔ̄ yá̰á̰ kə́ tōr̄ a əsō dɔ kɔ́ɔ̄jí tə́ ō dɔ de kə́ ta kújə yān tə́ gə̄ ō. Hálən nəkɔ́ majaĺ ngá̰ý, adə̄ deē asə kədan yá̰a̰ alé.

2 MBAN̄G 8:1

Elije əda dəyá̰ ń rāā ngōnən adə̄ ndól̄ ní na: Ḭ̄ ō, kojə yāí gə̄ ō, ḭ́ḭī laā kɔ̄ɔ́ āwī. Loo ń asiī kaw̄ tū tə́ ní i rá anī, āw̄ ī-ndiī tū tə́. Tɔdɔ̄ Kɔ́ɔ̄ɓē gḛy kadə̄ ɓō əsō dɔ nang kə́ Israel tə́. Ɓō ní a rāā de gə̄ ɓāl̄ sīrí.