2 SAMUEL 23:10 - Bibəl ta Sar̄

¹⁰ banī ni-ra gotoó beé, tɔ̄l̄ Pilistin gə̄ bátə́ adə̄ jīn oy yélélé ō, ngōngə̄rō tū kūl̄ kaskar yān tə́ ō. Ndɔ̄ ń noō tə́ Kɔ́ɔ̄ɓē tetə rɔ̄ɔ̄ kə́ bo adə̄ ngán Israel gə̄. Ngé rɔ̄ɔ̄ yā Israel gə̄ tél reēn̄ gogə́ rɔ̄ Eleajar tə́ i kə rī kɔy yá̰a̰ kənge gə̄ kə́ ta rɔ̄ tə́ ngóy.

Bible sar

¹⁰ banī ni-ra gotoó beé, tɔ̄l̄ Pilistin gə̄ bátə́ adə̄ jīn oy yélélé ō, ngōngə̄rō tū kūl̄ kaskar yān tə́ ō. Ndɔ̄ ń noō tə́ Kɔ́ɔ̄ɓē tetə rɔ̄ɔ̄ kə́ bo adə̄ ngán Israel gə̄. Ngé rɔ̄ɔ̄ yā Israel gə̄ tél reēn̄ gogə́ rɔ̄ Eleajar tə́ i kə rī kɔy yá̰a̰ kənge gə̄ kə́ ta rɔ̄ tə́ ngóy.

2 SAMUEL 23:10 Referans Kwoze

1 SAMUEL 19:5

Ni-un rɔ̄n adə̄ i yo n tɔ̄ləń Pilistin deē ní. Kɔ́ɔ̄ɓē tetə i rɔ̄ɔ̄ kə́ bo ngá̰ý n adə̄ ngán Israel gə̄ ndɔ̄ ń noō tə́ ní. Īkɔ́ á̰a̰ā̰ ō, rɔ̄í nelī ō. Ba i tām̄ rí tə́ á ī-sāā ɓōkə́ mósə de kə́ kanjə̄ najə̄ dɔn tə́ nang tə́ yā rāań yá̰á̰ kə́ majaĺ ní? I tām̄ rí tə́ á ī-sāā tɔ̄l̄ Dabid kanjə̄ kumən ní?

1 SAMUEL 11:13

Banī Saul əda na: Ndɔ̄ kə́ tītə̄ ń toō ní a tɔ̄lə̄n̄ deē kógə̄ḿ kemeé alé. Tɔdɔ̄ ɓōólaā i ndɔ̄ ń Kɔ́ɔ̄ɓē tetəń rɔ̄ɔ̄ nang kə́ Israel tə́ ní.

2 KORḚNTƏ 4:5

Tɔdɔ̄ dan ń j-ɔjə najə̄ ní, j-ɔjə i najə̄ yājí jḭḭ kɔ́ gə̄ alé, banī i najə̄ yā Jeju Kərist kə́ ni i Kɔ́ɔ̄ɓē. Ba kə́ tām̄ yājí jḭḭ tə́ ɓáa, j-əda na jḭḭ na i ngé kəla yāsí gə̄ tām̄ yā Jeju tə́.

Makətūbə̄ ń Pol ndang adə̄ Rom gə̄ ní 15:18

Tɔdɔ̄ ré m̄-sāā kɔr̄ najə̄ kə́ dɔ yá̰á̰ kə́rēý tə́ anī, i yá̰á̰ ń Kərist rāā kə ta kūlə̄ḿ ní ngóy n m-ā m-ɔ̄r̄ najə̄ kə́ dɔ tə́ ní. Ni-rāā adə̄ ngé gə̄ ń nin̄ i Jipə aĺ gə̄ ní oōn̄ ta Nə́ɓā i kə ta kūlə̄ḿ. Ni-rāā yá̰á̰ ní i kə najá ō, i kə kəla kə́ rāāá ō,

IJAI 53:12

I tām̄ najə̄ ń toō tə́ n m-ə̄ndān dan de gə̄ kə́ boon̄ tɔȳn̄ madə̄də́ gə̄ tə́ ní. Ni ō, ngé gə̄ ń tɔ́gə́də́ tɔȳ yā madə̄də́ gə̄ ní ō, a kēgə̄n̄ naā yá̰a̰ kənge gə̄ yā madə̄ ba̰ā̰. Tām̄ ni-ndigə koy kə gō kem ndigə yān nəkɔ́ ō, ndigə kadə̄ ni i dan ngé gān̄g róbə gə̄ tə́ ō. A̰á̰ā̰, ni un majaĺ yā de kə́ ngá̰ý gə̄ dɔn tə́ ō, udə dan najə̄ yā de gə̄ kə́ najə̄ i dɔdə́ tə́ yā rāā kadə̄ majə ō.

PĀ GƏ̄ 144:10

I ḭ̄ n i nge tetə rɔ̄ɔ̄ kadə̄ mban̄g gə̄ ní, nge kajə nge kəla yāí Dabid ta yo kaskar tə́ ní.

PĀ GƏ̄ 108:13

Ī-rāā sejí ādə̄ jə-rɔ̄ɔń madə̄ ba̰ā̰jí, tɔdɔ̄ kadə̄ deē ndul dḭḭ̄ deē madə̄n i gól̄ loo karī.

PĀ GƏ̄ 68:12

Kɔ́ɔ̄ɓē əda najə̄ tan kógə̄ḿ, anī dəyá̰ kə́ ngé kəla yān gə̄ teēn̄ láẃ tītə̄ kósə́ áskar gə̄ beé.

2 MBAN̄G 5:1

Naaman ń i ngol áskar gə̄ yā mban̄g kə́ Aram ní i deē kə́ kɔ́ɔ̄n gḛyn ngá̰ý, adə̄ a̰a̰ tan loo kɔr̄ najə̄ tə́ karī, tɔdɔ̄ Kɔ́ɔ̄ɓē tetə rɔ̄ɔ̄ adə̄ Aram gə̄ i kə kūl̄neé. Ba deē ngeé ń toō ń i go̰ rɔ̄ɔ̄ ní, i nge bānjə̄.

1 SAMUEL 14:23

Kɔ́ɔ̄ɓē tetə rɔ̄ɔ̄ adə̄ Israel gə̄ ndɔ̄ ń noō tə́ i tītə̄ ń noō. Rɔ̄ɔ̄ ní aw̄ bátə́ mān̄ ɓē kə́ Bet Aben kum kə̄ gidə kə́ nú tə́.

1 SAMUEL 14:6

Jonatan əda nge kətō yá̰a̰ rɔ̄ɔ̄ yān na: Ī-reē ādə̄ j-aw̄ bátə́ loo ń ngé kəja mɔtədə́ aĺ gə̄ ń noō ndin̄ tū tə́ ní. Majanī Kɔ́ɔ̄ɓē a rāā yá̰a̰ tām̄ yājí tə́. Ká ré jḭḭ̄ i ngá̰ý aké i sḛ́ý beē gə̄gē anī yá̰á̰ kə́ a ɔgə̄ Kɔ́ɔ̄ɓē tetə rɔ̄ɔ̄ kadə̄jí gətóo.

NGÉ SARYA 15:18

Dan ń kəndā man̄ rāā Samso̰ ngá̰ý anī ɓāŕ Kɔ́ɔ̄ɓē kadə̄ rāā seneé, ədan na: Kɔ́ɔ̄ɓē, m̄-tetə rɔ̄ɔ̄ ń toō i kə ta kūlīí. Ba ngɔlaā ní kadə̄ kəndā man̄ kə tɔ̄lə̄m̄ ō, kadə̄ m-ə̄sō kem jī de kə́ ngé kəja mɔtədə́ aĺ gə̄ ń toō tə́ ō a?

NGÉ SARYA 15:14

Dan ń Samso̰ reē ugə̄ ngɔr kə̄ kadə ɓē kə́ Lehi tə́ anī Pilistin gə̄ teē tə́nīn̄ tan kə kɔŕ tetə rɔ̄ɔ́. Banī Ndíĺ Kɔ́ɔ̄ɓē udə kem Samso̰ tə́, adə̄ kəla gə̄ ń tṵ́ṵ̄nəń jīn ní tél ton̄ i tītə̄ kəlā kūbə̄ lḛ́ḛ́ kə́ hor o̰o̰ beé adə̄ gángə̄n̄ i láẃ ngá̰ý.

JOJUE 11:8

Kɔ́ɔ̄ɓē əladə́ jī Israel gə̄ tə́ adə̄ Israel gə̄ tetən̄də́ rɔ̄ɔ̄ ba ngɔ̄də̄n̄də́ bátə́ teēn̄ sedə́ Sidon kə́ bo tə́ ō, Misərepot Maim tə́ ō, ngɔ̄də̄ndə́ kum kə̄ gír ɓē tə́ bátə́ teēn̄ sedə́ kum wól loo kə́ Misəpe tə́ ō. Ngán Israel gə̄ tetən̄də́ rɔ̄ɔ̄ ō, tɔ̄lə̄n̄də́ malang kanjə̄ kəya̰ deē kógə̄ḿ kadə̄ ndi kə kumuú ō.

JOJUE 10:42

Jojue tetə mban̄g gə̄ ń nuū rɔ̄ɔ̄ gidə kógə̄ḿ ō, taā dɔ nang yādə́ ō, tɔdɔ̄ Kɔ́ɔ̄ɓē Nə́ɓā yā Israel n rɔ̄ɔ̄ tām̄ yā Israel tə́ ní.

JOJUE 10:10

Kɔ́ɔ̄ɓē tə̄ndā Amor gə̄ tḭ̄ḭ̄də́ kɔ̄ɔ́ no ngán Israel gə̄ tə́, adə̄ ngán Israel gə̄ tɔ̄lə̄ndə́ ngá̰ý kadə ɓē kə́ Gabaon tə́. Ngán Israel gə̄ ngɔ̄də̄n̄ Amor gə̄ kum kə̄ Bet Horon ń i loo kə́ kḭḭ kə̄ dɔɔ́ tə́ ní, rɔ̄ɔ̄n̄də́ bátə́ ugə̄n̄ sedə́ Ajeka ō, Makeda ō.

2 SAMUEL 23:12

Banī Sama ra gotoó kem ndɔr̄ ní tə́. Ni ngɔ̄m̄ ndɔr̄ ní ō, tɔ̄l̄ Pilistin gə̄ ō. I beé n Kɔ́ɔ̄ɓē tetəń rɔ̄ɔ̄ kə́ bo adə̄ ngán Israel gə̄ ní.

1 YÁ̰A̰ GƏ̄ 11:13

Dan ń Pilistin gə̄ kánə̄n̄ naā Pas Damim yā rɔ̄ɔ̄ ngán Israel gə̄ ní, ni i kadə Dabid tə́ loo ngeé ń noō tə́. Ngán Israel gə̄ a̰ȳn̄ naā no Pilistin gə̄ tə́ ō, ndɔr̄ kōō ɔ́rjə i loo ní tə́ ō.

1 SAMUEL 17:53

Ngán Israel gə̄ lōōn̄ gír ngɔ̄də̄ Pilistin gə̄ tə́ ba tél reēn gérger yādə́ tə́ ɔyn̄ yá̰a̰ kənge yādə́ gə̄.