2 SAMUEL 22:24 - Bibəl ta Sar̄

²⁴ m̄-ndigə kadə̄ ənge yá̰á̰ kə́ yā kəda dɔḿ tə́ alé. m̄-gḛy kadə̄ najə̄ əhɔm̄ alé, adə̄ m̄-ngɔ̄m̄ rɔ̄ḿ.

Bible sar

²⁴ m̄-ndigə kadə̄ ənge yá̰á̰ kə́ yā kəda dɔḿ tə́ alé. m̄-gḛy kadə̄ najə̄ əhɔm̄ alé, adə̄ m̄-ngɔ̄m̄ rɔ̄ḿ.

2 SAMUEL 22:24 Referans Kwoze

TA KƏLA 6:9

Gotə najə̄ yā Noe n toó: Noe i de kə́ súmūú ō, najə̄ gətóo dɔn tə́ dan de kə́ ɓāl̄ yān tə́ gə̄ tə́ ō. Ni njə̄rā kə Nə́ɓāá.

Makətūbə̄ yā Job 1:1

Kété ní dəngam kógə̄ḿ ndi dɔ nang kə́ Us tə́, a ɓāŕnən̄ na i Job. Ni i de kə́ najə̄ gətóo dɔn tə́. I de kə́ súmūú ō, i de kə́ ɓōĺ ndíĺ Nə́ɓā ō, i de kə́ nge mbātə́ rāā yá̰á̰ kə́ majaĺ ō.

TA KƏLA 17:1

Abəram rāā ɓāl̄ kutə ndōhó gidə i ndōhó anī, Kɔ́ɔ̄ɓē ndɔ̄bə̄n ədan na: Mā i Nə́ɓā kə́ bo kə́ tɔ́gə́ḿ i ngá̰ý. Ī-njə̄rā ta kumḿ tə́ ō, ādə̄ najə̄ gətóo dɔí tə́ ō.

HEBƏRO 12:1

Jḭḭ̄ ń de kə́ kum tə́ kə́ gīrə̄n̄ gidəjí gə̄ nin̄ i kósə ngá̰ý ní, ādə̄ yá̰a̰ malang ń ɔgə̄jí kaw̄ kum kə́ kété ní ō, majaĺ ń ɓír̄jí láẃ ngá̰ý ní ō, jə-mbātíī kɔ̄ɔ́. Ba ngɔ̄də̄ ń mērə̄n̄jí ka̰ȳ ní, ādə̄ jə-tə́gāī tají ba jə-ngɔ̄dī bátə́ ta ngóý tə́.

EPEJƏ 1:4

Tɔdɔ̄ kété pá tá kadə̄ Nə́ɓā rāā dɔ rā̰ ō, dɔ nang ō ní, ni-gə̄rājí kɔ̄kə́ yā kadə̄ jḭḭ̄ i deē yān gə̄, kə gō ɓoo kə́ jə-ɓooī naā kə Kərist, yā kadə̄ jḭḭ̄ i de kə́ táĺ gə̄ ō, de kə́ kanjə̄ najə̄ dɔjí tə́ gə̄ ō, kə̄ ta kumən tə́.

2 KORḚNTƏ 5:11

Jḭḭ jə-ger̄ yá̰á̰ ń i ɓōĺ ndíĺ Kɔ́ɔ̄ɓē ní, adə̄ jə-sāā i kɔjə de gə̄ kadə̄ gerə̄n̄ najə̄ kə́ rɔ̄kum. Nə́ɓā ger̄jí majə ō, m̄-taā kem kadə̄ sḭḭ̄ ī-ger̄mī kemsí gə̄ tə́ majə ō.

JA̰A̰ 1:47

Jeju a̰a̰ Natanayel a reē kə̄ rɔ̄n tə́ anī, ɔr̄ najə̄ yān əda na: Ngōn̄ Israel kə́ rɔ̄kum n toó, i de kə́ gól̄ loo gətóo kemən tə́ bátə́.

Gōsə̄ najə̄ gə̄ 4:23

Ə̄ndā may yá̰á̰ ń ī-gír kemií tə́ ní majə. A rāā seí tɔȳ gotə yá̰a̰ gə̄ malang tɔdɔ̄ a ī-ndi kə kumií i kə ta kulneé.

PĀ GƏ̄ 84:11

Rāā ndɔ̄ kógə̄ḿ ndágə loo kə́ gīr̄ gidə kújə yāí tə́ majə tɔȳ rāā ndɔ̄ dūbú loo kə́ rang tə́. Nə́ɓā yāḿ, ndi ta róbə́ kújə yāí tə́ i só tə́ tɔȳ ndi kə de kə́ sew aĺ gēé!

PĀ GƏ̄ 51:6

I īkɔ́ ngóy kal kógə̄ḿ beē n m̄-rāā yá̰á̰ kə́ majaĺ seí ní. Mā m̄-rāā yá̰á̰ ń i yá̰á̰ kə́ majaĺ ta kumií tə́ ní. Adə̄ ré ā ə̄ndā najə̄ dɔḿ tə́ anī najə̄ i yāí ō, ā ī-gān̄g sarya ɓáa yá̰á̰ kə́ kadə̄ deē əda dɔí tə́ a gətóo ō.

KOLOSƏ 1:21

Sḭḭ̄ ń kété sḭḭ̄ i sa̰y rɔ̄ Nə́ɓā tə́ ō, sḭḭ̄ i madə̄ ba̰ā̰n gə̄ ō, sɔɔ̄ń gír̄ yāsí ō, yá̰a̰ rāāsí kə́ majaĺ gə̄ ō ní,

KOLOSƏ 1:22

ngɔlaā lɔm to dɔ dáńsí tə́ kə Nə́ɓāá, sɔɔ̄ń koy ń Kərist oy ní. Adə̄ sḭḭ̄ i deē yān kə́ táĺ gə̄ kə́ najə̄ gətóo dɔsí tə́ ō, yá̰a̰ rāāsí kə́ majaĺ gətóo ō.

TA KƏLA 7:1

Kɔ́ɔ̄ɓē əda Noe na: Údiī kem to boó, ḭ̄ ō, deē yāí gə̄ malang ō, tɔdɔ̄ i ḭ̄ ngóy n i de kə́ súmūú ta kumḿ tə́ dan de kə́ dɔ nang tə́ gə̄ tə́.

PĀ GƏ̄ 17:1

Ndɔ̄ȳ yā Dabid. Kɔ́ɔ̄ɓē, ī-nēl̄ mbīí ōoń nōō yāḿ. Ōō yá̰á̰ kə́ gōtə́ ń m̄-dəjeī ní,