2 SAMUEL 23:14 - Bibəl ta Sar̄

¹⁴ Dan ngeé ń noō tə́ ní Dabid ndi loo ɓɔ̄ɔ̄ rɔ̄ yān kə́ ngan̄g tə́ ō, ɓūtə̄ ngé rɔ̄ɔ̄ yā Pilistin gə̄ ndin̄ kem ɓē kə́ Betlehem tə́ ō.

Bible sar

¹⁴ Dan ngeé ń noō tə́ ní Dabid ndi loo ɓɔ̄ɔ̄ rɔ̄ yān kə́ ngan̄g tə́ ō, ɓūtə̄ ngé rɔ̄ɔ̄ yā Pilistin gə̄ ndin̄ kem ɓē kə́ Betlehem tə́ ō.

2 SAMUEL 23:14 Referans Kwoze

1 YÁ̰A̰ GƏ̄ 12:16

I nin̄ n teēn̄ bā Jurdḛ kem nāā kə́ ta kəga dɔ tə́ ń bā Jurdḛ a rə̄ɓań kem kārə̄n tə́ kə̄ ndágá ní ba tə̄ɓān̄ de gə̄ malang ń ndin̄ kum wól loo gə̄ tə́ dām̄ kə́ gír ɓē tə́ ō, no ɓē tə́ ō, ní.

1 SAMUEL 24:22

Adə̄ ī-túbə ādə̄m̄ kə rī Kɔ́ɔ̄ɓēé kadə̄ ā ī-tɔ̄l̄ gír kaaḿ kɔ̄ɔ́ gotəḿ tə́ aĺ ō ā ī-tɔ̄l̄ rīḿ kɔ̄ɔ́ dan rī de kə́ kem ndogə̄ yā bɔbə́ḿ tə́ gə̄ aĺ ō.

1 SAMUEL 22:1

Dabid ḭḭ noó a̰ȳ aw̄ ɓɔ̄ɔ̄ rɔ̄n bəlo mbal̄ kə́ Adulam tə́. Ngákó̰o̰n gə̄ ō de kə́ ta kújə yā bɔbə̄n tə́ gə̄ malang ō oōn̄ kōōn adə̄ aw̄n̄ gōn tə́ loo ní tə́.

1 SAMUEL 14:6

Jonatan əda nge kətō yá̰a̰ rɔ̄ɔ̄ yān na: Ī-reē ādə̄ j-aw̄ bátə́ loo ń ngé kəja mɔtədə́ aĺ gə̄ ń noō ndin̄ tū tə́ ní. Majanī Kɔ́ɔ̄ɓē a rāā yá̰a̰ tām̄ yājí tə́. Ká ré jḭḭ̄ i ngá̰ý aké i sḛ́ý beē gə̄gē anī yá̰á̰ kə́ a ɔgə̄ Kɔ́ɔ̄ɓē tetə rɔ̄ɔ̄ kadə̄jí gətóo.

1 SAMUEL 13:23

Ɓūtə̄ ngé rɔ̄ɔ̄ gə̄ kógə̄ḿ yā Pilistin gə̄ aw̄ ndin̄ ta róbə́ kə́ dūú kə́ Mikəmas tə́ ń teē mbo̰ō̰ mbal̄ gə̄ tə́ ní.

1 SAMUEL 13:4

Israel gə̄ malang oōn̄ kadə̄ Saul tɔ̄l̄ nge ko̰o̰ ɓē yā Pilistin gə̄, adə̄ wōn̄g na rāā Pilistin gə̄ kə Israel gēé ngá̰ý. Loo ń noō tə́ Israel gə̄ malang ɔsən̄ dɔdə́ naā tə́ rɔ̄ Saul tə́ Gilgal.

1 SAMUEL 10:5

Gō tə́ anī ā ɔ̄tə̄ Gibea Eloim ń i ɓē ń ngé ko̰o̰ ɓē gə̄ yā Pilistin gə̄ ndin̄ tū tə́ ní. Ré ā údə kə̄ kem ɓēé anī, ā ə́nge ɓūtə̄ ngé koō ta gə̄ kə́ ḭḭn̄ loo kə́ kḭḭ kə̄ dɔɔ́ tə́ a reēn̄. Ngé kugə kənde kə́ kəlān i ngá̰ý gə̄ ō, kə́ kəlān i ngá̰ý aĺ gə̄ ō, ngé kənda kɔdə gə̄ ō, ngé kɔĺ nal gə̄ ō, a njə̄rān̄ kété nodə́ tə́. Ba nin̄ kɔ́ gə̄ tá a ɔrə̄n̄ najə̄ kə́ loo ngé koō ta gə̄ tə́ beé.

2 SAMUEL 5:17

Dan ń Pilistin gə̄ oōn̄ na urən̄ yibə̄ ngār dɔ Dabid tə́ kadə̄ ndi mban̄g dɔ Israel gə̄ tə́ anī, unən róbə kə́ əta tan kə̄ dɔɔ́ yā kaw̄ kəhɔn. Ba dan ń Dabid oō najə̄ ń noō ní, un róbə kə́ risə kum kə̄ nang tə́ yā kaw̄ń loo ɓɔ̄ɔ̄ rɔ̄ yān tə́.

TA KƏLA 35:19

Rasel oy adə̄ dubə̄nən̄ róbə́ kə́ ta kaw̄ kə̄ Epərata ń i Betlehem ní tə́.