2 SAMUEL 22:21 - Bibəl ta Sar̄

²¹ I tām̄ háĺ kə́ gōtə́ kə́ m̄-rāā tə́, I tām̄ jīḿ kə́ unjə̄ njáý njáý tə́ n Kɔ́ɔ̄ɓē rāań yá̰á̰ kə́ beē seḿ ní.

Bible sar

²¹ I tām̄ háĺ kə́ gōtə́ kə́ m̄-rāā tə́, I tām̄ jīḿ kə́ *unjə̄ njáý njáý tə́ n Kɔ́ɔ̄ɓē rāań yá̰á̰ kə́ beē seḿ ní.

2 SAMUEL 22:21 Referans Kwoze

PĀ GƏ̄ 24:4

I deē ń jīn unjə̄ njáý njáý ō kemən ndaa tá táĺ ō ní. I deē ń əga rɔ̄n gidə Nə́ɓā tə́ rāań yá̰á̰ kə́ majaĺ aĺ ō, túbə yā góləń deē aĺ ō ní.

1 SAMUEL 26:23

Ādə̄ Kɔ́ɔ̄ɓē əndā njají kógə̄ḿ kógə̄ḿ tām̄ yá̰á̰ kə́ gōtə́ ń jə-rāāī tə́ ní ō tām̄ yá̰á̰ kə́ rɔ̄kum tə́ ō. Ɓōólaā Kɔ́ɔ̄ɓē əlaī jīḿ tə́ banī m-ɔ́də tɔ̄lī alé. Tɔdɔ̄ ḭ̄ i mban̄g ń Kɔ́ɔ̄ɓē ur yibə̄ ngār dɔí tə́ ní.

PĀ GƏ̄ 7:8

Gír de gə̄ kánə̄n̄ naā gīrə̄n̄ gidií, ī-tél āw̄ ī-ndi gotií tə́ dɔɔ́ dɔdə́ tə́!

1 MBAN̄G GƏ̄ 8:32

Kɔ́ɔ̄ɓē ḭ̄ ń ī-ndi dɔ rā̰ tə́ ní ōō najə̄ yā kɔ́ɔ̄. Ī-rāā yá̰á̰ kógə̄ḿ ī-gāngəń sarya kə́ dɔ dáń ngé kəla yāí gə̄ tə́. Deē ń najə̄ i dɔn tə́ ní ī-rāā ādə̄ háĺ kɔ́ɔ̄ tél əsō dɔ kɔ́ɔ̄ tə́ ō, deē ń najə̄ gətóo dɔn tə́ ní, ɔ́jə kə̄ ndágá kadə̄ najə̄ gətóo dɔn tə́ kə ta kūl̄ rāā seneé yá̰á̰ kə́ ɔjə kadə̄ hálən i kə́ súmūú ō.

JAKƏ 4:8

Ī-ndɔ́tī kə̄ rɔ̄ Nə́ɓā tə́, anī ni a ndɔ́tə̄ kə̄ rɔ̄sí tə́ ō. Sḭḭ̄ ngé kem jōó gə̄, ī-tə́goī ngarān̄g kemsí ādī unjə̄ njáý njáý.

1 KORḚNTƏ 15:58

I beé ní, sḭḭ̄ ń i ngákó̰ó̰ḿ gə̄ kə́ m̄-táŕsí ngá̰ý ní, ə́hɔī rɔ̄sí ngan̄g ō, ādī yá̰á̰ yókə̄sí aĺ ō. Ī-rāāī kəla yā Kɔ́ɔ̄ɓē kum kə̄ kété kété kanjə̄ dəba. Tɔdɔ̄ ī-gerī kadə̄ kəla ń ī-rāāī kə gō ɓoo naā yāsí kə́ kə Kɔ́ɔ̄ɓēé ní, i kəla kə́ ndāńg alé.

PĀ GƏ̄ 19:11

Adə̄ nel̄ kem de gə̄ ngá̰ý tɔȳ lɔ́r, tɔȳ dūbə̄ lɔ́r kə́ unjə̄ njáý njáý. Adə̄ nel̄də́ ngá̰ý tɔȳ yibə̄ tejə, tɔȳ yibə̄ tejə kə́ kijə.

Makətūbə̄ yā Job 17:9

Banī de kə́ gōtə́ əhɔ háĺ kə́ gōtə́ yān jīn jōó ō, ādə̄ deē ń jīn unjə̄ njáý njáý ní, əhɔ rɔ̄n tɔgə loo nja kə́ jōó tə́ ō.

2 SAMUEL 22:25

Loo ń noō tə́ Kɔ́ɔ̄ɓē əndā njaḿ najə̄ háĺ kə́ gōtə́ kə́ m̄-rāā seneé tə́, najə̄ háĺ kə́ unjə̄ njáý njáý kə́ m̄-rāā adə̄ a̰a̰ kə kumneé tə́.

Gōsə̄ najə̄ gə̄ 11:31

Rɔ̄kum, əndān̄ nja de kə́ súmūú dɔ nang tə́ laā tām̄ kəla rāān tə́, banī nge kem ndul ō, nge rāā majaĺ ō ní, i najə̄ rí n kə deē kə əda dɔdə́ tə́ ní?

1 MBAN̄G GƏ̄ 3:6

anī Salomo̰ tél əda Kɔ́ɔ̄ɓē na: Kɔ́ɔ̄ɓē, ī-rāā kem ndaa ngá̰ý kə bɔbə́ḿ Dabid nge kəla yāí. Tɔdɔ̄ ni-ra dɔ ndūn tə́ ō, kə́ gōtə́ ō, kə́ súmūú ō seí. Kem ndaa yāí kə́ ngá̰ý ní to gotoó tām̄ yān tə́, adə̄ ɓōólaā ādə̄n ngōn̄ kógə̄ḿ adə̄ ndi dɔ kōr̄ kāgə̄ mbang yān tə́ gotən tə́.