2 SAMUEL 21:7 - Bibəl ta Sar̄

⁷ Banī mban̄g əya̰ Mepiboset ngōn̄ Jonatan kə́ ngōn̄ Saul adə̄ ndi kə kumneé sɔɔ̄ń madə̄ naā ń to dɔ dáńdə́ tə́ ní. Tɔdɔ̄ kété ní Dabid nin̄ kə Jonatan kə́ ngōn̄ Saul əhɔn̄ madə̄ naā kə rī Kɔ́ɔ̄ɓēé.

Bible sar

⁷ Banī mban̄g əya̰ Mepiboset ngōn̄ Jonatan kə́ ngōn̄ Saul adə̄ ndi kə kumneé sɔɔ̄ń madə̄ naā ń to dɔ dáńdə́ tə́ ní. Tɔdɔ̄ kété ní Dabid nin̄ kə Jonatan kə́ ngōn̄ Saul əhɔn̄ madə̄ naā kə rī Kɔ́ɔ̄ɓēé.

2 SAMUEL 21:7 Referans Kwoze

2 SAMUEL 4:4

Jonatan ngōn̄ Saul aw̄ kə ngōnən kə́ dəngam kógə̄ḿ kə́ njan lígə̄rī dām̄ jōó mbak. Rī ngōnən ní na i Mepiboset. Dan ń najə̄ yo Saul ḭḭ Jisreel reē ugə̄ ní, ɓāl̄ Mepiboset i mí. Kókətōn unən yā ka̰ȳ seneé, banī tebəle asən nák adə̄ ngōn̄ ní teē jīn tə́ əsō. I yá̰á̰ ń noō n nja ngōn̄ nujəń kɔ̄ɔ́ kə́ njɔ́ḿ gə̄ tə́ ní.

1 SAMUEL 23:18

Jonatan ō Dabid ō ənīn̄ ndūdə́ jōó mbak ta kum Kɔ́ɔ̄ɓē tə́ rāānəń madə̄ naā. Gō tə́ anī Jonatan tél aw̄ gogə́ ɓēé, ba Dabid ndi Horsa.

1 SAMUEL 20:15

ún ta kem majə yāí kə̄ kété kə gír kojə yāḿ. Ká ré Kɔ́ɔ̄ɓē rāā adə̄ madə̄ ba̰ā̰í gə̄ gətóōn̄ kógə̄ḿ kógə̄ḿ kɔ̄ɔ́ dɔ nang tə́ gə̄gē anī ī-rāā nəkɔ́.

1 SAMUEL 18:3

Jonatan əhɔ madə̄ naā kə Dabidí tɔdɔ̄ tárən tītə̄ rɔ̄n nəkɔ́ beē.

2 SAMUEL 9:10

Ḭ̄ ō, ngání gə̄ ō, ngé kəla yāí gə̄ ō ní, ā ī-ndɔrī dɔ nang yā kadə̄n ō, ā ī-reēī kə yá̰a̰ kəsa kə́ tām̄ yā kojə yān tə́ ō. Tɔdɔ̄ Mepiboset a əsa yá̰a̰ ta tábəl yāḿ tə́ kə dɔ ndɔ̄ gə̄. Ngán Siba gə̄ i kutə gidə i mí ō, ngé kəla yān gə̄ i kutə jōó ō.

1 SAMUEL 20:8

Ɓá anī ī-rāā yá̰á̰ kə́ rɔ̄kum ādə̄ m-á̰a̰ā̰, tɔdɔ̄ madə̄ naā ń jə-rāā kə rī Kɔ́ɔ̄ɓēé ní do̰ō̰jí naā tə́ seí. Adə̄ ká ré m̄-rāań i yá̰á̰ kə́ majaĺ gə̄gē anī īkɔ́ ī-tɔ̄lə̄m̄ ba ī-lōō kəlam̄ jī bɔbí tə́.

1 SAMUEL 20:42

Jonatan əda Dabid na: Āw̄ kə kem sɔlɔ́. Ba ādə̄ əga kemií dɔ madə̄ naā ń jə-túbə j-adə̄ naā j-əhɔń kə rī Kɔ́ɔ̄ɓēé ní tə́. Ādə̄ Kɔ́ɔ̄ɓē ra dɔ dáńjí tə́ ō, dɔ dáń ngáńjí gə̄ tə́ ō, ngán kaají gə̄ tə́ ō, bátə́ ta kaw̄ jóo.

1 SAMUEL 20:17

Jonatan mēr̄ Dabid túbə kadə̄n ɓáý to̰ kə rī táŕ ń aw̄ń kemən tə́ tām̄ yān tə́ ní. Tɔdɔ̄ nəkɔ́ Jonatan tár Dabid kə ngarā̰ kemənneé malang.

2 SAMUEL 19:25

Mepiboset ń i ngōn̄ kaa Saul ní aw̄ tə́nī ta mban̄g tə́ ō. Əla gír ndɔ̄ ń mban̄g teēń kɔ̄ɔ́ kem ɓē kə́ Jerusalem tə́ bátə́ ugə̄ń ndɔ̄ ń mban̄g tél reē ugə̄ń gogə́ kem ɓē kə́ Jerusalem tə́ kə lápə́yaá ní, Mepiboset əja mbāý tan kə́ dɔɔ́ aĺ ō, tə́go njan aĺ ō, tə́go kūbə̄ yān aĺ ō.

2 SAMUEL 16:4

Mban̄g əda Siba na: Majə, yá̰a̰ malang ń i yā Mepiboset ní m-ādī. Anī Siba ɔsə non nang tə́ ba əda na: Kɔ́ɔ̄ ɓē gə̄, m̄-rāāī kə́ra tām̄ kem majə kə́ ī-rāā seḿ tə́.

2 SAMUEL 9:7

Dabid ədan na: Ī-lōō ɓōĺ. M-ā m̄-rāā majə seí sɔɔ̄ń bɔbí Jonatan. Dɔ nang yā kaaí Saul ní m-ā m̄-télən̄ yā kadī gogə́ malang ō, īkɔ́ ā ə́sá yá̰a̰ ta tábəl yāḿ tə́ kə dɔ ndɔ̄ gə̄ ō.

1 SAMUEL 20:12

Jonatan əda Dabid na: Kɔ́ɔ̄ɓē Nə́ɓā yā Israel gə̄ i kə́ kum tə́ yāḿ. Bírí aláa loo tīī m-ā m̄-nāā bɔbə́ḿ yā ka̰a̰ń gír̄ kə́ kemən tə́ kə kum mbang ń toō. Ré gír̄ kə́ kemən tə́ i kə́ majə tām̄ yāí tə́ tá m-ə́lá m-ə́daī aĺ anī,

2 SAMUEL 9:1

Ndɔ̄ kə́rēý tə́ anī Dabid dəje na ké de kə́rēý kə́ gír kojə yā Saul tə́ kə́ ndi kə kumneé i noó wa, na n-ndigə rāā majə kə kɔ́ɔ̄ɔ́ tām̄ yā Jonatan tə́.

KOHELET 8:2

Dan ń mban̄g əda najə̄ anī majə kadə̄ ōō tan, sɔɔ̄ń ndūí kə́ ə̄nī ta kum Nə́ɓā tə́.

1 SAMUEL 24:22

Adə̄ ī-túbə ādə̄m̄ kə rī Kɔ́ɔ̄ɓēé kadə̄ ā ī-tɔ̄l̄ gír kaaḿ kɔ̄ɔ́ gotəḿ tə́ aĺ ō ā ī-tɔ̄l̄ rīḿ kɔ̄ɔ́ dan rī de kə́ kem ndogə̄ yā bɔbə́ḿ tə́ gə̄ aĺ ō.

2 SAMUEL 9:6

Dan ń Mepiboset kə́ ngōn̄ Jonatan ń i kaa Saul ní ugə̄ rɔ̄ Dabid tə́ anī, ɔsə non nang tə́ no mban̄g tə́. Dabid dəjen na ké i ni Mepiboset ń toó wa, anī ni-tél əda na: Mā nge kəla yāí n toó.