2 SAMUEL 24:1 - Bibəl ta Sar̄

¹ Wōn̄g rāā Kɔ́ɔ̄ɓē kə ngán Israel gēé ɓáý to̰. Ni sə̄lā Dabid dɔdə́ tə́. Mērən tə́da kutə Israel gə̄ ō, Juda gə̄ ō,

Bible sar

¹ Wōn̄g rāā Kɔ́ɔ̄ɓē kə ngán *Israel gēé ɓáý to̰. Ni sə̄lā Dabid dɔdə́ tə́. Mērən tə́da kutə *Israel gə̄ ō, *Juda gə̄ ō,

2 SAMUEL 24:1 Referans Kwoze

1 YÁ̰A̰ GƏ̄ 21:1

Ndɔ̄ kógə̄ḿ tə́ Sətan gḛy nujə kə Israel gēé, adə̄ sə̄lā Dabid ta tə́da kutədə́.

KƏLA RĀĀ 4:28

Nin̄-rāān̄ yá̰a̰ malang ń īkɔ́ ɔ́jə loon kété kə gō tɔ́gə yāí ō, kə gō kem ndigə yāí ō ní.

EJEKIEL 20:25

Ndū najə̄ kə́ majaĺ gə̄ ō, jī bēl̄ loo rāā yá̰a̰ gə̄ kə́ a rāān̄ deē kadə̄ ndi kə kumneé aĺ gə̄ ō ní, m-ādə̄də́ gə̄gē.

EJEKIEL 14:9

Yá̰á̰ kə́ rang ń asə rāā yá̰á̰ ɓáý to̰ ní n toó: Ré nge koō ta kógə̄ḿ ndúm̄, adə̄ i nəkɔ́ n tūr̄ najə̄ əda anī, kumən na i mə̄kɔ́ Kɔ́ɔ̄ɓē n m-ə́ya̰n adə̄ rāā yá̰á̰ ń noō ní. Ɓá tā ba m-ā m-ɔ́jə́ tɔ́gə́ḿ dɔn tə́ ō, m-ā m-ɔ̄rən kə̄ gogə́ kɔ̄ɔ́ dan Israel gə̄ ń i gír deē yāḿ gə̄ ní tə́ ō.

2 SAMUEL 16:10

Mban̄g tél əda Abisai na: Sḭḭ̄ ngán Seruya, ā ə́laī tasí danaá i tām̄ rí tə́? Ré Kɔ́ɔ̄ɓē ədan na kə reē kə ndɔ̄ĺ Dabid anī, i náā n asə dəjen gír ní?

2 SAMUEL 12:11

Najə̄ ń Kɔ́ɔ̄ɓē əda ní n toó: M-ā m̄-rāā kadə̄ yá̰á̰ kə́ to kum kaȳ aĺ əsō dɔí tə́. Yá̰á̰ kə́ majaĺ ní a ḭḭ i dan de gə̄ kə́ gír kojə yāí īkɔ́ tə́. M-ā m̄-taā nə̄yá̰í gə̄ jīí tə́ yā kadə̄ ngeeí kə́rēý kə́ ngɔr ngá̰ý kadə̄ ɓīī sedə́ kadaá.

1 SAMUEL 26:19

Kɔ́ɔ̄ ɓē gə̄, m̄-rāāī ɓɔ́, ōō najə̄ ń mā nge kəla yāí m-ā m-ə́daī ní: Ré i Kɔ́ɔ̄ɓē n ra seí ta rāām̄ yá̰á̰ kə́ beē anī, ādə̄ un usə yá̰a̰ ndējə̄ kə́ kotə majə. Ba ré i de gə̄ anī, ādə̄ Kɔ́ɔ̄ɓē ndɔ̄ĺdə́. Tɔdɔ̄ ɓōólaā tə̄ɓāmə̄n̄ kɔ̄ɔ́, ɔgə̄mə̄n̄ ndi dɔ nang ń Kɔ́ɔ̄ɓē adə̄ deē yān gə̄ tə́ ní. Adə̄ to i tītə̄ kə́ ədamə̄n̄ na kə m-āw̄ kə m̄-rāā ɓesə̄ gə̄ beé.

Teē Ngán Israel gə̄ 7:3

M-ā m̄-rāā kadə̄ Parao̰ a rāā dɔ ngan̄g. M-ā m̄-rāā yá̰á̰ kə́ yáā gə̄ ō, kə́ to kɔr kum gə̄ ō, ngá̰ý dɔ nang kə́ Ejiptə tə́,

TA KƏLA 50:20

Nin̄ na númə̄n̄ rāān yá̰á̰ kə́ majaĺ ɓá tā ba Nə́ɓā na tūr̄ gír̄ yá̰á̰ kə́ majaĺ ní adə̄ na téĺ yá̰á̰ kə́ majə, adə̄ ɓōólaā na ajə gír de kə́ ngá̰ý gə̄ tītə̄ ń nin̄ kɔ́ gə̄ na a̰a̰nə̄ń noō.

TA KƏLA 45:5

kə lōōn̄ kadə̄ kemdə́ kə rāādə́ ō, kə lōōn̄ sōl̄ najə̄ kigə ń igən̄ seneé adə̄ reēn̄ seneé laā ní tə́ ō, tɔdɔ̄ Nə́ɓā na əlan kété nodə́ tə́ na i tām̄ kadə̄ na nin̄-ndin̄ń kə kumdə́.

2 TESALONIK 2:11

I tām̄ ń toō tə́ n Nə́ɓā adə̄də́ tɔ́gə́ kə́ kadə̄ rāādə́ kadə̄ ndúmə̄n̄ ní, yā kadə̄ nin̄-taānəń kem najə̄ kə́ sor̄ ō,

LEBI GƏ̄ 10:6

Gō tə́ anī Moijə əda Aaro̰ nin̄ kə ngánən kə́ rang gə̄ ń i Eleajar ō, Itamar ō ní na: Kə lōōn̄ kəya̰ nənga dɔdə́ kadə̄ to gususu ō, kə lōōn̄ rə̄yā̰ kūbə̄ kə́ rɔ̄də́ tə́ ō, na sōgə́ nin̄ kɔ́ gə̄ oyn̄ ō, wōn̄g rāā Kɔ́ɔ̄ɓē kə ngán Israel gēé malang ō. Na i ngákó̰ó̰də́ gə̄ malang ń i ngán Israel gə̄ ní n na a nōōn̄ ngé gə̄ ń Kɔ́ɔ̄ɓē tɔ̄l̄də́ kə horoó ní.

TƏ́DA 1:19

Moijə tə́dádə́ kem dəla loo kə́ Sinai tə́ tītə̄ ń Kɔ́ɔ̄ɓē ədanəń ní.

1 YÁ̰A̰ GƏ̄ 7:2

Rī ngán Tola gə̄ na i Uji ō, Repaya ō, Yeriel ō, Yamai ō, Ibəsam ō, Semuel ō. Nin̄ i de kə́ dɔ de kə́ gír kojə yā Tola tə́ gə̄ ō, nin̄ i go̰ rɔ̄ɔ̄ gə̄ ō. Ɓāl̄ yā Dabid tə́ ní, nin̄ i deē dūbú kutə jōó gidə i jōó kə kə́ ɓú mehḛ́.

NGÉ SARYA 2:14

Adə̄ wōn̄g rāā Kɔ́ɔ̄ɓē kə ngán Israel gēé. Ni-əya̰də́ adə̄ ngé ɓogə gə̄ ɔyn̄ yá̰a̰ kənge yādə́ gə̄ ō, əladə́ jī madə̄ ba̰ā̰də́ gə̄ ń ndi gīrə̄n̄ gidədə́ ní tə́ ō. Adə̄ ngán Israel gə̄ asən̄ dum̄ tadə́ to̰ alé.

NGÉ SARYA 2:20

Wōn̄g rāā Kɔ́ɔ̄ɓē kə ngán Israel gēé adə̄ əda na: Nápar de gə̄ ń toō mānə̄n̄ dɔ ndū najə̄ gə̄ ń m̄-rāań madə̄ naā sedə́ á m-ə́da kaadə́ gə̄ kadə̄ ngɔ̄mə̄n̄ ní. Nin̄ oōn̄ taḿ alé.

2 MBAN̄G 3:6

Anī kə̄ ndɔ̄ nəkɔ́ ń noō tə́ mban̄g Joram teē kem ɓē kə́ Samari tə́ aw̄ a̰a̰ ngé rɔ̄ɔ̄ yān gə̄ kə́ Israel tə́ malang.

1 YÁ̰A̰ GƏ̄ 7:40

De kə́ gír kojə yā Aser tə́ gə̄ malang n noó. Nin̄ i de kə́ dɔ kojə yādə́ gə̄ tə́ ō, nin̄ i de gə̄ kə́ kété no madə̄də́ gə̄ tə́ tū yá̰a̰ gə̄ tə́ malang ō, i gó̰ rɔ̄ɔ̄ gə̄ ō, i ngār gə̄ kə́ dɔ ngán ngār gə̄ tə́ ō. Kutə de yādə́ gə̄ kə́ asən̄ kaw̄ ta rɔ̄ɔ̄ tə́ ń ndangən̄ rīdə́ makətūbūú ní i deē 26 000.

2 YÁ̰A̰ GƏ̄ 32:25

Banī Ejekias ger̄ majə ń Nə́ɓā rāā seneé ní alé, ba ɔjə rɔ̄n ngá̰ý adə̄ Kɔ́ɔ̄ɓē rāā wōn̄g seneé ō, rāā wōn̄g kə ɓē kə́ Jerusalem ō, kə ɓē ko̰o̰ kə́ Juda ō.