2 SAMUEL 22:44 - Bibəl ta Sar̄

⁴⁴ Ḭ̄ ɔ̄rə̄m̄ kɔ̄ɔ́ ta deē gír yāḿ gə̄ ń ənīn̄ wúȳ jīḿ tə́ ní, adə̄ rāān̄ yá̰á̰ kə́ majaĺ seḿ alé Ḭ̄ ə̄ndām̄ dɔ gír nápar de gə̄ tə́ ba ī-ngɔ̄mə̄m̄ ādə̄ mā i dɔdə́ tə́ dɔɔ́. Gír de kə́ m̄-ger̄də́ aĺ gə̄ a rāān̄ kəla yāḿ.

Bible sar

⁴⁴ Ḭ̄ ɔ̄rə̄m̄ kɔ̄ɔ́ ta deē gír yāḿ gə̄ ń ənīn̄ wúȳ jīḿ tə́ ní, adə̄ rāān̄ yá̰á̰ kə́ majaĺ seḿ alé Ḭ̄ ə̄ndām̄ dɔ gír nápar de gə̄ tə́ ba ī-ngɔ̄mə̄m̄ ādə̄ mā i dɔdə́ tə́ dɔɔ́. Gír de kə́ m̄-ger̄də́ aĺ gə̄ a rāān̄ kəla yāḿ.

2 SAMUEL 22:44 Referans Kwoze

IJAI 55:5

Israel, ā ī-ɓāŕ nápar de gə̄ kə́ ī-ger̄də́ aĺ gə̄ ō, nápar de gə̄ ń toō ń nin̄ gerīn̄ aĺ ní, a reēn̄ láẃ kə̄ rɔ̄í tə́. Nin̄ a reēn̄ i najə̄ yāḿ mā Kɔ́ɔ̄ɓē Nə́ɓā yāí tə́, Nə́ɓā kə́ táĺ yā Israel, ni ń ndigə rɔyī ní.

2 SAMUEL 3:1

Deē yā Saul gə̄ ō, yā Dabid gə̄ ō, rɔ̄ɔ̄n̄ naā dan i ngá̰ý. Tɔ́gə Dabid aw̄ i kum kə̄ kété kété, banī tɔ́gə deē yā Saul gə̄ a tél i kum kə̄ gogə́ gogə́.

2 SAMUEL 19:14

Ba gō tə́ anī kə dəjen̄ Amasa na ké ni i kojə yān aĺ wa. Ré ni Dabid n-əndān ngol áskar yān gə̄ tə́ kum gotə Joab aĺ anī, kadə̄ Kɔ́ɔ̄ɓē rāān yá̰á̰ kə́ tōr̄ ń toō ō, tél rāān nge kə́ tōr̄ ń toō ō.

2 SAMUEL 19:9

Tā anī mban̄g ḭḭ dɔɔ́ ba aw̄ ndi ta róbə ndogə̄ kə́ yā kudəń kə̄ kem ɓēé tə́. Ədan̄ ngé rɔ̄ɔ̄ gə̄ na mban̄g na ndi ta róbə ndogə̄ tə́ noō. Anī ngé rɔ̄ɔ̄ gə̄ malang kánə̄n̄ naā rɔ̄n tə́. Ngé rɔ̄ɔ̄ yā Absalom gə̄ a̰ȳn̄ naā. Nin̄ télən̄ kógə̄ḿ kógə̄ḿ kə̄ kújə yādə́ gə̄ tə́.

NDŪ NAJƏ̄ 28:13

Kɔ́ɔ̄ɓē a əndāī i kété ba i gogə́ alé. Ngáńdáńg ā āw̄ i kum kə̄ dɔɔ́ ba ā ī-tél kə̄ nang tə́ alé, tɔdɔ̄ ī-rāā gō míndə gə̄ ń Kɔ́ɔ̄ɓē Nə́ɓā yāí əda na kə ī-rāā á m-ə́daī ɓōólaā na kə ī-ngɔ̄m̄ ō, kə ī-rāā ō ní.

JEJU TEĒ KUM JA̰A̰ 11:15

De kə́ dɔ rā̰ tə́ kə́ nge ko̰ sīrí kɔ̄ŕ bərúnjə anī, de kə́ ndūdə́ ɓār̄ ngá̰ý gə̄ ɔrə̄n̄ najə̄ dɔ rā̰ tə́ ədan̄ na: Ngɔlaā ní i Kɔ́ɔ̄ɓē yājí nin̄ kə Kərist yānneé n a o̰o̰n̄ ɓē dɔ nang tə́ ní. Ni a o̰o̰ ɓē i kə dɔ ɓāl̄ gə̄ ɓāl̄ gə̄.

Makətūbə̄ ń Pol ndang adə̄ Rom gə̄ ní 15:12

Ba Ijai əda ɓáý to̰ ō, əda na: Ngōn̄ kaa Jese kógə̄ḿ a reē. I ni n a ḭḭ dɔɔ́ yā ndi dɔ nápar de gə̄ tə́ ní. Nápar de gə̄ a əndān̄ kemdə́ i dɔn tə́.

Makətūbə̄ ń Pol ndang adə̄ Rom gə̄ ní 9:25

I yá̰á̰ ń toō n Nə́ɓā nəkɔ́ əda kem makətūbə̄ yā Ojee tə́ na: Ngé gə̄ ń i gír deē yāḿ gə̄ aĺ ní, m-ā m̄-ɓāŕdə́ gír deē yāḿ gə̄ ō, ngé gə̄ ń m̄-táŕdə́ aĺ ní, m-ā m̄-ɓāŕdə́ kó tár yāḿ gə̄ ō ní.

OJEE 2:23

Kɔ́ɔ̄ɓē əda na: Ndɔ̄ ń noō tə́ ní, m-ā m-ādə̄ yá̰á̰ ń dɔ rā̰ ndi a ngóō ta jīḿ tə́ ní ō, dɔ rā̰ a adə̄ yá̰á̰ ń dɔ nang ndi a ngóō ta jīn tə́ ní ō.

DANIEL 7:14

Adə̄nən̄ kadə̄ i ni n i dɔ yá̰a̰ gə̄ tə́ malang ba de kə́ dɔn ni tə́ gətóo ō, adə̄nən̄ kɔsə gɔn ō ko̰o̰ ɓē ō, de kə́ gíŕdə́ i tayā tayā gə̄ ō nápardə́ i tayā tayā gə̄ ō, rāān̄ kəla yān. Ndi dɔ yá̰a̰ gə̄ tə́ malang yān dan a gān̄g aĺ ō, ta ngóyn a gətóo ō, ɓē ko̰o̰ yān i ɓē ko̰o̰ kə́ a nujə aĺ bátə́ ō.

IJAI 65:1

Kɔ́ɔ̄ɓē əda na: M-ə̄ndā dɔ rɔ̄ḿ danaá kɔ̄ɔ́ yā kadə̄ m̄-dal najə̄, banī deē dəjem̄ najə̄ alé. M-ə̄ndā dɔ rɔ̄ḿ danaá kɔ̄ɔ́ tām̄ yā kəla tə́, banī de kə́ yā sāā njaḿ kadə̄ m̄-rāā seneé gətóo. M-ə́dá nápar de gə̄ kə́ ɓāŕmə̄n̄ kadə̄ m̄-rāā sedə́ alé na: Mā i laā, mā i laā!

IJAI 60:12

Nápar de gə̄, aláa ɓē ko̰o̰ ń a mbātə́ rāā kəla kadī ní, a gətóo kɔ̄ɔ́. A nujən̄ nápar de gə̄ ngeé ń noō sák sák kɔ̄ɔ́.

PĀ GƏ̄ 110:6

Ni-gān̄g sarya dɔ nápar de gə̄ tə́, loo i nīń de gə̄ malang. Ni rējə̄ dɔ de gə̄ kə̄ loo gə̄ tə́ malang dɔ nang tə́.

PĀ GƏ̄ 18:43

m̄-rāādə́ adə̄ télən̄ bumbə́rú kə́ kadə̄ nél ɔy dáyń. m̄-tə́ɓādə́ njaḿ tə́ tītə̄ bɔr kə́ kum róbó beē

PĀ GƏ̄ 2:8

Ré ī-dəjem̄ nápar de gə̄ malang anī m-ā m-ādī sedə́ kadə̄ nin̄ i yá̰a̰ yāí gə̄ ō, dɔ nang yāí a laa bátə́ yā kugə̄ ta ngóy dɔ nang tə́ ō.

2 SAMUEL 20:22

Dəyá̰ ní tél aw̄ kem ɓēé aw̄ ɔjə de gə̄ malang kum kedə̄ yān ní, adə̄ gāngə̄n̄ dɔ Seba ngōn̄ Bikri ənīn̄ dɔ bɔr tə́ kə̄ gidə kə́rēý tə́ adə̄n̄ Joab. Joab kɔ̄ŕ tōw̄ anī, deē yān gə̄ ń gīrə̄n̄ gidə ɓē ní tḭ̄ḭ̄n̄ naā kógə̄ḿ kógə̄ḿ, tél aw̄n̄ kə̄ ɓē yādə́ gə̄ tə́. Joab tá tél aw̄ gogə́ rɔ̄ mban̄g tə́ Jerusalem.

2 SAMUEL 5:1

Gír ɓē yā Israel gə̄ malang reēn̄ rɔ̄ Dabid tə́ Hebron ba ədanən̄ na: Jḭḭ i kojə yāí, jḭḭ i mósí.

IJAI 55:4

Kété ní, m̄-rāā adə̄ ni i de kə́ kum tə́ yā tɔ́gə́ḿ tām̄ yā gír de gə̄ tə́, ni i ngār kə́ nge kəda kósə de kə́ kem ɓēé gə̄ yá̰á̰ kə́ yā rāā gə̄.