2 SAMUEL 22:2 - Bibəl ta Sar̄

² əda na: Kɔ́ɔ̄ɓē i mbal̄ yāḿ, ni i kújə́ kə́ ngan̄g ngá̰ý yāḿ kə́ m̄-ndi kemeé anī, yá̰a̰ a ɔdə rɔ̄ḿ alé.

Bible sar

² əda na: Kɔ́ɔ̄ɓē i mbal̄ yāḿ, ni i kújə́ kə́ ngan̄g ngá̰ý yāḿ kə́ m̄-ndi kemeé anī, yá̰a̰ a ɔdə rɔ̄ḿ alé.

2 SAMUEL 22:2 Referans Kwoze

PĀ GƏ̄ 71:3

Ādə̄ ḭ̄ i mbal̄ ń m-ā m̄-déw gidə tə́ kadə̄ yá̰a̰ ɔdə rɔ̄ḿ aĺ ní, mbal̄ ń m-ásə kaw̄ tū tə́ kə kum mbang gə̄ malang ní. Ḭ̄ ī-gḛy kajəm̄. A̰á̰ā̰, ḭ̄ i mbal̄ yāḿ, ɓē kə́ ngan̄g ngá̰ý yāḿ.

PĀ GƏ̄ 31:3

Ī-nēl̄ mbīí kə̄ kōōḿ tə́, ī-reē láẃ ī-gān̄g dɔḿ. Ādə̄ ḭ̄ i mbal̄ yāḿ kə́ ngan̄g ngá̰ý ō, loo ndiḿ kə́ ngan̄g ń a ajəm̄ ní ō.

PĀ GƏ̄ 144:2

I ni n i nge rāā kem majə seḿ ní ō, ni i loo ɓɔ̄ɔ̄ rɔ̄ yāḿ ō, i ni n i loo ndi kə́ ngan̄g ngá̰ý ō, nge kajəḿ ō ní. Ni i der yāḿ ō, m-ā m̄-ɓɔ̄ɔ̄ rɔ̄ḿ i rɔ̄n tə́ ō. Ni-əla dɔ gír deē yāḿ gə̄ gíŕ tɔ́gə yāḿ tə́ ō.

PĀ GƏ̄ 91:2

M-ə́da najə̄ kə́ dɔ Kɔ́ɔ̄ɓē tə́ na: Ni i loo ɓɔ̄ɔ̄ rɔ̄ yāḿ, ndogə̄ mbal̄ kə́ ngan̄g ngá̰ý yāḿ, Nə́ɓā yāḿ: Adə̄ m-ə̄ndā kemḿ i dɔn ni tə́!

NDŪ NAJƏ̄ 32:4

Kɔ́ɔ̄ɓē i mbal̄, kəla rāān i kə́ majə ɔtə̄ kə taá. Tɔdɔ̄ gō róbə yān gə̄ malang i kə́ súmūú. Nə́ɓā i nge ra dɔ ndūn tə́, yá̰á̰ kə́ gōtə́ aĺ gətóo kemən tə́. Ni i de kə́ gōtə́ ō, kə́ súmūú ō.

1 SAMUEL 2:2

De kə́ táĺ tītə̄ Kɔ́ɔ̄ɓē gətóo. I ḭ̄ ngóy n i de kə́ ndi noó rɔ̄kum ní, mbal̄ kə́ tītə̄ Nə́ɓā yājí gətóo.

MATIYE 16:18

Banī mā m-ə́daī na ḭ̄ i mbal̄ ō, mā m-ā m̄-rāā Egəlijə yāḿ dɔ mbal̄ ń toō tə́ ō. Yo a asə rāā yá̰a̰ seneé alé.

PĀ GƏ̄ 42:9

Kadaá anī Kɔ́ɔ̄ɓē rāā kem majə seḿ, ndɔ̄ɔ́ anī m-ə̄nī pā yān ō, m̄-ndɔ̄ȳ Nə́ɓā ń i nge rāā kadə̄ m̄-ndi kə kumḿ ní ō.

1 SAMUEL 23:25

Saul nin̄ kə deē yān gēé aw̄n̄ sāān tə́. De gə̄ ədan̄ Dabid adə̄ ni oō kɔ̄ɔ́. Adə̄ ni-aw̄ ndi mbal̄ bo ń ra kem dəla loo kə́ Maon tə́ ní. Dan ń Saul oō anī ni sōn̄g gō Dabid kem dəla loo kə Maon tə́.

1 SAMUEL 24:2

Dan ń Saul tél tə̄ɓā Pilistin gə̄ tə́ ní a, ədanən̄ na Dabid i dəla loo kə́ En Gedi tə́.

2 SAMUEL 22:32

Kɔ́ɔ̄ɓē ngóy i Nə́ɓā! I Nə́ɓā yājí ngóy n i mbal̄ yājí ní!

2 SAMUEL 22:33

I ni n i loo ɓɔ̄ɔ̄ rɔ̄ yāḿ kə́ ngan̄g ngá̰ý ní! I ni n i nge rāā róbə noḿ tə́ ní.

2 SAMUEL 23:3

Nə́ɓā yā Israel ɔr̄ najə̄, nge ngɔ̄m̄ Israel ədam̄ na: Deē ń o̰o̰ ɓē dɔ de gə̄ tə́ kə háĺ kə́ gōtə́ ní, deē ń o̰o̰ ɓē dɔ de gə̄ tə́ kə ɓōĺ ndíĺ Nə́ɓāá ní,

Gōsə̄ najə̄ gə̄ 18:10

Rī Kɔ́ɔ̄ɓē i kújə ngɔ̄m̄ ɓē kə́ ngan̄g, de kə́ súmūú a̰ȳ reē kemeé ō, ndi kanjə̄ sōl̄ yá̰á̰ kógə̄ḿ ō.