2 SAMUEL 22:31 - Bibəl ta Sar̄

³¹ Róbə yā Nə́ɓā i róbə́ kə́ majə ɔtə̄ ta. Najə̄ yā Kɔ́ɔ̄ɓē rāā yá̰á̰ kə́ ɔjə kadə̄ i najə̄ kə́ rɔ̄kum. Kɔ́ɔ̄ɓē i der yā de gə̄ malang ń a nam̄nən̄ ní.

Bible sar

³¹ Róbə yā Nə́ɓā i róbə́ kə́ majə ɔtə̄ ta. Najə̄ yā Kɔ́ɔ̄ɓē rāā yá̰á̰ kə́ ɔjə kadə̄ i najə̄ kə́ rɔ̄kum. Kɔ́ɔ̄ɓē i der yā de gə̄ malang ń a nam̄nən̄ ní.

2 SAMUEL 22:31 Referans Kwoze

NDŪ NAJƏ̄ 32:4

Kɔ́ɔ̄ɓē i mbal̄, kəla rāān i kə́ majə ɔtə̄ kə taá. Tɔdɔ̄ gō róbə yān gə̄ malang i kə́ súmūú. Nə́ɓā i nge ra dɔ ndūn tə́, yá̰á̰ kə́ gōtə́ aĺ gətóo kemən tə́. Ni i de kə́ gōtə́ ō, kə́ súmūú ō.

Gōsə̄ najə̄ gə̄ 30:5

Nāān̄ najə̄ malang ń Nə́ɓā əda ní. Ni i der yā ngé gə̄ ń ɓɔ̄ɔ̄n̄ rɔ̄də́ kemən tə́ ní.

PĀ GƏ̄ 18:30

M-ḭ́ḭ bal dɔ bəlo tə́ i seí ḭ̄ḭ́. M-ḭ́ḭ bal dɔ ndogə̄ mbal̄ tə́ i kə Nə́ɓā yāḿ.

MATIYE 5:48

I beé ní majə kadə̄ sḭḭ̄ i de kə́ ī-majə ɔ̄tī kə taá gə̄, tītə̄ ń Bɔbə̄sí kə́ dɔ rā̰ tə́ i de kə́ majə ɔtə̄ kə taá ní.

PĀ GƏ̄ 119:140

Najə̄ yāí ɔjə tɔ́gən kə̄ ndágá rɔ̄kum ō, nge kəla yāí ndigə najə̄ yāí ngá̰ý ō.

PĀ GƏ̄ 12:6

Banī Kɔ́ɔ̄ɓē əda na, ń toō ní n-a n-ḭḭ dɔɔ́ yā dḭḭ̄ ngé tɔ́gə gətóo gə̄ ń a rāān̄ kumdə́ ndoō tə́ ní ō, ngé rɔ̄ to ndoō gə̄ ń a tṵ́ṵ̄n̄ ní ō. Na n-a n-dḭḭ̄ deē ń a əjanən̄ kə̄ gogə́ kə gidə jīdə́ ní ō.

2 SAMUEL 22:3

Nə́ɓā i mbal̄ ɓɔ̄ɔ̄ rɔ̄ yāḿ. Ni i der yāḿ ō, gində̄ ń m-ā m̄-tetəń rɔ̄ɔ̄ ní ō. Ni i kújə́ kə́ ngan̄g yāḿ ō, kə́ m̄-ndi kemeé anī m-ájə, loo ɓɔ̄ɔ̄ rɔ̄ yāḿ ō, nge kajəḿ ō. Ni i nge kɔrə̄m̄ kɔ̄ɔ́ jī ngé dɔ́nɔ gə̄ tə́.

PĀ GƏ̄ 35:2

Ún der ō, kūbə̄ gində̄ ō, ba ḭ́ḭ dɔɔ́ ī-dḭḭ̄m̄!

PĀ GƏ̄ 91:4

Ni a ngɔ̄mī. Ā ə́nge loo ɓēé looneé kadə̄ ī-ɓɔ̄ɔń rɔ̄í, tītə̄ ngōn̄ kə̄njá kə́ ɓɔ̄ɔ̄ rɔ̄n gír bɔ̄gə̄ kó̰o̰n tə́ beē. Kem majə yān rāā rɔ̄n i der tə́ ō, kūbə̄ gində̄ tə́ ō.

PĀ GƏ̄ 84:9

Kɔ́ɔ̄ɓē, Nə́ɓā kə́ bo kə́ tɔ́gí i ngá̰ý, ōō ndɔ̄ȳ yāḿ, Nə́ɓā yā Jakob, ī-nēl̄ mbīí ōoń ndūḿ.

JEJU TEĒ KUM JA̰A̰ 15:3

Nin̄-ənīn̄ pā yā Moijə nge kəla yā Nə́ɓā ō, pā yā Ngōn̄ batə̄ ō, ədan̄ na: Kɔ́ɔ̄ɓē Nə́ɓā kə́ bo kə́ tɔ́gən i ngá̰ý, kəla rāāí i kəla kə́ bo gə̄ ō, kə́ to kɔr kum gə̄ ō. Mban̄g kə́ dɔ nápar de gə̄ tə́, gō róbə yāí gə̄ i gō róbə́ kə́ gō tə́ gə̄ ō, kə́ rɔ̄kum gə̄ ō.

PĀ GƏ̄ 2:7

Yá̰á̰ ń Kɔ́ɔ̄ɓē ndang kadə̄ yā rāā ní m-ā m-ə̄nī mbērən, ni ədam̄ na: Ḭ̄ i ngōnə̄ḿ, ɓōólaā ní, mā i Bɔbí.

NEHEMI 9:8

Á̰a̰ā̰ kadə̄ ni i de kə́ ra dɔ ndūn tə́, adə̄ ə̄nī ndūí yā kadə̄n dɔ nang yā Kanaan gə̄ ō Het gə̄ ō Amor gə̄ ō Periji gə̄ ō Yebus gə̄ ō Girgas gə̄ ō, kadə̄ ngánən gə̄ ō ngán kaan gə̄ ō ndin̄ tū tə́. Ī-rāā yá̰á̰ ń ə̄nī ndūí yā rāā ní tɔdɔ̄ ḭ̄ i de kə́ súmūú.

Makətūbə̄ yā Job 34:10

I beé ní, sḭḭ̄ ngé dɔ ndi majə gə̄ ōōī najə̄ yāḿ: Kem ndul i yá̰á̰ kə́ ndetə rɔ̄ Nə́ɓā ngɔr alé, yá̰á̰ kə́ gōtə́ aĺ i yá̰á̰ kə́ ndetə rɔ̄ Nə́ɓā kə́ tɔ́gən i ngá̰ý alé.

PĀ GƏ̄ 145:17

Kɔ́ɔ̄ɓē i de kə́ súmūú tū yá̰a̰ rāān gə̄ tə́ malang, ni i de kə́ nge ra dɔ ndūn tə́ tū kəla rāān gə̄ tə́ malang.

KOHELET 3:14

Mā m̄-gír̄ kadə̄ yá̰a̰ malang ń Nə́ɓā rāā ní a to ngándáńg. Yá̰á̰ kə́ kadə̄ deē ənī ta tə́ gətóo ō, yá̰á̰ kə́ tū tə́ kə́ kadə̄ deē ɔr̄ kɔ̄ɔ́ gətóo ō. Nə́ɓā rāā tītə̄ ń noō yā kadə̄ deē ɓōlə́nń ndílən dan ń deē ra ta kumən tə́ ní.

DANIEL 4:34

Adə̄ ngɔlaā ní mā Nabukodonosor m̄-tɔ̄ȳ Mban̄g kə́ dɔ rā̰ tə́ ō, m̄-rāān adə̄ rɔ̄n nelə̄n ō, m-ɔ́sə gɔnən ō. Tɔdɔ̄ kəla rāān malang i kə́ rɔ̄kum ō, gō róbə yān gə̄ i gō róbə́ kə́ gōtə́ gə̄ ō, ngé kɔjə rɔ̄də́ gə̄ ní ni asə tél sedə́ kə̄ nang tə́ ō.