2 SAMUEL 22:1 - Bibəl ta Sar̄

¹ Dan ń Kɔ́ɔ̄ɓē ɔr̄ Dabid kɔ̄ɔ́ jī madə̄ ba̰ā̰n gə̄ tə́ ō, jī Saul tə́ ō ní anī, ənī pā ń toō adə̄ Kɔ́ɔ̄ɓē,

Bible sar

¹ Dan ń Kɔ́ɔ̄ɓē ɔr̄ Dabid kɔ̄ɔ́ jī madə̄ ba̰ā̰n gə̄ tə́ ō, jī Saul tə́ ō ní anī, ənī pā ń toō adə̄ Kɔ́ɔ̄ɓē,

2 SAMUEL 22:1 Referans Kwoze

NGÉ SARYA 5:1

Ndɔ̄ ń noō tə́ Debora nin̄ kə Barak ngōn̄ Abinoam ənīn̄ pā ń toō ədan na:

Teē Ngán Israel gə̄ 15:1

Loo ń noō tə́ Moijə nin̄ kə ngán Israel gēé ənīn̄ pā ɔsən̄neé gɔn Kɔ́ɔ̄ɓē, ədan̄ na: m̄-gḛy kənī pā yā kɔsəń gɔn Kɔ́ɔ̄ɓē, tɔdɔ̄ ni-tetə rɔ̄ɔ̄ kə́ bo. Ni-tə́nā sə́nda gə̄ kə ngé kal̄də́ gēé kum bā bo tə́.

2 TIMOTE 4:18

Kɔ́ɔ̄ɓē a ɔrə̄m̄ kɔ̄ɔ́ kum yá̰a̰ malang kə́ majaĺ tə́ ō. Ni a ajəm̄ tām̄ yā Ɓē ko̰o̰ yān kə́ dɔ rā̰ tə́ ō. Kɔsə gɔn i yān kə dɔ ɓāl̄ gə̄ ɓāl̄ gə̄! Adə̄ i tītə̄ ń noō!

PĀ GƏ̄ 34:19

Kɔ́ɔ̄ɓē i ngɔr rɔ̄ de gə̄ ń kemdə́ nujə sák sák kɔ̄ɔ́ tə́ ní ō, ni ajə ngé gə̄ ń ndíĺdə́ sṵý kɔ̄ɔ́ ní ō.

PĀ GƏ̄ 50:14

Ādə̄ yá̰a̰ tun̄ yāí kə́ ndējə̄ i ɓōkə́ Nə́ɓā tɔ̄ȳ ō, ī-rāā yá̰a̰ gə̄ ń ə̄nī ndūí yā rāā kadə̄ Nə́ɓā kə́ dɔɔ́ sa̰y ngá̰ý ní ō.

2 SAMUEL 22:49

Kɔ́ɔ̄ɓē, ḭ̄ ɔ̄rə̄m̄ kɔ̄ɔ́ ta madə̄ ba̰ā̰ḿ gə̄ tə́. Ḭ̄ ī-rāā adə̄ ngé gə̄ ń ənīmə̄n̄ rɔ̄ɔ̄ ní m̄-tetədə́ rɔ̄ɔ̄. Ḭ̄ ɔ̄rə̄m̄ kɔ̄ɔ́ jī ngé dɔ́nɔ gə̄ tə́.

1 SAMUEL 27:1

Dabid gír̄ najə̄ əda na: Ndɔ̄ kə́rēý tə́ anī Saul a ndi yā tɔ̄lə̄m̄ ɓáý. Yá̰á̰ kə́ só tə́ ń kadə̄ m̄-rāā ní i kadə̄ m-ā̰ȳ m-āw̄ dɔ nang yā Pilistin gə̄ tə́ kɔ̄ɔ́ ngóy. Loo ń noō tə́ Saul a lōō gír ndəlem̄ tə́ dɔ nang yā ngán Israel gə̄ tə́ malang ō m-ā m̄-teē jīn tə́ ō.

1 SAMUEL 26:24

Tītə̄ ń ndií ḭ̄ kə kumií i yá̰á̰ kə́ gātə̄n i ngá̰ý ta kum mā tə́ ní, ādə̄ ndiḿ mā kə kumḿ i yá̰á̰ kə́ gātə̄n i ngá̰ý ta kum Kɔ́ɔ̄ɓē tə́ ō ba ādə̄ ɔrə̄m̄ kɔ̄ɔ́ kum yá̰á̰ kə́ to yo gə̄ tə́ malang.

1 SAMUEL 25:29

Kɔ́ɔ̄ḿ, gír̄ ń deē kə́rēý aw̄ń kemən tə́ ní i kógə̄ḿ beē, i ndəle gōí. Deē ní sāā i kadə̄ óy kɔ̄ɔ́. Ba Kɔ́ɔ̄ɓē Nə́ɓā yāí a ngɔ̄mī kadə̄ ā ī-ndi kə kumií kə ndɔ̄ gə̄. Banī ni a ənī koō kajə yā madə̄ ba̰ā̰í gə̄ sa̰y kɔ̄ɔ́ rɔ̄n tə́ tītə̄ kə́ ənī i kə bējēé beē.

1 SAMUEL 24:15

Mban̄g kə́ Israel tə́ ā ī-rɔ̄ɔ̄ i náā? Ā ī-ngɔ̄də̄ i náā? Ā ī-ngɔ̄də̄ i bísə́ kə́ nger əsan a? Ā ī-ndəle i ngáɓer kə̄njá a?

1 SAMUEL 23:14

Dabid aw̄ ndi kem dəla loo kə́ Jip tə́, mbo̰ō̰ mbal̄ gə̄ kə́ loo kaw̄ tū tə́ tōr̄ ngá̰ý tə́, gō nang kə́ mbalá tə́. Saul ndəlen i kə dɔ ndɔ̄ gə̄, banī Nə́ɓā əya̰ Dabid adə̄ əsō jīn tə́ alé.

2 KORḚNTƏ 1:10

I ni n ɔr̄jí ta yo kə́ tītə̄ ń noō tə́ ō, a ɔr̄jí ɓáý ō ní. A̰á̰ā̰, j-əndā kemjí dɔn tə́ kadə̄ a ajəjí ta yo tə́ ɓáý.

NDŪ NAJƏ̄ 31:30

Loo ń noō tə́ Moijə tə́da kum pā ń toō ta mbī ngé kán̄ naā gə̄ malang yā ngán Israel gə̄ tə́, pā ní n toó:

1 YÁ̰A̰ GƏ̄ 16:7

Dabid əla gír kəndā kəla tɔ̄ȳ Kɔ́ɔ̄ɓē dɔ Asap tə́ kə ngákó̰o̰n gēé i ndɔ̄ ń noō tə́.

2 SAMUEL 12:7

Anī Natan tél əda Dabid na: Deē ń rāā tītə̄ ń noō ní i ḭ̄! Ba yá̰á̰ ń Kɔ́ɔ̄ɓē Nə́ɓā yā Israel əda ní n toó: I mā n m-úr yibə̄ ngār dɔí tə́ kadə̄ ḭ̄ i mban̄g kə́ Israel tə́ ní ō, i mā n m̄-taāī jī Saul tə́ m-ə́ya̰ī dɔɔ́ ní ō.