2 SAMUEL 22:29 - Bibəl ta Sar̄

²⁹ Kɔ́ɔ̄ɓē, i ḭ̄ n i lámba yāḿ ní, adə̄ loo kə́ ndɔ̄ɔ́ ń m̄-ndi kum tə́ ní, ḭ̄ ūnjə̄ tū tə́.

Bible sar

²⁹ Kɔ́ɔ̄ɓē, i ḭ̄ n i lámba yāḿ ní, adə̄ loo kə́ ndɔ̄ɔ́ ń m̄-ndi kum tə́ ní, ḭ̄ ūnjə̄ tū tə́.

2 SAMUEL 22:29 Referans Kwoze

PĀ GƏ̄ 27:1

Pā yā Dabid. Kɔ́ɔ̄ɓē i loo kə́ unjə̄ kow yāḿ ō i nge kajəḿ ō, ní m-ā m̄-ɓōĺ i náā? Kɔ́ɔ̄ɓē i loo ndiḿ kə́ ngan̄g ngá̰ý, ní m-ā m̄-ndebə i ta kum náā tə́?

JA̰A̰ 8:12

Jeju ɔr̄ najə̄ kə kósə de gēé ɓáý to̰, ədadə́ na: Mā i loo kə́ unjə̄ kow yā de kə́ dɔ nang tə́ gə̄. Nge ń a un gōḿ anī, a njə̄rā kum til tə́ alé, ba a ənge loo kə́ unjə̄ kow kə́ rāā kadə̄ deē a ndi kə kumneé.

JEJU TEĒ KUM JA̰A̰ 21:23

Ɓē ní sāā i mbang ō nāā ō tá kadə̄ loo unjə̄ń kemeé alé. Tɔdɔ̄ kɔsə gɔn yā Nə́ɓā rāā adə̄ loo unjə̄ kow kemeé ō, lámbá kə́ kemeé i Ngōn̄ Batə̄ ō.

Makətūbə̄ yā Job 29:3

Hor lámba yān unjə̄ dɔḿ tə́ ō, m-á̰a̰ loo ndɔ̄ɔ́ i kə ta kūl̄ loo yān kə́ unjə̄ kow n m-ā m̄-njə̄rań ní ō.

JA̰A̰ 12:46

m̄-reē dɔ nang tə́ i kə́ loo kə́ unjə̄ kow tə́, yā kadə̄ náā nəkɔ́ ń taā kemḿ anī, ndi kum til tə́ alé.

MISE 7:9

Majə kadə̄ jə-tə́gā tají, dan ń Kɔ́ɔ̄ɓē a rāāń wōn̄g tə́ ní. Tɔdɔ̄ jə-mān̄ dɔ ndūn. Banī ndɔ̄ a reē noó, kadə̄ ni a rɔ̄ɔ̄ dɔjí tə́ ō, ni a gān̄g sarya kə́ gōtə́ yā kadə̄jí ō. Ni a ɔrjí ta róbə yā kaw̄ sejí kum loo kə́ unjə̄ kow tə́ ō, a rāā majə sejí yā kutə̄ń gidəjí ō.

PĀ GƏ̄ 112:4

Loo kə́ unjə̄ kow kógə̄ḿ unjə̄ kum til tə́ tām̄ yā de kə́ súmūú gə̄ tə́. Ni i de kə́ súmūú ō, de kə́ nge rāā kem majə ō, kumən a o̰o̰n ō.

IJAI 50:10

I náā kə́ dansí tə́ n ɓōĺ ndíĺ Kɔ́ɔ̄ɓē ní? Deē ń noō ní majə kadə̄ oō najə̄ yā nge kəla yān. I náā n njə̄rā dan ndɔ̄ɔ́ ba a̰a̰ loo kógə̄ḿ kə́ unjə̄ kow aĺ bátə́ ní? Majə kadə̄ deē ń noō ənī kemən mámák adə̄ Kɔ́ɔ̄ɓē ō, ra dɔ Nə́ɓā yān tə́ ō.

PĀ GƏ̄ 97:11

Loo kə́ unjə̄ kow teē tām̄ yā de kə́ sew tə́, tá de gə̄ ń kemdə́ i súmūú ní rɔ̄də́ nel̄də́ ō.

PĀ GƏ̄ 84:11

Rāā ndɔ̄ kógə̄ḿ ndágə loo kə́ gīr̄ gidə kújə yāí tə́ majə tɔȳ rāā ndɔ̄ dūbú loo kə́ rang tə́. Nə́ɓā yāḿ, ndi ta róbə́ kújə yāí tə́ i só tə́ tɔȳ ndi kə de kə́ sew aĺ gēé!

PĀ GƏ̄ 18:28

Gír de gə̄ ń madə̄də́ gə̄ əlan̄ rɔ̄sɔl̄ dɔdə́ tə́ ní, i ḭ̄ n i nge rāā kadə̄ nin̄ tetən̄ rɔ̄ɔ̄ ō, i ḭ̄ n i nge rāā kadə̄ kum ngé kɔjə rɔ̄də́ gə̄ tetə kə̄ nang tə́ ní ō.

PĀ GƏ̄ 4:6

Ī-ndējī Kɔ́ɔ̄ɓē yá̰a̰ tun̄ gə̄ ń sɔɔ̄ kadə̄ ī-ndējī ní ba ə̄ndāī kemsí dɔn tə́.

2 SAMUEL 21:17

Banī Abisai ń rī kó̰o̰n na i Seruya ní dḭḭ̄ mban̄g, adə̄ ni tɔ̄l̄ Pilistin ní. Loo ń noō tə́ áskar gə̄ ənīn̄ ndūdə́ adə̄n̄ Dabid ədan̄ na n-aw̄n̄ sedə́ ta rɔ̄ɔ̄ tə́ to̰ alé, tá kadə̄ ɓē ko̰o̰ udəń kɔ̄ɔ́ Israel tə́ alé.

1 MBAN̄G GƏ̄ 11:36

Na n-a n-əya̰ gír ɓē kə́ kógə̄ḿ yā kadə̄ ngōn̄ Salomo̰, yā kadə̄ nge kəla yān Dabid əngeń de kə́ gír kojə yān tə́ dɔ kōr̄ kāgə̄ mbang tə́ ngáńdáńg ta kum Kɔ́ɔ̄ɓē tə́ Jerusalem, ɓē ń ni Kɔ́ɔ̄ɓē n-gə̄rā yā kəndā rīn dɔ tə́ ní.