2 SAMUEL 23:3 - Bibəl ta Sar̄

³ Nə́ɓā yā Israel ɔr̄ najə̄, nge ngɔ̄m̄ Israel ədam̄ na: Deē ń o̰o̰ ɓē dɔ de gə̄ tə́ kə háĺ kə́ gōtə́ ní, deē ń o̰o̰ ɓē dɔ de gə̄ tə́ kə ɓōĺ ndíĺ Nə́ɓāá ní,

Bible sar

³ Nə́ɓā yā Israel ɔr̄ najə̄, nge ngɔ̄m̄ Israel ədam̄ na: Deē ń o̰o̰ ɓē dɔ de gə̄ tə́ kə háĺ kə́ gōtə́ ní, deē ń o̰o̰ ɓē dɔ de gə̄ tə́ kə ɓōĺ ndíĺ Nə́ɓāá ní,

2 SAMUEL 23:3 Referans Kwoze

2 SAMUEL 22:32

Kɔ́ɔ̄ɓē ngóy i Nə́ɓā! I Nə́ɓā yājí ngóy n i mbal̄ yājí ní!

NDŪ NAJƏ̄ 32:4

Kɔ́ɔ̄ɓē i mbal̄, kəla rāān i kə́ majə ɔtə̄ kə taá. Tɔdɔ̄ gō róbə yān gə̄ malang i kə́ súmūú. Nə́ɓā i nge ra dɔ ndūn tə́, yá̰á̰ kə́ gōtə́ aĺ gətóo kemən tə́. Ni i de kə́ gōtə́ ō, kə́ súmūú ō.

Teē Ngán Israel gə̄ 18:21

Ní kə rāā ba kə gə̄rā de kə́ ngáā ngáā gə̄ dan ngán Israel gə̄ tə́ kə́ ɓōlə́n̄ ndíĺ Nə́ɓā ō, kə́ deē asə kənī kemən kadə̄də́ ō, kə́ a taān̄ yá̰a̰ jī deē tə́ yā nujəń sarya yā deē aĺ ō. Kə əndādə́ dɔ ngán Israel gə̄ tə́ kadə̄ nin̄ kə i ngār gə̄ dɔ de kə́ dūbú gə̄ tə́ ō, dɔ de kə́ ɓú gə̄ tə́ ō, dɔ de kə́ kutə mí gə̄ tə́ ō, dɔ de kə́ kutə kógə̄ḿ gə̄ tə́ ō,

HEBƏRO 1:8

Banī tām̄ yā ngōn̄ Nə́ɓā tə́ ɓáa Nə́ɓā əda na: Kōr̄ kāgə̄ mbang yāí ḭ̄ Nə́ɓā i kə́ kəndān kadə̄ ndi ngándáńg. Ḭ̄ ā ó̰o̰ ɓē yāí i kə yá̰a̰ rāā kə́ gōtə́.

JAKARI 9:9

Ɓē kə́ Siyo̰, ī-ndām̄ kə tɔ́gí gēé malang! A̰á̰ā̰, ɓē kə́ Jerusalem, ə́ga kɔŕ rɔ̄nel̄! Á̰a̰ā̰, mban̄g yāí a reē kə́ rɔ̄í tə́. Ni i de kə́ nge rāā yá̰á̰ kə́ gōtə́ ō, nge tetə rɔ̄ɔ̄ ō, ni i de kə́ najə̄n gətóo ō. Ni-ndi i gidə kərō kógə̄ḿ tə́, adə̄ i gidə ngōn̄ kərōó kógə̄ḿ kə́ kó̰o̰n i noó tə́.

PĀ GƏ̄ 72:2

Ādə̄ o̰o̰ ɓē dɔ gír deē yāí gə̄ tə́ kə háĺ kə́ gōtə́ ō, dɔ ngé ndoō yāí gə̄ tə́ kə háĺ kə́ súmūú ō.

PĀ GƏ̄ 42:9

Kadaá anī Kɔ́ɔ̄ɓē rāā kem majə seḿ, ndɔ̄ɔ́ anī m-ə̄nī pā yān ō, m̄-ndɔ̄ȳ Nə́ɓā ń i nge rāā kadə̄ m̄-ndi kə kumḿ ní ō.

TA KƏLA 33:20

Jakob rāā loo tun̄ yá̰a̰ loo ngeé ń noō tə́ ba əndā rīn na i Nə́ɓā i Nə́ɓā yā Israel.

JEREMI 23:5

Á̰a̰ī, kem ndɔ̄ gə̄ ń a reēn̄ noó tə́ ní, m-ā m̄-rāā kadə̄ ngōn̄ kaa Dabid kógə̄ḿ kə́ súmūú a ḭḭ dɔɔ́. Mban̄g kógə̄ḿ a ḭḭ yā ko̰o̰ ɓē ba a rāā yá̰a̰ i kə kum kedēé. A rɔ̄ɔ̄ dɔ yá̰á̰ kə́ súmūú tə́ ō, yá̰á̰ kə́ gōtə́ tə́ ō, kem ɓēé.

IJAI 32:1

Mbang kógə̄ḿ kə́ a o̰o̰ ɓē i kə yá̰a̰ rāā kə́ gōtə́ a ndi. Ngār gə̄ a ɔrən̄ de gə̄ ta róbə i kə ɓōĺ gidə yá̰á̰ kə́ súmūú.

Gōsə̄ najə̄ gə̄ 31:9

Ī-teē taí ī-gāngəń sarya kə gō róbə́ kə́ súmūú ō, ɔ̄rəń najə̄ yā nge ndoō ō, de kə́ nge rɔ̄ tō ndoō ō.

PĀ GƏ̄ 110:2

Ādə̄ Kɔ́ɔ̄ɓē ń ndi Siyo̰ ní rāā adə̄ ko̰o̰ ɓē yāí əla gír Jerusalem bátə́ ta kaw̄ sa̰y! Ó̰o̰ ɓē dan madə̄ ba̰ā̰í gə̄ tə́!

NEHEMI 5:14

Əla gír ndɔ̄ ń əndān̄neé dɔḿ tə́ kadə̄ i mā n i nge ko̰o̰ ɓē dɔ Jipə gə̄ tə́ gō nang kə́ Juda tə́, adə̄ i ɓāl̄ ko̰o̰ ɓē yā Artajerses kə́ nge ko̰ kutə jōó tə́ bátə́ ɓāl̄ ko̰o̰ ɓē yān kə́ nge ko̰ kutə mətá gidə i jōó tə́, adə̄ i bátə́ ɓāl̄ kutə gidə i jōó ní, tīr̄ ń mban̄g adə̄ ngé ko̰o̰ ɓē gə̄ ta róbə taā jī de gə̄ tə́ dɔ lambóó tə́ ní, mā ō ngákó̰ó̰ḿ gə̄ ō jə-taā jī de gə̄ tə́ alé.

Teē Ngán Israel gə̄ 20:2

Ɓē kə́ Ejiptə ń ḭ̄ i ɓəlo tū tə́ ní, i mā Kɔ́ɔ̄ɓē Nə́ɓā yāí ń m̄-teē seí kɔ̄ɔ́ kemeé ní.

Teē Ngán Israel gə̄ 3:15

Ə́dádə́ na i Kɔ́ɔ̄ɓē Nə́ɓā yā kaadə́ gə̄, adə̄ i Nə́ɓā yā Abəraham ō, Nə́ɓā yā Isaak ō, Nə́ɓā yā Jakob ō n əlaī rɔ̄də́ tə́ ní. Rīḿ ń a to ngándáńg kadə̄ de gə̄ a ɓāŕmə̄n̄neé kə dɔ ɓāl̄ gə̄ ní n noó.

1 MBAN̄G GƏ̄ 10:9

Kɔ́ɔ̄ɓē Nə́ɓā yā Salomo̰ ń gə̄rā Salomo̰ kadə̄ o̰o̰ ɓē dɔ Israel gə̄ tə́ ní, ādə̄ de gə̄ ɓōkə́nən̄ tɔ̄ȳ. Kɔ́ɔ̄ɓē na tár Israel gə̄ na i kə́ njɔ́ḿ gə̄ tə́ á na əndā Salomo̰ kadə̄ ni i mban̄g yādə́ kadə̄ gān̄g sarya yādə́ kə gō gēé ní.

Makətūbə̄ yā Job 34:17

Deē ń i nge ba̰ā̰ kə yá̰á̰ kə́ gōtə́ ní, a asə ko̰o̰ ɓē a? De kə́ gōtə́ ō, kə́ bo ngá̰ý ō ní, ī-nāā gān̄g sarya dɔn tə́ a?

PĀ GƏ̄ 72:1

Pā yā Salomo̰. Nə́ɓā, ī-rāā ādə̄ sarya gān̄g mban̄g to tītə̄ yāí. Ādə̄ ngōn̄ kem mban̄g ń toō háĺ kə́ gōtə́ yāí.

2 SAMUEL 8:15

Dabid o̰o̰ ɓē dɔ ngán Israel gə̄ tə́ malang. Ni-gān̄g sarya yā de gə̄ malang i kə gōó.