2 SAMUEL 21:6 - Bibəl ta Sar̄

⁶ Ādə̄ adə̄n̄jí de kə́ gír kaan tə́ gə̄ sīrí ādə̄ jə-rāādə́ yá̰á̰ kə́ tōr̄ ta kum Kɔ́ɔ̄ɓē tə́ kem ɓē kə́ Gibea yā Saul tə́, Saul ń i de kə́ Kɔ́ɔ̄ɓē gə̄rān ní. Mban̄g əda na n-ā n-adə̄də́ kə de gə̄ ní.

Bible sar

⁶ Ādə̄ adə̄n̄jí de kə́ gír kaan tə́ gə̄ sīrí ādə̄ jə-rāādə́ yá̰á̰ kə́ tōr̄ ta kum Kɔ́ɔ̄ɓē tə́ kem ɓē kə́ Gibea yā Saul tə́, Saul ń i de kə́ Kɔ́ɔ̄ɓē gə̄rān ní. Mban̄g əda na n-ā n-adə̄də́ kə de gə̄ ní.

2 SAMUEL 21:6 Referans Kwoze

1 SAMUEL 10:24

Samuel əda ngán Israel gə̄ malang na: Á̰a̰ī deē ń Kɔ́ɔ̄ɓē gə̄rān ní a? Dan ngán Israel gə̄ tə́ malang ní, de kə́ tītə̄n gətóo. Loo ń noō tə́ de gə̄ malang urən̄ kɔĺ rɔ̄nel̄ ba ədan̄ kə tɔ́gɔ́ na: Ādə̄ dɔ mban̄g ngan̄g májə́ májə́.

1 SAMUEL 11:4

Ngé kaw̄ kəla gə̄ ní reē ɔtə̄n̄ Gibea ɓē yā Saul tə́ anī ənīn̄ najə̄ ní mbī de gə̄ tə́. Loo ń noō tə́ de kə́ kem ɓēé gə̄ malang əgan̄ unən̄ ndūdə́ kə̄ dɔɔ́ nōōn̄eé ō.

1 SAMUEL 10:26

Saul tél aw̄ gogə́ ɓēé Gibea ō. Ba de kə́ wur kil gə̄ ń Nə́ɓā ɔr̄ najə̄ sedə́ kemdə́ tə́ ní aw̄n̄ seneé.

KƏLA RĀĀ 13:21

Gō tə́ anī nin̄ dəjen̄ mban̄g, anī Nə́ɓā adə̄də́ Saul kə́ ngōn̄ Kis. I de kə́ gír ɓē yā Benjamḛ tə́. Ni o̰o̰ ɓē ɓāl̄ kutə sɔ́.

MATIYE 27:5

Judas ɓōkə́ nar ní kem kújə́ yā Kɔ́ɔ̄ɓē tə́, ba teē aw̄ ənī kəlā.

ESDRAS 6:11

Yá̰a̰ gə̄ ń m-ə́da kadə̄ rāān̄ kə deē ń a mān̄ dɔ ndūḿ ń toō ní n toó: A ɔrə̄n̄ kāgə̄ kújə yān yā kudə nang tə́ ba ɓērən ta tə́ ō, a rāān̄ kújə yān dɔ bū loo ɓōkə́ yá̰á̰ kə́ yḛr gə̄ tə́ ō.

2 SAMUEL 18:10

Deē kógə̄ḿ a̰a̰n anī aw̄ əda Joab na n-a̰a̰ Absalom na naā ta jī kāgə̄ kógə̄ḿ tə́ dɔɔ́ rənge.

2 SAMUEL 17:23

Dan ń Ahitopel a̰a̰ kadə̄ de gə̄ tetən̄ rɔ̄də́ gō kɔjə̄ yān tə́ aĺ anī, əndā síŕdí gidə kərō yān tə́ ba ḭḭ dɔ tə́ aw̄ ɓēé. Ni ɔjə de kə́ ta kújə yān tə́ gə̄ yá̰a̰ gə̄ kə́ kadə̄ rāān̄ rāān̄, ba gō tə́ anī ənī kəlā oy kɔ̄ɔ́. Dubə̄nən̄ i kem bəlo ɓádə́ ń dubə̄n bɔbə̄n tū tə́ kété ní tə́.

1 SAMUEL 10:1

Samuel un yibə̄ ń ətō jīn tə́ kem kūú ní ur dɔ Saul tə́. Gō tə́ anī ɓirə̄n kə̄ rɔ̄n tə́ dagə ba ədan na: I Kɔ́ɔ̄ɓē nəkɔ́ n ur yibə̄ dɔí tə́ kadə̄ ḭ̄ i ngār yā deē yān gə̄ ní.

JOJUE 10:26

Gō tə́ anī Jojue adə̄ tɔ̄lə̄n̄ mban̄g gə̄ ní, ba do̰ō̰n̄də́ dɔɔ́ ta jī kāgə̄ gə̄ tə́ gír loo mí. Nīńdə́ ra tū kāgə̄ gə̄ ní tə́ bátə́ loo sɔlí.

JOJUE 8:29

Jojue adə̄ əlān̄ kəla míndə mban̄g kə́ Ai tə́ ba do̰ō̰nən̄ ta jī kāgə̄ tə́ bátə́ adə̄ oy. Nīnə́n ra tū tə́ bátə́ loo sɔlí. Dan ń mbang udə anī Jojue mēr̄ kɔr̄ nīnə́n kɔ̄ɔ́. Ənīnən̄ ta róbə́ kə́ yā kudəń kə̄ kem ɓēé tə́ ba kánə̄n̄ mbal̄ gə̄ ngá̰ý dɔn tə́. Dūbə̄ mbal̄ gə̄ ní ra dɔ naā tə́ noō bátə́ ɓōólaā.

NDŪ NAJƏ̄ 21:22

Tītə̄ ń toō ré ī-tɔ̄l̄ deē kógə̄ḿ kə́ rāā yá̰á̰ kə́ asə kadə̄ ī-tɔ̄lə̄n, ba ī-naān dɔɔ́ tū kāgə̄ tə́ anī,

TA KƏLA 40:22

ba do̰ō̰ kəlā kɔ́ɔ ngol ngé kɔr̄ mápa gə̄ tə́ naānəń ta jī kāgə̄ tə́ tītə̄ ń Jəjep ɔjənəń ní.

TA KƏLA 40:19

na na̰y ndɔ̄ na i mətá kadə̄ Parao̰ na a un dɔn dɔɔ́, ba na i kun kə́ a nelə̄n alé, na a do̰ō̰ kəlā kɔ́ɔn tə́ yā naān ta jī kāgə̄ tə́ kadə̄ yel̄ gə̄ na a əsan̄ dā̰n.

1 SAMUEL 24:21

Ngɔlaā ní m̄-ger̄ tā: I ḭ̄ n ā ī-ndi mban̄g ō ā ó̰o̰ ɓē dɔ nang kə́ Israel tə́ ō ní. De kə́ rang a taā ko̰o̰ ɓē ní jīí tə́ alé.

2 SAMUEL 19:28

Anī ni-aw̄ tetə najə̄ dɔḿ tə́ rɔ̄í tə́. Banī Kɔ́ɔ̄ ɓē gə̄, ḭ̄ i de kə́ ī-to tītə̄ de kə́ dɔ rā̰ tə́ yā Nə́ɓā beé, adə̄ yá̰á̰ ń á̰a̰ā̰ ta kumií tə́ kadə̄ i yá̰á̰ kə́ majə ní ī-rāā.

1 SAMUEL 24:22

Adə̄ ī-túbə ādə̄m̄ kə rī Kɔ́ɔ̄ɓēé kadə̄ ā ī-tɔ̄l̄ gír kaaḿ kɔ̄ɔ́ gotəḿ tə́ aĺ ō ā ī-tɔ̄l̄ rīḿ kɔ̄ɔ́ dan rī de kə́ kem ndogə̄ yā bɔbə́ḿ tə́ gə̄ aĺ ō.

1 YÁ̰A̰ GƏ̄ 12:3

Ahiejer kə́ ngār nin̄ kə ngōkó̰o̰n Yoas ń nin̄ i ngán Sema kə́ Gibea ní ō, Yejiel nin̄ kə Pelet ń nin̄ i ngán Asmabet ní ō, Beraka ō, Yehu kə́ Anatot ō,