2 SAMUEL 22:10 - Bibəl ta Sar̄

¹⁰ Kɔ́ɔ̄ɓē tetə ta dɔ rā̰ kə̄ nang tə́ ba risə nang tə́. Kil̄ man̄ kə́ ndul ndí ndḭ́ i gír njan tə́.

Bible sar

¹⁰ Kɔ́ɔ̄ɓē tetə ta dɔ rā̰ kə̄ nang tə́ ba risə nang tə́. Kil̄ man̄ kə́ ndul ndí ndḭ́ i gír njan tə́.

2 SAMUEL 22:10 Referans Kwoze

1 MBAN̄G GƏ̄ 8:12

Loo ń noō tə́ Salomo̰ əda na: Kɔ́ɔ̄ɓē, ī-ndigə i ndi kem loo kə́ risə til nding tə́,

PĀ GƏ̄ 97:2

Loo kə́ ndul ndí ndḭ́ ō kil̄ man̄ ō gīrə̄n̄ gidən, yá̰a̰ rāā kə́ gōtə́ ō kə́ súmūú ō i bir̄ nja kōr̄ kāgə̄ mbang yān gə̄.

PĀ GƏ̄ 144:5

Kɔ́ɔ̄ɓē, ī-tetə ta dɔ rā̰ kə̄ nang tə́ ba ī-risə, ɔ́də mbal̄ gə̄ ādə̄ əɓan̄ sa.

Teē Ngán Israel gə̄ 20:21

Ngán Israel gə̄ ran̄ sa̰y, ba Moijə tá ndɔ́tə̄ kə̄ kadə kil̄ man̄ kə́ ndul kíndíńg ń Nə́ɓā i tū tə́ ní tə́.

MATIYE 27:45

Loo ń mbang i dan ɓēé ní, loo gān̄g tíbə ripə, adə̄ loo kə́ risə til taā loo dɔ nang tə́ malang, bátə́ ugə̄ń mbang kə́ mətá kə́ loo sɔlí tə́.

NAHUM 1:3

Kɔ́ɔ̄ɓē i de kə́ nge tə́gā tan ō, tɔ́gən i ngá̰ý ō. Banī deē ń najə̄ i dɔn tə́ ní, ni a əya̰n karī kanjə̄ kəndan alé. Dan ń ni a mān̄ anī, nél man̄ kə́ ngan̄g ngá̰ý əla. Kil̄ man̄ i bumbə́rú kə́ gír njan tə́.

PĀ GƏ̄ 104:3

Kɔ́ɔ̄ɓē tə́ndā kújə yān gə̄ dɔ naā tə́ dɔ man̄ kə́ dɔɔ́ gə̄ tə́. Rāā kil̄ man̄ gə̄ i púsə́ sə́nda yān gə̄ tə́. Ndi i dɔ bɔ̄gə̄ néĺ tə́ n a njə̄rań ní.

NDŪ NAJƏ̄ 4:11

Adə̄ ndɔ̄ ń noō tə́ ní sḭḭ̄ ī-ndɔ́tī kə̄ ngɔr ba ī-raī kə njasí dɔɔ́ nja mbal̄ Horeb tə́. Mbal̄ ní əɓa hor, adə̄ ndo̰ hor gə̄ aw̄n̄ ugə̄n̄ ɓōdə̄ rā̰ tə́ dɔɔ́, dan kil̄ man̄ kə́ ndul ndí ndḭ́ tə́ ō, kum loo kə́ risə til nding tə́ ō.

Teē Ngán Israel gə̄ 19:16

Teē kə́ gír looí ɓatə kə ndɔ̄ kə́ nge ko̰ mətá anī, man̄ ndang ō, tel̄ ō, kil̄ man̄ risə til nding dɔ mbalá ō, tōw̄ ɓār̄ ngá̰ý ō, adə̄ de gə̄ ndewn̄ yakə yakə kem gérger ń ndin̄ tū tə́ ní tə́.

IJAI 63:19

Əla gír i jóó ngá̰ý n to tītə̄ kə́ ḭ̄ i mban̄g yājí to̰ aĺ ō, rīí i dɔjí tə́ to̰ aĺ ō ní. Aa! Ré ī-rə̄yā̰ dɔ rā̰ ba ī-risə nang tə́ anī! Mbal̄ bo gə̄ a ndewn̄ noí tə́.