2 SAMUEL 22:3 - Bibəl ta Sar̄

³ Nə́ɓā i mbal̄ ɓɔ̄ɔ̄ rɔ̄ yāḿ. Ni i der yāḿ ō, gində̄ ń m-ā m̄-tetəń rɔ̄ɔ̄ ní ō. Ni i kújə́ kə́ ngan̄g yāḿ ō, kə́ m̄-ndi kemeé anī m-ájə, loo ɓɔ̄ɔ̄ rɔ̄ yāḿ ō, nge kajəḿ ō. Ni i nge kɔrə̄m̄ kɔ̄ɔ́ jī ngé dɔ́nɔ gə̄ tə́.

Bible sar

³ Nə́ɓā i mbal̄ ɓɔ̄ɔ̄ rɔ̄ yāḿ. Ni i der yāḿ ō, gində̄ ń m-ā m̄-tetəń rɔ̄ɔ̄ ní ō. Ni i kújə́ kə́ ngan̄g yāḿ ō, kə́ m̄-ndi kemeé anī m-ájə, loo ɓɔ̄ɔ̄ rɔ̄ yāḿ ō, nge kajəḿ ō. Ni i nge kɔrə̄m̄ kɔ̄ɔ́ jī ngé dɔ́nɔ gə̄ tə́.

2 SAMUEL 22:3 Referans Kwoze

PĀ GƏ̄ 9:9

I ni n i nge ko̰o̰ ɓē kə gōó majə dɔ de gə̄ tə́ ō, nge gān̄g sarya yā gír de gə̄ kə gō róbə́ kə́ súmūú ō ní.

IJAI 12:2

Nə́ɓā ń ajəm̄ ní n toó. M-ə̄nī kemḿ ō, ɓōĺ rāām̄ to̰ aĺ ō. A̰á̰ā̰, tɔ́gə́ḿ ō, pā yāḿ ō, i Kɔ́ɔ̄ɓē. Ni i nge kajəḿ.

Gōsə̄ najə̄ gə̄ 18:10

Rī Kɔ́ɔ̄ɓē i kújə ngɔ̄m̄ ɓē kə́ ngan̄g, de kə́ súmūú a̰ȳ reē kemeé ō, ndi kanjə̄ sōl̄ yá̰á̰ kógə̄ḿ ō.

Gōsə̄ najə̄ gə̄ 30:5

Nāān̄ najə̄ malang ń Nə́ɓā əda ní. Ni i der yā ngé gə̄ ń ɓɔ̄ɔ̄n̄ rɔ̄də́ kemən tə́ ní.

PĀ GƏ̄ 46:11

Əya̰ī yá̰a̰ rɔ̄ gə̄ dɔɔ́! Á̰a̰ ī-ger̄mī kadə̄ mā i Nə́ɓā! m̄-ndi dɔ nápar de gə̄ tə́. M-ó̰o̰ ɓē dɔ dɔ nang tə́.

PĀ GƏ̄ 18:2

Kɔ́ɔ̄ɓē, ḭ̄ i tɔ́gə yāḿ, o̰o̰m̄ tɔdɔ̄í ngá̰ý!

NDŪ NAJƏ̄ 33:29

Israel rɔ̄í nelī tɔdɔ̄ i ḭ̄ ngóy n i gír de gə̄ kə́ Kɔ́ɔ̄ɓē ajədə́ ní. Ni-rāā rɔ̄n i der kə́ nge kutə̄ gidií tə́ ō, kaskar kə́ nge tetə rɔ̄ɔ̄ kadī tə́ ō. Dan ń madə̄ ba̰ā̰í gə̄ a reēn̄ rāāī ɓɔ́ tə́ kadə̄ ī-rajədə́ anī, ā ī-njə̄rā loo kə́ kḭḭ kə̄ dɔɔ́ kə́ kem ɓē yādə́ gə̄ tə́.

TA KƏLA 15:1

Gō yá̰a̰ gə̄ ń noō tə́ anī, Kɔ́ɔ̄ɓē ndɔ̄bə̄ Abəram ɔr̄ najə̄ seneé ədan na: Abəram, ī-lōō ɓōĺ na mā i der yāí. Yá̰a̰ kəndā nja i ngá̰ý jīḿ tə́ kadə̄ m-ā m-ə̄ndań njaí.

HEBƏRO 2:13

Əda ɓáý to̰ na: M-ā m-ə̄ndā kemḿ dɔn tə́. Tá əda ɓáý to̰ na: Mā n toó kə ngán gə̄ ń Nə́ɓā adə̄m̄ ní.

Najə̄ kə́ Majə yā Jeju ń Luk ndang ní 1:69

Ni teē kə nge kajə de gə̄ kógə̄ḿ kə́ tɔ́gən i ngá̰ý adə̄jí, teē seneé i dan de gə̄ kə́ gír kaa yā nge kəla yān Dabid tə́.

PĀ GƏ̄ 144:2

I ni n i nge rāā kem majə seḿ ní ō, ni i loo ɓɔ̄ɔ̄ rɔ̄ yāḿ ō, i ni n i loo ndi kə́ ngan̄g ngá̰ý ō, nge kajəḿ ō ní. Ni i der yāḿ ō, m-ā m̄-ɓɔ̄ɔ̄ rɔ̄ḿ i rɔ̄n tə́ ō. Ni-əla dɔ gír deē yāḿ gə̄ gíŕ tɔ́gə yāḿ tə́ ō.

PĀ GƏ̄ 59:16

Nin̄ njə̄rā a sāān̄ yá̰a̰ kəsa. Ré ndānə̄n̄ aĺ anī nōōn̄ ndɔ̄ɔ́ bátə́ loo tīī dɔdə́ tə́.

PĀ GƏ̄ 14:6

Yá̰a̰ gə̄ ń nge ndoō əndā kemən dɔ tə́ ní sḭḭ̄ ī-rāāī i yá̰á̰ kə́ karī tə́, banī Kɔ́ɔ̄ɓē i loo ɓɔ̄ɔ̄ rɔ̄ yān.

JEREMI 16:19

Kɔ́ɔ̄ɓē, ḭ̄ ń i tɔ́gə́ḿ ō, nge ngɔ̄mə̄ḿ ō, loo ɓɔ̄ɔ̄ rɔ̄ yāḿ ndɔ̄ wur kɔl tə́ ō ní, nápar de gə̄ a ḭḭn̄ ta ngóy dɔ nang tə́ yā reē rɔ̄í tə́ yā kəda na: Yá̰á̰ ń kaají gə̄ əngen̄ loo nə̄ɓō naā yá̰á̰ tə́ ní, i yá̰á̰ kə́ rɔ̄kum alé ō, i yá̰á̰ kə́ kanjə̄ kumən kə́ yá̰á̰ kə́ yā rāań gətóo ō.

IJAI 32:2

Nin̄ kógə̄ḿ kógə̄ḿ a ton̄ i tītə̄ loo kə́ deē a ɓɔ̄ɔ̄ rɔ̄n tū tə́ tām̄ yā néĺ tə́ beē, a ton̄ i tītə̄ loo kə́ deē a ɓɔ̄ɔ̄ rɔ̄n tū tə́ tām̄ yā man̄ kə́ a edə tə́ beē, a ton̄ i tītə̄ man̄ kə́ a nūgə́ dəla loo tə́ beē, a ton̄ i tītə̄ ndíl mbal̄ kə́ bo kə́ kem ɓē kə́ loo təngā tū tə́ beē.

PĀ GƏ̄ 140:4

Nin̄ tə́lan̄ ndo̰də́ lim lim tītə̄ yā lī beé. Kong lī kakə́m rosə tadə́.

PĀ GƏ̄ 55:9

M-ā m-āw̄ láẃ yā kaw̄ ndi loo ɓɔ̄ɔ̄ rɔ̄ kógə̄ḿ tə́, loo kə́ nél man̄ a asə rāā yá̰a̰ seḿ tū tə́ aĺ tə́.

PĀ GƏ̄ 46:7

Nápar de gə̄ tṵ́ṵ̄n̄ rɔ̄ɔ̄, ɓē ko̰o̰ gə̄ tə́sōn̄ kɔ̄ɔ́. Banī Nə́ɓā rāā ndūn adə̄ ɓār̄, anī dɔ nang ndebə.

Najə̄ kə́ Majə yā Jeju ń Luk ndang ní 1:71

Ni-ənī míndən adə̄jí, əda na n-a n-gān̄g dɔjí jī madə̄ ba̰ā̰jí gə̄ tə́ ō, de gə̄ malang ń imə̄n̄jí ní, na n-a n-taājí jīdə́ tə́ yā kəya̰jí dɔɔ́ ō.

PĀ GƏ̄ 140:11

Ādə̄ bə̄gān̄ yā̰l̄ hor dɔdə́ tə́. Ādə̄ Nə́ɓā mbə́rē tə́nīdə́ kum hor tə́, kem bəlo kə́ lú ngá̰ý kə́ asən̄ teē tū tə́ aĺ tə́!

PĀ GƏ̄ 140:1

Pā kə́ kem makətūbə̄ yā ngār yā gōsə̄ gə̄ tə́. I pā yā Dabid.

PĀ GƏ̄ 86:14

Nə́ɓā, de kə́ ngé gán̄g rɔ̄də́ gə̄ ənīmə̄n̄ rɔ̄ɔ̄, ɓūtə̄ de kə́ ngé rāā yá̰a̰ kə dɔ́nɔ́ gə̄ sāān̄ tɔ̄lə̄m̄, usədə́ dɔí tə́ alé.

PĀ GƏ̄ 84:11

Rāā ndɔ̄ kógə̄ḿ ndágə loo kə́ gīr̄ gidə kújə yāí tə́ majə tɔȳ rāā ndɔ̄ dūbú loo kə́ rang tə́. Nə́ɓā yāḿ, ndi ta róbə́ kújə yāí tə́ i só tə́ tɔȳ ndi kə de kə́ sew aĺ gēé!

PĀ GƏ̄ 84:9

Kɔ́ɔ̄ɓē, Nə́ɓā kə́ bo kə́ tɔ́gí i ngá̰ý, ōō ndɔ̄ȳ yāḿ, Nə́ɓā yā Jakob, ī-nēl̄ mbīí ōoń ndūḿ.

PĀ GƏ̄ 72:14

Ni a rɔ̄ɔ̄ dɔdə́ tə́ yā kadə̄ yá̰á̰ kə́ majaĺ rāādə́ aĺ ō, yá̰á̰ kə́ rāā kə dɔ́nɔ́ rāādə́ aĺ ō, tɔdɔ̄ ndi kə kumuú yādə́ gātə̄n i ngá̰ý ta kumən tə́.

PĀ GƏ̄ 71:7

De gə̄ ngá̰ý rāāmə̄n̄ i de kə́ ḭ̄ ī-ndɔ̄lə́n kɔ̄ɔ́ tə́, banī nge ngɔ̄mə̄ḿ kə́ rɔ̄kum i ḭ̄.

PĀ GƏ̄ 61:3

Dan ń tɔ́gə́ḿ asə aĺ ní, m̄-ndi ta ngóy dɔ nang tə́ m̄-ɓāríī kadə̄ ī-dḭḭ̄m̄. Āw̄ seḿ mbal̄ ń m-ásə kaw̄ kugə̄ tū tə́ aĺ ní tə́.

PĀ GƏ̄ 46:1

Pā kə́ kem makətūbə̄ yā ngār yā gōsə̄ pā gə̄ tə́ ō, i pā yā ngán Kore gə̄ ō. A dānə̄n̄ gō i kə ndū kə́ dūú ngá̰ý.

PĀ GƏ̄ 28:7

Kɔ́ɔ̄ɓē i loo ɓɔ̄ɔ̄ rɔ̄ yāḿ kə́ ngan̄g ngá̰ý ō, i der yāḿ ō. M-ə̄ndā kemḿ dɔn tə́, anī ni dḭḭ̄m̄. Adə̄ m̄-rāā walya ō m-ə̄nī pā m-ɔ́səń gɔnən ō!

PĀ GƏ̄ 27:5

Tām̄ ndɔ̄ ń yá̰á̰ kə́ to kum kaȳ aĺ teē dɔḿ tə́ ní, ni ɓɔ̄ɔ̄m̄ looneé. Ni ɓɔ̄ɔ̄m̄ gə́lé kújə yān tə́ ō, əndām̄ dɔɔ́ dɔ mbal̄ tə́ ō.

PĀ GƏ̄ 5:12

Loo ń noō tə́ de gə̄ malang ń ḭ̄ i loo ɓɔ̄ɔ̄ rɔ̄ yādə́ ní a rāān̄ rɔ̄nel̄. Nin̄ a rāān̄ walya ngándáńg. Ngé gə̄ ń rīí nel̄də́ ní ā ī-rāādə́ kadə̄ əgan̄ kɔŕ rɔ̄nel̄ ō, ā ī-ngɔ̄m̄də́ ō.

PĀ GƏ̄ 3:3

Ngé tə́da najə̄ dɔḿ tə́ gə̄ i ngá̰ý, nin̄ ədan̄ na: Nə́ɓā a ajən alé!

2 SAMUEL 22:51

Kɔ́ɔ̄ɓē rāā yá̰á̰ kə́ bo gə̄ dḭḭ̄ń mban̄g ń ni gə̄rā ní. Ni-rāā kem majə kə nge ń ni ur yibə̄ ngār dɔn tə́ ní, adə̄ i kə Dabidí ō, kə gír kaa yānneé ō, bátə́ kə̄ no tə́.

2 SAMUEL 22:49

Kɔ́ɔ̄ɓē, ḭ̄ ɔ̄rə̄m̄ kɔ̄ɔ́ ta madə̄ ba̰ā̰ḿ gə̄ tə́. Ḭ̄ ī-rāā adə̄ ngé gə̄ ń ənīmə̄n̄ rɔ̄ɔ̄ ní m̄-tetədə́ rɔ̄ɔ̄. Ḭ̄ ɔ̄rə̄m̄ kɔ̄ɔ́ jī ngé dɔ́nɔ gə̄ tə́.

1 SAMUEL 2:1

Ana ndɔ̄ȳ Nə́ɓā əda na: M-ə́nge rɔ̄nel̄ dan wurəḿ tə́ kə ta kūl̄ Kɔ́ɔ̄ɓē ō, m-ɔ̄r̄ dɔḿ dɔɔ́ i kə ta kūl̄ Kɔ́ɔ̄ɓē ō. M-ásə kəgō madə̄ ba̰ā̰ḿ gə̄ ō, m̄-rāā rɔ̄nel̄ tɔdɔ̄ Nə́ɓā dḭḭ̄m̄ ō.

NDŪ NAJƏ̄ 32:37

Loo ń noō tə́ a dəje tadə́ a əda na: Ɓesə̄ gə̄ ń ī-sāāī loo ɓɔ̄ɔ̄ rɔ̄ yāsí gíŕdə́ tə́ ní nin̄ i rá?

TITƏ 3:6

Ni-adə̄jí Ndíĺ kə́ Táĺ ní ngá̰ý i kə ta kūl̄ Jeju Kərist nge kajəjí.

TITƏ 3:4

Ba dan ń kem majə yā Nə́ɓā nge kajəjí ō, tár yān kə́ tām̄ yā de gə̄ tə́ ō, ɔjən̄ rɔ̄də́ kə̄ ndágá ní,

Najə̄ kə́ Majə yā Jeju ń Luk ndang ní 1:47

Kɔ́ɔ̄ɓē Nə́ɓā nge kajəḿ rāām̄ adə̄ rɔ̄ḿ nelə̄m̄ ngá̰ý.

JEREMI 16:9

Tɔdɔ̄ Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, ɔr̄ najə̄ i tītə̄ ń toō beé: M-ā m̄-rāā kadə̄ pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, a dəba loo ń toō tə́, ɓāl̄ yāsí tə́ ō, ta kumsí tə́ ō.

IJAI 45:21

Ɔ̄rī najə̄, ī-teēī kə yá̰a̰ gə̄ kə́ ɔjən̄ kadə̄ najə̄ yāsí i rɔ̄kum gə̄. Ī-tɔ́tī naā dɔ najə̄ tə́. Yá̰á̰ a rāā yá̰a̰ ngɔlaā toó, i náā n əda najə̄n kété adə̄ gerə̄n̄ ní? I náā n əda najə̄n kété jóó ní? I mā Kɔ́ɔ̄ɓē aĺ a? Nə́ɓā kə́ rang gətóo, i mā ngóy. Mā i Nə́ɓā kə́ nge rāā yá̰a̰ gōtə́, Nə́ɓā kə́ nge kajə deē. Nə́ɓā kə́ rang gətóo i mā ngóy.

PĀ GƏ̄ 32:7

Ḭ̄ i loo ɓɔ̄ɔ̄ rɔ̄ yāḿ, ādə̄ yá̰á̰ kə́ to wur kɔl əngem̄ alé. Ḭ̄ ī-gān̄g dɔḿ adə̄ m-ə̄nī pā rɔ̄nel̄ m-ɔ́səń gɔnií.

PĀ GƏ̄ 142:4

Dan ń tɔ́gə́ḿ ur̄ wak kɔ̄ɔ́ ní, loo ń m-ā m-āw̄ kə̄ tū tə́ ní ḭ̄ ī-ger̄. Əyān̄ gūmbə̄ dɔ róbə́ ń m-úń tə́ ní.

NDŪ NAJƏ̄ 32:4

Kɔ́ɔ̄ɓē i mbal̄, kəla rāān i kə́ majə ɔtə̄ kə taá. Tɔdɔ̄ gō róbə yān gə̄ malang i kə́ súmūú. Nə́ɓā i nge ra dɔ ndūn tə́, yá̰á̰ kə́ gōtə́ aĺ gətóo kemən tə́. Ni i de kə́ gōtə́ ō, kə́ súmūú ō.

1 SAMUEL 2:2

De kə́ táĺ tītə̄ Kɔ́ɔ̄ɓē gətóo. I ḭ̄ ngóy n i de kə́ ndi noó rɔ̄kum ní, mbal̄ kə́ tītə̄ Nə́ɓā yājí gətóo.

2 SAMUEL 22:31

Róbə yā Nə́ɓā i róbə́ kə́ majə ɔtə̄ ta. Najə̄ yā Kɔ́ɔ̄ɓē rāā yá̰á̰ kə́ ɔjə kadə̄ i najə̄ kə́ rɔ̄kum. Kɔ́ɔ̄ɓē i der yā de gə̄ malang ń a nam̄nən̄ ní.

2 SAMUEL 22:47

Kɔ́ɔ̄ɓē ndi ngáńdáńg! m̄-rāā mbal̄ yāḿ kə́ra! Nə́ɓā i go̰ rɔ̄ɔ̄, ni i mbal̄ yāḿ ō, nge kajəḿ ō.

2 SAMUEL 23:3

Nə́ɓā yā Israel ɔr̄ najə̄, nge ngɔ̄m̄ Israel ədam̄ na: Deē ń o̰o̰ ɓē dɔ de gə̄ tə́ kə háĺ kə́ gōtə́ ní, deē ń o̰o̰ ɓē dɔ de gə̄ tə́ kə ɓōĺ ndíĺ Nə́ɓāá ní,

Teē Ngán Israel gə̄ 15:2

Tɔ́gə́ḿ kə́ ngá̰ý i Kɔ́ɔ̄ɓē, ni dḭḭ̄m̄. Ni i Nə́ɓā yāḿ, m-ā m̄-tɔ̄ȳn. Ni i Nə́ɓā yā bɔbə́ḿ, m-ā m-ɔ́jə kə̄ ndágá kadə̄ ni i de kə́ bo.

PĀ GƏ̄ 9:10

Kɔ́ɔ̄ɓē i loo ɓɔ̄ɔ̄ rɔ̄ yā deē ń rāān̄ kumən ndoō tə́ ní, i loo ɓɔ̄ɔ̄ rɔ̄ yā de kə́ wur kɔl əsō dɔn tə́.

PĀ GƏ̄ 46:2

Nə́ɓā i loo ɓɔ̄ɔ̄ rɔ̄ yājí kə́ ngan̄g. Ni i nge dḭḭ̄jí kə́ ndi dɔ rɔ̄n tə́ ngándáńg yā rāā sejí ndɔ̄ kə́ wur kɔl əsōń dɔjí tə́.