2 SAMUEL 23:1 - Bibəl ta Sar̄

¹ Najə̄ gə̄ ń Dabid ɔr̄ gō gogə́ ní n toó: Ōōī najə̄ kɔr̄ Dabid ngōn̄ Jese, najə̄ kɔr̄ deē ń əndānən̄ loo kə́ bo tə́ ní, deē ń Nə́ɓā yā Jakob ur yibə̄ ngār dɔn tə́ ní, deē ń nel̄ ngán Israel gə̄ tɔ̄ȳ kə pāá ngá̰ý ní.

Bible sar

¹ Najə̄ gə̄ ń Dabid ɔr̄ gō gogə́ ní n toó: Ōōī najə̄ kɔr̄ Dabid ngōn̄ Jese, najə̄ kɔr̄ deē ń əndānən̄ loo kə́ bo tə́ ní, deē ń Nə́ɓā yā Jakob ur yibə̄ ngār dɔn tə́ ní, deē ń nel̄ ngán *Israel gə̄ tɔ̄ȳ kə pāá ngá̰ý ní.

2 SAMUEL 23:1 Referans Kwoze

PĀ GƏ̄ 89:20

Ndɔ̄ kógə̄ḿ tə́ ī-teē ta kum deē yāí gə̄ tə́ ba ə́dádə́ na: m̄-rāā kə de kə́ əhɔ rɔ̄n tɔgə, m-ɔ́sə balsáá kógə̄ḿ kə́ dan gír deē yāḿ gə̄ tə́ kə̄ dɔɔ́.

KOLOSƏ 3:16

Kadə̄ Najə̄ yā Kərist ndi kemsí tə́ kə yá̰a̰ kənge kə́ tū tə́ gə̄ malang. Ī-ndóōī naā ō, ɔ̄jī naā ō, kə kum kedēé ngá̰ý. Ādə̄ Nə́ɓā rajəsí ba rāā adə̄ ə̄nīī pā gə̄ kə́ ton̄ kem makətūbə̄ pā gə̄ tə́ ō, pā gə̄ kə́ sḭḭ̄ kɔ́ gə̄ ī-rāāī ɔ́siīneé gɔnən ō, pā gə̄ kə́ Ndíĺ kə́ Táĺ əndā tasí tə́ ō, kə ngarān̄g kemsí gēé malang ādīin̄.

Najə̄ kə́ Majə yā Jeju ń Luk ndang ní 24:44

Gō tə́ anī, ni-ədadə́ na: Najə̄ gə̄ ń m-ə́dásí dan ń mā i sesí ní n toó: I gáŕ kadə̄ m̄-tɔ̄l̄ ta yá̰a̰ malang ń i kə́ ɔjə dɔḿ mā kem makətūbə̄ ndū najə̄ yā Moijə tə́ ō, yā ngé koō ta gə̄ tə́ ō, kem makətūbə̄ Pā gə̄ tə́ ō ní.

AMOS 6:5

Sḭḭ̄ ə̄nī pā ba ī-dānī gō kə kəndeé. sḭḭ̄ ī-teēī kə yá̰a̰ gōsə̄ kə́ kijə gə̄ tītə̄ yā Dabid beé.

PĀ GƏ̄ 72:20

Gír ndɔ̄ȳ gə̄ yā Dabid ngōn̄ Jese gān̄g.

PĀ GƏ̄ 2:6

Ni-əda na: Mban̄g ń m̄-gə̄rān ní m-ə̄ndān mban̄g i Siyo̰, dɔ mbal̄ yāḿ kə́ táĺ tə́.

1 YÁ̰A̰ GƏ̄ 16:9

Ə̄nīī pā ō, ə́ndaī yá̰á̰ kə́ ɓār̄ gōsə̄ gə̄ ō, tām̄ yān tə́. Ə̄nīī gotə yá̰á̰ kə́ yáā gə̄ malang ń ni-rāā ní.

1 YÁ̰A̰ GƏ̄ 16:7

Dabid əla gír kəndā kəla tɔ̄ȳ Kɔ́ɔ̄ɓē dɔ Asap tə́ kə ngákó̰o̰n gēé i ndɔ̄ ń noō tə́.

1 SAMUEL 2:10

Kɔ́ɔ̄ɓē a tetə madə̄ ba̰ā̰n gə̄ rɔ̄ɔ̄. Ni a ndi dɔ rā̰ tə́ yā ndángəń rɔ̄n dɔdə́ tə́. Kɔ́ɔ̄ɓē a gān̄g sarya dɔ de gə̄ tə́ bátə́ ta ngóy dɔ nang tə́. A əndā mban̄g yān ń urən̄ yibə̄ ngār dɔn tə́ gə̄rān̄neé ní ō, a adə̄ mban̄g ní tɔ́gə ō, a ɔsə gɔnən ō.

JAKƏ 5:13

Ré deē kógə̄ḿ kə́ dansí tə́ a̰a̰ tápə̄ anī, majə kadə̄ ni-ndɔ̄ȳ. Ré de kə́rēý i kə rɔ̄nelēé anī, majə kadə̄ ənī pā tɔ̄yń Nə́ɓā.

Najə̄ kə́ Majə yā Jeju ń Luk ndang ní 20:42

Tɔdɔ̄ Dabid nəkɔ́ əda kem makətūbə̄ Pā gə̄ tə́ na: Najə̄ ń Kɔ́ɔ̄ɓē əda Kɔ́ɔ̄ɓē gə̄ yāḿ ní n toó: Ī-ndi dɔ jī ko̰ḿ tə́,

NDŪ NAJƏ̄ 33:1

Moijə ń i deē yā Nə́ɓā ní, kété pá tá kadə̄ oy ní, najə̄ gə̄ ń ni-ɔr̄ á tɔ́rəń tan dɔ ngán Israel gə̄ tə́ ní n toó:

TA KƏLA 49:1

Jakob ɓāŕ ngánən gə̄ ədadə́ na kə ɔsən̄ dɔdə́ naā tə́ kadə̄ n-ədadə́ yá̰a̰ gə̄ ń, ndɔ̄ń tə́ anī, a reēn̄ dɔdə́ tə́ ní.

1 SAMUEL 17:12

Dabid i ngōn̄ Jese ń gír kaan i Epərata ní. Jese ndi ɓē i Betlehem kə́ Juda tə́. Ngánən kə́ dəngam gə̄ i sɔ́sɔ́. Ɓāl̄ yā Saul tə́ ní, Jese tɔgə kɔ̄ɔ́ adə̄ asə kaw̄ ta rɔ̄ɔ̄ tə́ to̰ alé ba əla i kə de gēé.

1 SAMUEL 18:7

Dəyá̰ gə̄ ń a ndāmə̄n̄ naā ní unən̄ pā ədan̄ na: Saul tɔ̄l̄ madə̄ ba̰ā̰n gə̄ i dūbú ba Dabid tɔ̄l̄ i dūbú kutə.

2 SAMUEL 22:34

Ni-rāā adə̄ njaḿ ɔl tītə̄ nja dul. Ni-əhɔm̄ adə̄ m̄-rā kə njaḿ dɔɔ́ dɔ loo kə́ kḭḭ kə̄ dɔɔ́ gə̄ tə́.

2 SAMUEL 22:51

Kɔ́ɔ̄ɓē rāā yá̰á̰ kə́ bo gə̄ dḭḭ̄ń mban̄g ń ni gə̄rā ní. Ni-rāā kem majə kə nge ń ni ur yibə̄ ngār dɔn tə́ ní, adə̄ i kə Dabidí ō, kə gír kaa yānneé ō, bátə́ kə̄ no tə́.

PĀ GƏ̄ 89:21

M-ə́nge nge kəla yāḿ Dabid, m-ɔ̄r̄ kamə̄n kə yibə̄ kə́ táĺ.