2 SAMUEL 22:7 - Bibəl ta Sar̄

⁷ Dan ń wur kɔl kə́ ngá̰ý əsō dɔḿ tə́ ní, m̄-ɓāŕ Kɔ́ɔ̄ɓē, m̄-ɓāŕ Nə́ɓā yāḿ. Anī ni-ndi kem kújə yān tə́ oō ndūḿ. Kɔŕ yāḿ əsō mbīn tə́.

Bible sar

⁷ Dan ń wur kɔl kə́ ngá̰ý əsō dɔḿ tə́ ní, m̄-ɓāŕ Kɔ́ɔ̄ɓē, m̄-ɓāŕ Nə́ɓā yāḿ. Anī ni-ndi kem *kújə yān tə́ oō ndūḿ. Kɔŕ yāḿ əsō mbīn tə́.

2 SAMUEL 22:7 Referans Kwoze

PĀ GƏ̄ 18:6

Loo kə́ ɓádá ɓírə̄m̄ ō, yo əyā gūmbə̄ noḿ tə́ ō.

PĀ GƏ̄ 116:4

Loo ń noō tə́ m̄-ɓāŕ Kɔ́ɔ̄ɓē kə rīneé: Ɓɔ́ Kɔ́ɔ̄ɓē, ī-gān̄g dɔḿ!

JONAS 2:7

m̄-risə bátə́ m-ūgə̄ nja mbal̄ bo gə̄ tə́ nang tə́. Mā i ɓádá, dan de kə́ koy gə̄ tə́. Utə̄n̄ ta róbə gə̄ kə lakélé gāngə̄n̄neé gírə́ḿ, kə́ njɔ́ḿ gə̄ tə́. Banī ḭ̄ Kɔ́ɔ̄ɓē Nə́ɓā yāḿ ī-teē seḿ kɔ̄ɔ́ bəlo kə́ lú ngá̰ý ń toō tə́ kə kumḿ.

PĀ GƏ̄ 120:1

Pā kə́ yā kaw̄ń kə̄ loo kə́ táĺ tə́. Dan ń wur kɔl əsō dɔḿ tə́ ní, m̄-ɓāŕ Kɔ́ɔ̄ɓē, anī ni ndigə ɓār̄ yāḿ.

Teē Ngán Israel gə̄ 3:7

Kɔ́ɔ̄ɓē tél əda na: M-á̰a̰ loo rāā ń rāān̄ kum gír deē yāḿ gə̄ ndoō tə́ dɔ nang kə́ Ejiptə tə́ ní. M-ōō nōō yādə́ dan ń ngé rāā kumdə́ ndoō tə́ gə̄ a tə̄ndān̄də́ ní. m̄-ger̄ tápə̄ yādə́.

HABAKUK 2:20

Kɔ́ɔ̄ɓē ni-ndi i kem kújə́ yān kə́ táĺ tə́. Ādə̄ de gə̄ malang kə́ dɔ nang tə́ ndin̄ kə tadə́ kə́ mbóó non tə́!

PĀ GƏ̄ 34:6

Ngé gə̄ ń a̰a̰n̄ loo kum kə̄ rɔ̄n tə́ ní ta kumdə́ i kə kəgōó jarya ō, dɔ kumdə́ a síndə̄rī to̰ aĺ ō.

PĀ GƏ̄ 27:4

m̄-dəje Kɔ́ɔ̄ɓē yá̰á̰ kógə̄ḿ ō, m̄-gḛy kənge gáŕ ō. I kadə̄ m̄-ndi kem kújə yā Kɔ́ɔ̄ɓē tə́ kə dɔ ndɔ̄ gə̄ malang ń m̄-ndiń kə kumḿ ní, yā kadə̄ m-á̰a̰ń majə Kɔ́ɔ̄ɓē ō, m-ə̄ndań kumḿ gíŕ kújə yān tə́ ō.

JAKƏ 5:4

Á̰a̰ī, ngé kəla gə̄ əjan̄ kōō kə́ kem ndɔr̄ yāsí gə̄ tə́, banī sḭḭ̄ ɔ̄gīdə́ nar tətōdə́, adə̄ nar ní əga kɔŕ! Ba nōō rɔ̄ yā ngé kəja kōō gə̄ ní əsō mbī Kɔ́ɔ̄ɓē kə́ bo kə́ tɔ́gən i ngá̰ý tə́.

HEBƏRO 5:7

Dan ń Jeju ndi dɔ nang tə́ laā ní, Nə́ɓā ń asə kajən ta yo tə́ ní, ni-ndɔ̄ȳn ō, rāān ɓɔ́ ō, əga kɔŕ ngá̰ý ō, kə nōó kumən tə́ ō. Ba Nə́ɓā oōn i sɔɔ̄ń koō kə́ ni-oō tan.

JONAS 2:4

Ḭ̄ ə̄nīm̄ kem bəlo kə́ ɗúú ngá̰ý tə́ dan ɓūl̄ bā bo tə́ ō, man̄ gīr̄ gidəḿ ō. Ɓəngál man̄ yāí gə̄ malang ō, man̄ yāí malang ō, reēn̄ dɔḿ tə́.

Najə̄ kə́ Majə yā Jeju ń Luk ndang ní 22:44

Gō tə́ ɓá anī, kemən rɔ̄n kə ngangāá ngá̰ý, ba ni-ndɔ̄ȳ kə ngangāá ngá̰ý tɔȳ kə́ kété gə̄ ō, tətōn teē a tə́sō kə́ kūbə̄rū mósə́ tə́ kok kok ō.

PĀ GƏ̄ 107:6

Nin̄ nōōn̄ kə̄ dɔ Kɔ́ɔ̄ɓē tə́ dan ń wur kɔl əsōń dɔdə́ ní tə́, anī ni-ɔr̄də́ kɔ̄ɔ́ kem sōl̄ yādə́ gə̄ tə́.