2 SAMUEL 23:5 - Bibəl ta Sar̄

⁵ Yá̰á̰ ń Nə́ɓā rāā kə kojə yāḿ ní n toó. Ni-əhɔ madə̄ naā kə́ a to ngándáńg seḿ. tə́ndā ndū najə̄ gə̄ dɔ tə́ ō, ɔjə loo ngɔ̄mən majə ō. I ni n rāā adə̄ m̄-tetə rɔ̄ɔ̄ ō, rāā yá̰a̰ malang kə́ nel̄ de gə̄ ō ní.

Bible sar

⁵ Yá̰á̰ ń Nə́ɓā rāā kə kojə yāḿ ní n toó. Ni-əhɔ *madə̄ naā kə́ a to ngándáńg seḿ. tə́ndā *ndū najə̄ gə̄ dɔ tə́ ō, ɔjə loo ngɔ̄mən majə ō. I ni n rāā adə̄ m̄-tetə rɔ̄ɔ̄ ō, rāā yá̰a̰ malang kə́ nel̄ de gə̄ ō ní.

2 SAMUEL 23:5 Referans Kwoze

IJAI 55:3

Ī-nēlī mbīsí ō, ī-reēī kə̄ rɔ̄ḿ tə́ ō. Ōōī najə̄ yāḿ anī ā ī-ndiī kə kumsí. Kɔ́ɔ̄ɓē əda na: M-ā m-ə́hɔ madə̄ naā kə́ a to ngándáńg sesí. Majə gə̄ ń m-ə̄nī ndūḿ yā rāā kə Dabidí ní, m-ə̄nī ndūḿ m-ādə̄sí yā rāā sesí ngándáńg.

JEREMI 32:40

M-ā m-ə́hɔ madə̄ naā sedə́ kadə̄ a to ngándáńg. M-ā m̄-rāā majə sedə́, kanjə̄ kɔr ta tə́ ō, m-ā m̄-rāā kadə̄ a ɓōlə́n̄ ndílə́ḿ ngarā̰ kemdə́ tə́ ō, yā kadə̄ ɔrə̄n̄ rɔ̄də́ sa̰y rɔ̄ḿ tə́ to̰ aĺ i kə́ bátə́ gə̄ tə́.

HEBƏRO 13:20

I kə ta kūl̄ mósə yā madə̄ naā kə́ a to ngándáńg n Kɔ́ɔ̄ɓē yājí Jeju Kərist i nge kul̄ kə́ bo yā batə̄ gə̄ ní. Nə́ɓā kə́ nge kadə̄ kem sɔl̄ lɔm ndólə̄n dan de kə́ koy gə̄ tə́ kɔ̄ɔ́.

HEBƏRO 6:19

Kəndā ń j-əndāī kemjí dɔ Nə́ɓā tə́ ní, əhɔ ndíĺjí gotə kógə̄ḿ tītə̄ gində̄ kə́ ta ngɔr ngo̰ ń əhɔn̄neé to bo gotə kógə̄ḿ ní. Kəndā kem dɔ tə́ ngeé ń toō ní ra ngan̄g ngá̰ý ō, əndā kūbə̄ ń gāngə̄n̄neé kem kújə yā Kɔ́ɔ̄ɓē kə́ dɔ rā̰ tə́ ní gān̄g, ba aw̄ bátə́ ugə̄ kem loo kə́ táĺ ngá̰ý tə́ ō,

KƏLA RĀĀ 13:34

Tá Nə́ɓā əda ɓáý to̰ na n-a n-ndólə̄n dan de kə́ koy gə̄ tə́, yā kadə̄ ndum to̰ alé. Ni-əda najə̄ ní i tītə̄ ń toō: M-ā m-ādə̄sí yá̰á̰ kə táĺ gə̄ ō, kə́ a mānə̄n̄ aĺ bátə́ gə̄ ō ń m-ə̄nā ndūḿ najə̄n tə́ m-ādə̄ Dabid ní.

AMOS 9:11

Ɓē yā Dabid to i tītə̄ kújə ngɔm̄ kə́ ra dɔɔ́ aĺ beē. Ndɔ̄ kógə̄ḿ tə́ anī, mā Kɔ́ɔ̄ɓē m-ā m-ūtə̄ kumən kə́ mbútə̄ gə̄ kɔ̄ɔ́. Mbal̄ kə́ tū tə́ gə̄ ń tə́sōn̄ nang tə́ ní, m-ā m-ɔ́ýdə́ dɔɔ́ gogə́. M-ā m̄-tél yā rāān kadə̄ a to tītə̄ kə́ kété.

EJEKIEL 37:26

M-ā m-ə́hɔ madə̄ naā kə́ tām̄ yā lɔm tə́ sesí, ba madə̄ naā ní a to ngándáńg. M-ā m-ə̄ndāsí kem ɓē ń toō tə́ ō, m-ā m̄-rāāsí kadə̄ kutəsí i ngá̰ý ō, m-ā m-ə̄ndā kújə yāḿ dansí tə́ kadə̄ a to ngándáńg ō.

IJAI 61:8

Yá̰á̰ kə́ nelə̄m̄ mā Kɔ́ɔ̄ɓē i kadə̄ de gə̄ ɓōlə́n̄ gidə yá̰a̰ rāā kə́ súmūú. Banī yá̰á̰ ń nelə̄m̄ aĺ ngá̰ý ní, i taā yá̰a̰ yā deē dɔ gúú tə́. Adə̄ m-ā m̄-tél kə yá̰á̰ ń sɔɔ̄sí ní yā kadə̄sí gogə́, m-ā m-ə́hɔ madə̄ naā sesí, i madə̄ naā kə́ a to ngándáńg.

IJAI 27:6

Kum mbang gə̄ ń a reēn̄ noō ní, gír deē yā Jakob gə̄ a tə́lan̄ ngəradə́, Israel a sitə ō, a hútə̄ ō. Ni a rāā kadə̄ kanə̄n gə̄ a taān̄ loo dɔ nang tə́.

IJAI 11:1

Ngōn̄ kə́ dəngam kógə̄ḿ a teē dan de gə̄ kə́ kem kojə yā Jese tə́, tītə̄ ta jī kāgə̄ kə́ dūú kə́ əɓa kadə ɓōdə̄ kāgə̄ kə́ tɔgə kɔ̄ɔ́ tə́ beē. Ta jī kāgə̄ kə́ əɓa dɔ ngəran gə̄ tə́.

IJAI 7:14

I beé ɓá ní, Kɔ́ɔ̄ɓē nəkɔ́ a adə̄sí yá̰a̰ kɔjə kógə̄ḿ: Ngōmandə a ndān̄ ngōn̄, ba a ojə ngōn̄ kə́ dəngam. A ɓārə́n na i Emanuel, kumən na i Nə́ɓā i sejí.

IJAI 4:2

Ndɔ̄ kógə̄ḿ tə́ Kɔ́ɔ̄ɓē a rāā kadə̄ yá̰á̰ kógə̄ḿ kə́ majə ngá̰ý ō, kə́ to kɔsə gɔn ngá̰ý ō, əɓa kem ɓēé. De kə́ Israel tə́ gə̄ ń a teēn̄ ta yo tə́ ní, a əndan̄ kadədə́ ō, de gə̄ a rɔȳn̄də́ ō, najə̄ yá̰á̰ ń a teē kem ɓēé tə́ ní.

PĀ GƏ̄ 119:81

Tɔ́gə́ḿ gətóo kɔ̄ɔ́ loo ngóō kajə kə́ kadə̄ ájəm̄ tə́. Mā m-ə̄ndā kemḿ dɔ najə̄ yāí tə́.

PĀ GƏ̄ 89:3

Rɔ̄kum, m-ə́da na: Kem majə yāí to ngándáńg dɔ rā̰ tə́. Ḭ̄ ī-rāā adə̄ ra dɔ ndū tə́ yāí ndi ngándáńg dɔ rā̰ tə́.

PĀ GƏ̄ 62:2

Ndi lɔm yāḿ i rɔ̄ Nə́ɓā tə́ ngóy. M-ájə i kə ta kūl̄neé.

PĀ GƏ̄ 27:4

m̄-dəje Kɔ́ɔ̄ɓē yá̰á̰ kógə̄ḿ ō, m̄-gḛy kənge gáŕ ō. I kadə̄ m̄-ndi kem kújə yā Kɔ́ɔ̄ɓē tə́ kə dɔ ndɔ̄ gə̄ malang ń m̄-ndiń kə kumḿ ní, yā kadə̄ m-á̰a̰ń majə Kɔ́ɔ̄ɓē ō, m-ə̄ndań kumḿ gíŕ kújə yān tə́ ō.

1 MBAN̄G GƏ̄ 12:14

tītə̄ ń balsáa madə̄n gə̄ ədan̄neé ní. Ni ədadə́ na: Bɔbə́ḿ əndā júgə́ kə́ kɔȳ dɔsí tə́, ba mā m-ā m-ə̄ndā júgə́ kə́ kɔȳ tɔȳ yā bɔbə́ḿ ɓáý dɔsí tə́. Bɔbə́ḿ əndasí i kə ndéy məraw kə́ karī, ba mā m-ā m-ə́ndásí i kə ndéy məraw kə́ gində̄ i ta tə́.

1 MBAN̄G GƏ̄ 11:38

Ré na ōō yá̰a̰ malang ń n-ədaī ní ō, na ún gō róbə gə̄ ń n-ɔjiī ní ō, na ī-rāā yá̰á̰ kə́ gōtə́ ta kumən tə́ ō, na ī-rāā yá̰a̰ gə̄ kə gō ndū najə̄ gə̄ ń n-adī ní ō, na ī-rāā gō míndə gə̄ ń n-ədaī kadə̄ ī-rāā ní tītə̄ ń nge kəla yān Dabid rāań kété ní ō anī, ni na i naā tə́ seí ō, gír kojə yāí na a o̰o̰ ɓē ngándáńg tītə̄ gír kojə yā Dabid ō, na n-a n-adī Israel ō,

1 MBAN̄G GƏ̄ 1:5

Dan ngeé n noō tə́ ní Adonia kə́ ngōn̄ Dabid ń ojən kə Hagit ní, ɔsə rɔ̄n kə̄ dɔɔ́ əda na i ni n n-a n-o̰o̰ ɓē ní. Ni sāā púsə́ sə́nda ō, sə́nda gə̄ ō, ɔy de gə̄ kutə mí adə̄ a ngɔ̄də̄n̄ kété non tə́ ō.

2 SAMUEL 18:14

Joab əda deē ní na n-a n-udə yā ra kə̄ tan tə́ alé. Ni ɔy kāgə̄ kə́ ta katə gə̄ mətá, aw̄ tɔ́səń Absalom ń naā dɔɔ́ rənge ta jī kāgə̄ tə́ ba oy aĺ ɓáý ní dɔ kújə́ mósən tə́.

2 SAMUEL 13:28

Absalom əda ngé kəla yān gə̄ na: Ə̄ndāī kumsí gír Amnon tə́ majə. Ré á̰a̰ī kadə̄ kasə rāān adə̄ rɔ̄n nelə̄n ngá̰ý ō, m-ə́dásí na: Ə́ndaī Amnon ō anī, ī-tɔ̄līin̄, ba ī-lōōī ɓōĺ. I mā n m̄-mēr̄sí tɔ̄lən ní aĺ a? I beé ní, ə́hɔī rɔ̄sí tɔgə ba ɔ́jiī kadə̄ sḭḭ̄ i de kə́ dəngam gə̄.

2 SAMUEL 13:14

Banī Amnon gḛy koō najə̄ yā Tamar alé. Ni-əsō seneé ba sāān dɔ gúú tə́.

2 SAMUEL 12:10

Adə̄ ngɔlaā ní kaskar a əya̰ gír kojə yāí to̰ aĺ i kə́ bátə́ gə̄ tə́, tɔdɔ̄ ḭ̄ ídə taí gíríḿ tə́ ō, ī-taā nə̄yá̰ Uri kə́ Het ō.

2 SAMUEL 7:18

Anī mban̄g Dabid aw̄ ndi nang tə́ ta kum Kɔ́ɔ̄ɓē tə́ ba əda na: Kɔ́ɔ̄ɓē Nə́ɓā, mā i náā, aké de kə́ gír kojə yāḿ tə́ gə̄ nin̄ i rí kógə̄ḿ á ī-reē seḿ bátə́ loo ń toō tə́ laā ní?

1 SAMUEL 25:28

Ba ī-mā̰ȳ rɔ̄í dɔ yá̰á̰ kə́ gōtə́ aĺ yāḿ tə́. m̄-ger̄ majə kadə̄ Kɔ́ɔ̄ɓē a rāā kadə̄ gír kojə yāí a o̰o̰ ɓē ngándáńg, tɔdɔ̄ ī-rɔ̄ɔ̄ rɔ̄ɔ̄ gə̄ yā Kɔ́ɔ̄ɓē ō kə dɔ ndɔ̄ gə̄ malang ń ī-ndiń kə kumií ní deē oō najə̄ kə́ majaĺ kógə̄ḿ dɔí tə́ aĺ ō.

1 SAMUEL 2:35

Gō tə́ anī m-ā m̄-gə̄rā nge tun̄ yá̰á̰ kə́ sew kə́ ni a rāā i yá̰á̰ ń kemḿ ndigə ní ō, yá̰á̰ ń ɓōn i kemḿ tə́ ní ō. M-ā m̄-rāā kadə̄ gír kɔjə yān a ndi kem kəla tun̄ yá̰á̰ tə́ ndi kə́ dan gān̄g aĺ. Ni a njə̄rā i ta kum mban̄g yāḿ ń urən̄ yibə̄ dɔn tə́ ní ngándáńg.

TA KƏLA 9:16

Ré m-á̰á̰ kə́ dēsə́ bā ní anī, a əga kemḿ dɔ madə̄ naā yāḿ kə́ a to ngándáńg ń m-ə́hɔ kə yá̰a̰ malang ń ndi kə kumuú dɔ nang tə́ ní tə́.

2 SAMUEL 7:12

Loo ń ré ndɔ̄í gə̄ təgān̄ adə̄ óy āw̄ gō kaaí gə̄ tə́ anī, m-ā m-ə̄ndā ngōn̄ kemií gotií tə́. M-ā m̄-rāā kadə̄ a ndi ngan̄g dɔ ngār yān tə́.

IJAI 54:10

Mbal̄ bo gə̄ asən̄ ndɔ́tə̄, ngán mbal̄ gə̄ asən̄ ndɔ́tə̄ kaw̄ ra loo kə́ rang tə́, banī táŕ ń m-āwń tām̄ yāí tə́ ní, a tūr̄ aĺ bátə́, madə̄ naā ń m-ə́hɔ seí yā rāań kadə̄ rɔ̄í nelī ní, a ndɔ́tə̄ loo aĺ bátə́. I mā Kɔ́ɔ̄ɓē n kemḿ gḛyiī á m-ə́daī najə̄ ń noō ní.

JEREMI 33:21

madə̄ naā ń m-ə́hɔ kə nge kəla yāḿ Dabid ní a gān̄g kɔ̄ɔ́ ō. Ngōn̄ kaan kə́ a ndi dɔ kōr̄ kāgə̄ mbang yān tə́ yā ko̰o̰ń ɓē a gətóo. Madə̄ naā ń m-ə́hɔ kə ngé tun̄ yá̰a̰ gə̄ kə́ gír yā Lebi tə́ ń i de kə́ bo yāḿ gə̄ ní a gān̄g kɔ̄ɔ́ ō.

PĀ GƏ̄ 111:9

Ni-gān̄g dɔ gír deē yān gə̄. Ni-adə̄də́ ndūn kə́ a to ngándáńg dɔ madə̄ naā yān tə́. Ni i Nə́ɓā kə́ táĺ ō, kə́ to ɓōĺ ngá̰ý ō.