2 SAMUEL 21:10 - Bibəl ta Sar̄

¹⁰ Risəpa kə́ ngōn̄ Aya ń i dəyá̰ gotə yo yā Saul ní un kūbə̄ yo, seĺ dɔ mbal̄ tə́, ba ndi loo ní tə́ dan yā kəla gír sāā kōō tə́ bátə́ adə̄ man̄ kə́ dɔɔ́ reē edəń dɔ nīń gə̄ ní tə́. Kadaá anī ni ɔgə̄ yel̄ gə̄ jə̄ngā dɔ nīń gə̄ ní tə́ ō, ndɔ̄ɔ́ anī ni ɔgə̄ dā̰ kə́ bembeé gə̄ reē rɔ̄ tə́ ō.

Bible sar

¹⁰ Risəpa kə́ ngōn̄ Aya ń i dəyá̰ gotə yo yā Saul ní un kūbə̄ yo, seĺ dɔ mbal̄ tə́, ba ndi loo ní tə́ dan yā kəla gír sāā kōō tə́ bátə́ adə̄ man̄ kə́ dɔɔ́ reē edəń dɔ nīń gə̄ ní tə́. Kadaá anī ni ɔgə̄ yel̄ gə̄ jə̄ngā dɔ nīń gə̄ ní tə́ ō, ndɔ̄ɔ́ anī ni ɔgə̄ dā̰ kə́ bembeé gə̄ reē rɔ̄ tə́ ō.

2 SAMUEL 21:10 Referans Kwoze

NDŪ NAJƏ̄ 21:23

loo a tíbə dɔ nīnə́n tə́ alé. I gáŕ kadə̄ ī-dubə̄ kɔ̄ɔ́ ndɔ̄ nəkɔ́ ń noō tə́. Tɔdɔ̄ nīń kə́ beé i yá̰á̰ kə́ a ɔr ndɔ̄ĺ yā Nə́ɓā yā reēń dɔ ɓē tə́. Ī-lōō reē kə majaĺ dɔ ɓē ń Kɔ́ɔ̄ɓē Nə́ɓā yāí adī tə́ ní.

JAKARI 10:1

Ī-dəjeī Kɔ́ɔ̄ɓē man̄, dan ń ndɔr̄ gə̄ a gḛyn̄ man̄ ní. I ni n i nge rāā kadə̄ man̄ edə kə néĺ kə́ əla kə ngangá ngá̰ý ní. Ni a rāā kadə̄ man̄ edə ngá̰ý ō, ni a adə̄ de gə̄ kógə̄ḿ kógə̄ḿ mu kə́ ndɔrɔ́ ō.

JOEL 2:23

Sḭḭ̄, de kə́ Siyo̰ tə́ gə̄, adə̄ rɔ̄sí nel̄sí ngá̰ý ō, ī-rāāī walya ō, najə̄ yā Kɔ́ɔ̄ɓē Nə́ɓā yāsí tə́. Tɔdɔ̄ ni-adə̄sí man̄ ta ɓar yā kajəńsí, ni-rāā adə̄ man̄ edə ngá̰ý dɔsí tə́, adə̄ man̄ ta ɓar ō, man̄ ta ɓāl̄ ō, edə dɔsí tə́ tītə̄ kə́ kété jóo.

1 MBAN̄G GƏ̄ 21:27

Dan ń Akab oō najə̄ gə̄ ń noō anī, ni rə̄yā̰ kūbə̄ kə́ rɔ̄n tə́ ba əla kūbə̄ sákə̄ rɔ̄n tə́ adə̄ ɔdə ndārə́n ō, ndi ɓō tām̄ yā Nə́ɓā tə́ ō, a to i kə kūbə̄ sákə̄ ní ō, a njə̄rā i jəke jəke ō.

2 SAMUEL 3:7

Kété Saul aw̄ kə də̄yá̰ gidə ndogə̄ kógə̄ḿ, kə́ rīn na i Risəpa, i ngōn̄ Aya. Ndɔ̄ kə́rēý tə́ anī Isəboset ɔr̄ najə̄ yā dəyá̰ ní kə Abner, əda na: Ī-ɓīī kə də̄yá̰ gidə ndogə̄ yā bɔbə́ḿ i tām̄ rí tə́?

JOEL 1:18

Yá̰a̰ kul̄ gə̄ tṵ́ṵ̄n rus rus, man̄g gə̄ dáȳn̄ biriri kə̄ loo gə̄ tə́, tɔdɔ̄ mu kə́ mbōl̄ gətóo. Tá ɓūtə̄ yá̰a̰ kul̄ kə́ dūú gə̄ gə̄gē a oyn̄ ō.

OJEE 6:3

Loo ń noō tə́ ní, ādə̄ j-a̰a̰ī jə-gerī kadə̄ Kɔ́ɔ̄ɓē i Nə́ɓā. Ādə̄ jə-sāāī loo gerə̄n kə́ rɔ̄kum tə́. Ni a reē rɔ̄kum tītə̄ ń loo a tīiń rɔ̄kum ní. Ni a reē kə̄ rɔ̄jí tə́ i tītə̄ man̄ kə́ a edə beé, i tītə̄ man̄ ta ɓāl̄ kə́ edə adə̄ dɔ nang sɔl̄ lum beé.

EJEKIEL 39:4

Ḭ̄ ō, ngé rɔ̄ɔ̄ yāí gə̄ malang ō, de kə́ ngá̰ý gə̄ ń ɓoon̄ rɔ̄də́ tū yāí tə́ ní ō, ā óyiī dɔ mbal̄ gə̄ kə́ Israel tə́. M-ā m-ə́ya̰ mbal̄ gə̄ ō, dā̰ kə́ bembeé gə̄ ō, kadə̄ əsan̄ nīńsí.

JEREMI 14:22

Dɔ dáń yá̰á̰ kə́ kanjə̄ kumən gə̄ ń i ɓesə̄ yā nápar de gə̄ ní, i ngé kə́ rá gə̄ n rāān̄ man̄ adə̄ edə ní? Aké i dɔ rā̰ n rāā man̄ adə̄ edə ní a? I ḭ̄ Kɔ́ɔ̄ɓē Nə́ɓā yājí aĺ a? J-a jə-ngóō ta jīí tɔdɔ̄ i ḭ̄ n i nge rāā yá̰a̰ gə̄ ń noō malang ní.

NDŪ NAJƏ̄ 21:13

a ɔr̄ kūbə̄ ń əhɔnən̄neé ní rɔ̄n tə́ kɔ̄ɔ́ ō, a əla kūbə̄ kə́ rang rɔ̄n tə́ ō ba a ndi ɓēé looí. Dəyá̰ ní a əhɔ ndoō bɔbə̄n ō, kó̰o̰n ō, nāā kógə̄ḿ pá tá ā āw̄ rɔ̄n tə́ ɓáý. Loo ń noō tə́ ā ī-taān kə́ nə̄yá̰í tə́.

NDŪ NAJƏ̄ 11:14

m-ā m̄-rāā kadə̄ man̄ edə dɔ nang yāsí tə́ kə dɔ nāāneé: M-ā m̄-rāā kadə̄ man̄ ta ɓar ō, man̄ ta ɓāl̄ ō, edən̄ dɔ nang yāsí tə́ kadə̄ ə́ngeīneé kōō gémē ō, kasə nduú ō, yibə̄ ō.

1 SAMUEL 17:44

ba ədan na: Ī-reē kə̄ rɔ̄ḿ tə́ laā ādə̄ m-ādə̄ yel̄ kə́ dɔɔ́ gə̄ ō, dā̰ kə́ bembeé gə̄ ō əsan̄ dā̰í.

TA KƏLA 40:19

na na̰y ndɔ̄ na i mətá kadə̄ Parao̰ na a un dɔn dɔɔ́, ba na i kun kə́ a nelə̄n alé, na a do̰ō̰ kəlā kɔ́ɔn tə́ yā naān ta jī kāgə̄ tə́ kadə̄ yel̄ gə̄ na a əsan̄ dā̰n.

1 SAMUEL 17:46

Ɓōólaā nəkɔ́ ń toō Kɔ́ɔ̄ɓē a əlaī jīḿ tə́ adə̄ m-ā m̄-tɔ̄lī ō, m-ā m-ə́ja dɔí yā gān̄g ō. Ɓōólaā nəkɔ́ ń toō m-ā m-ādə̄ yel̄ kə́ dɔɔ́ gə̄, kə dā̰ kə́ dɔ nang tə́ gə̄ nīń ngé rɔ̄ɔ̄ gə̄ yā Pilistin gə̄. Loo ń noō tə́ de kə́ dɔ nang tə́ gə̄ malang a gerə̄n̄ kadə̄ Nə́ɓā yā Israel gə̄ ndi noó o,

2 SAMUEL 21:11

Ədan̄ Dabid yá̰á̰ ń Risəpa kə́ ngōn̄ Aya rāā ní.

NDŪ NAJƏ̄ 21:22

Tītə̄ ń toō ré ī-tɔ̄l̄ deē kógə̄ḿ kə́ rāā yá̰á̰ kə́ asə kadə̄ ī-tɔ̄lə̄n, ba ī-naān dɔɔ́ tū kāgə̄ tə́ anī,