2 SAMUEL 22:51 - Bibəl ta Sar̄

⁵¹ Kɔ́ɔ̄ɓē rāā yá̰á̰ kə́ bo gə̄ dḭḭ̄ń mban̄g ń ni gə̄rā ní. Ni-rāā kem majə kə nge ń ni ur yibə̄ ngār dɔn tə́ ní, adə̄ i kə Dabidí ō, kə gír kaa yānneé ō, bátə́ kə̄ no tə́.

Bible sar

⁵¹ Kɔ́ɔ̄ɓē rāā yá̰á̰ kə́ bo gə̄ dḭḭ̄ń mban̄g ń ni gə̄rā ní. Ni-rāā kem majə kə nge ń ni ur yibə̄ ngār dɔn tə́ ní, adə̄ i kə Dabidí ō, kə gír kaa yānneé ō, bátə́ kə̄ no tə́.

2 SAMUEL 22:51 Referans Kwoze

PĀ GƏ̄ 144:10

I ḭ̄ n i nge tetə rɔ̄ɔ̄ kadə̄ mban̄g gə̄ ní, nge kajə nge kəla yāí Dabid ta yo kaskar tə́ ní.

PĀ GƏ̄ 89:29

Kem majə yāḿ a to ngándáńg tām̄ yān tə́ ō, ndūḿ ń m-ə̄nī m-ə́hɔń madə̄ naā seneé ní, m-ā m̄-rā dɔ tə́ ō.

PĀ GƏ̄ 89:20

Ndɔ̄ kógə̄ḿ tə́ ī-teē ta kum deē yāí gə̄ tə́ ba ə́dádə́ na: m̄-rāā kə de kə́ əhɔ rɔ̄n tɔgə, m-ɔ́sə balsáá kógə̄ḿ kə́ dan gír deē yāḿ gə̄ tə́ kə̄ dɔɔ́.

PĀ GƏ̄ 18:50

Adə̄ m̄-ndigə ɓōkíī tɔ̄ȳ dan nápar de gə̄ tə́ ō, kənī pā kə rīí yā kɔsəń gɔnií ō.

JEJU TEĒ KUM JA̰A̰ 11:15

De kə́ dɔ rā̰ tə́ kə́ nge ko̰ sīrí kɔ̄ŕ bərúnjə anī, de kə́ ndūdə́ ɓār̄ ngá̰ý gə̄ ɔrə̄n̄ najə̄ dɔ rā̰ tə́ ədan̄ na: Ngɔlaā ní i Kɔ́ɔ̄ɓē yājí nin̄ kə Kərist yānneé n a o̰o̰n̄ ɓē dɔ nang tə́ ní. Ni a o̰o̰ ɓē i kə dɔ ɓāl̄ gə̄ ɓāl̄ gə̄.

JEREMI 30:9

Jakob gə̄ a rāān̄ kəla yā kadə̄ Kɔ́ɔ̄ɓē Nə́ɓā yādə́ ō, yā kadə̄ mban̄g yādə́ Dabid ń m-ā m-ə́ndān dɔdə́ tə́ ní ō. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

PĀ GƏ̄ 91:2

M-ə́da najə̄ kə́ dɔ Kɔ́ɔ̄ɓē tə́ na: Ni i loo ɓɔ̄ɔ̄ rɔ̄ yāḿ, ndogə̄ mbal̄ kə́ ngan̄g ngá̰ý yāḿ, Nə́ɓā yāḿ: Adə̄ m-ə̄ndā kemḿ i dɔn ni tə́!

PĀ GƏ̄ 89:36

m̄-túbə kə hálə́ḿ kə́ táĺ gidə kógə̄ḿ beē m-ə́da na: Tītə̄ ń mā i Nə́ɓā rɔ̄kum noō ní, m-ā m̄-gól̄ Dabid alé.

PĀ GƏ̄ 89:26

M-ā m-ādə̄ a o̰o̰ ɓē dɔ bā bo tə́, m-ā m-ə́la bā gə̄ gír jī ko̰n tə́.

PĀ GƏ̄ 48:3

Mbal̄ ní majə ō, ngāl̄ kə̄ dɔɔ́ ɓururu ō, rāā adə̄ rɔ̄ dɔ nang malang nelə̄n ō. Ɓē bo kə́ dɔ ɓē gə̄ kə́ dɔ nang tə́ laā malang, i mbal̄ Siyo̰. I ɓē yā mban̄g kə́ bo.

PĀ GƏ̄ 21:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid.

PĀ GƏ̄ 3:3

Ngé tə́da najə̄ dɔḿ tə́ gə̄ i ngá̰ý, nin̄ ədan̄ na: Nə́ɓā a ajən alé!

2 SAMUEL 22:2

əda na: Kɔ́ɔ̄ɓē i mbal̄ yāḿ, ni i kújə́ kə́ ngan̄g ngá̰ý yāḿ kə́ m̄-ndi kemeé anī, yá̰a̰ a ɔdə rɔ̄ḿ alé.

PĀ GƏ̄ 89:24

Tɔdɔ̄ m-ā m̄-rējə̄ ngé rɔ̄ɔ̄n gə̄ ta kumən tə́, ngé gə̄ ń a im̄nən̄ ní m-ā m-ə́ndádə́.

2 SAMUEL 7:16

De kógə̄ḿ dan de gə̄ kə́ gír kojə yāí tə́ a o̰o̰ ɓē gotií tə́ ngándáńg, tɔdɔ̄ yá̰a̰ a yéȳ ko̰o̰ ɓē kə́ gír kojə yāí tə́ alé.

2 SAMUEL 23:1

Najə̄ gə̄ ń Dabid ɔr̄ gō gogə́ ní n toó: Ōōī najə̄ kɔr̄ Dabid ngōn̄ Jese, najə̄ kɔr̄ deē ń əndānən̄ loo kə́ bo tə́ ní, deē ń Nə́ɓā yā Jakob ur yibə̄ ngār dɔn tə́ ní, deē ń nel̄ ngán Israel gə̄ tɔ̄ȳ kə pāá ngá̰ý ní.