2 SAMUEL 21:1 - Bibəl ta Sar̄

¹ Dan ń Dabid a o̰o̰ń ɓē ní, ɓō kógə̄ḿ əsō kem ɓēé. Ɓō ní rāā de gə̄ ɓāl̄ mətá. Dabid aw̄ koō taá rɔ̄ Kɔ́ɔ̄ɓē tə́ anī, Kɔ́ɔ̄ɓē ədan na: I ɓōkə́ ń Saul nin̄ kə gír kojə yān gēé ɓōkə́n̄ mósə de gə̄ nang tə́ ní n ɓō əsōń kem ɓēé ní. I tɔ̄l̄ ń ni tɔ̄l̄ Gabaon gə̄ ní.

Bible sar

¹ Dan ń Dabid a o̰o̰ń ɓē ní, ɓō kógə̄ḿ əsō kem ɓēé. Ɓō ní rāā de gə̄ ɓāl̄ mətá. Dabid aw̄ koō taá rɔ̄ Kɔ́ɔ̄ɓē tə́ anī, Kɔ́ɔ̄ɓē ədan na: I ɓōkə́ ń Saul nin̄ kə gír kojə yān gēé ɓōkə́n̄ mósə de gə̄ nang tə́ ní n ɓō əsōń kem ɓēé ní. I tɔ̄l̄ ń ni tɔ̄l̄ Gabaon gə̄ ní.

2 SAMUEL 21:1 Referans Kwoze

TA KƏLA 26:1

Ɓō əsō kem ɓēé, utə̄ gō ɓō ń rāā de gə̄ ɓāl̄ yā Abəraham tə́ ní. Adə̄ Isaak ḭḭ a aw̄ kə̄ Gerar ɓē Abimelek mban̄g yā Pilistin gə̄ tə́.

TA KƏLA 12:10

Ɓō əsō kem ɓēé, adə̄ Abəram ḭḭ a aw̄ kə̄ Ejiptə tə́ yā kaw̄ ndi sḛ́ý, tɔdɔ̄ ɓō ní i ngá̰ý dɔ nang kə́ Kanaan tə́.

PĀ GƏ̄ 91:15

Ré ɓārə́m̄ anī m-ā m̄-ndigən, m-ā m̄-ndi seneé dan wur kɔl tə́. M-ā m̄-gān̄g dɔn ō, m-ā m-ɔ́sə gɔnən ō.

PĀ GƏ̄ 50:15

Gō tə́ ré wur kɔl əsō dɔí tə́ anī ī-ɓārə́m̄, anī m-ā m-ájiī kadə̄ ā ɔ́sə gɔnəḿ.

Makətūbə̄ yā Job 10:2

M-ā m-ə́dá Nə́ɓā na: Ī-lōō kəndā najə̄ dɔḿ tə́, ba ɔ́jəm̄ yá̰á̰ kə́ majaĺ ń m̄-rāā á ī-ndángə̄m̄ najə̄ n tə́ ní.

2 MBAN̄G 8:1

Elije əda dəyá̰ ń rāā ngōnən adə̄ ndól̄ ní na: Ḭ̄ ō, kojə yāí gə̄ ō, ḭ́ḭī laā kɔ̄ɔ́ āwī. Loo ń asiī kaw̄ tū tə́ ní i rá anī, āw̄ ī-ndiī tū tə́. Tɔdɔ̄ Kɔ́ɔ̄ɓē gḛy kadə̄ ɓō əsō dɔ nang kə́ Israel tə́. Ɓō ní a rāā de gə̄ ɓāl̄ sīrí.

2 MBAN̄G 6:25

Loo ń noō tə́ ɓō kə́ ngá̰ý əsō kem ɓēé. Ngé rɔ̄ɔ̄ gə̄ ń gīrə̄n̄ gidə ɓē ní utə̄n̄ ɓē i kutə̄ kə́ ngan̄g ngá̰ý adə̄ gātə̄ dɔ kərō kógə̄ḿ i njár sə́lē arjā̰a̰ sɔ́sɔ́ ō, gātə̄ yedə̄ déŕ kə́ rosə kem kɔ̄ý kógə̄ḿ i njáŕ sə́lē arjā̰a̰ mí ō.

1 MBAN̄G GƏ̄ 18:2

Eli aw̄ kadə̄ Akab a̰a̰n. Dan ngeé ń noō tə́ ní ɓō i ngá̰ý Samari.

1 MBAN̄G GƏ̄ 17:1

Eli kə́ Tisbe ń i de kə́ gō nang kə́ Galaad tə́ ní əda mban̄g Akab na: Tītə̄ ń Kɔ́ɔ̄ɓē Nə́ɓā yā Israel ń mā i nge kəla yān ní ndiń kə kumneé noō, man̄ a edə to̰ aĺ ō, tal a əhɔ to̰ aĺ ō, kem ɓāl̄ gə̄ ń a reēn̄ tə́ noō bátə́ ré m-ə́da najə̄ pá tá.

2 SAMUEL 5:23

Dabid tél aw̄ koō najə̄ kə́ ta Kɔ́ɔ̄ɓē tə́ ɓáý to̰. Anī Kɔ́ɔ̄ɓē ədan na: Ī-lōō kə tə́nī tadə́ yā rɔ̄ɔńdə́, ba ī-rə̄ngō rɔ̄í gidədə́ tə́, ī-teē dan ku kāgə̄ mikokuli gə̄ tə́ kum kə̄ rɔ̄də́ tə́.

2 SAMUEL 5:19

Anī Dabid aw̄ koō najə̄ kə́ ta Kɔ́ɔ̄ɓē tə́. Ni-dəje Kɔ́ɔ̄ɓē na ké kə n-aw̄ kə n-rɔ̄ɔ̄ Pilistin gə̄ wa. Ké Kɔ́ɔ̄ɓē a əladə́ kem jīn tə́ wa. Anī Kɔ́ɔ̄ɓē tél əda Dabid na kə aw̄ kə rɔ̄də́ na n-a n-əladə́ kem jīn tə́ kə́ rɔ̄kum tə́.

1 SAMUEL 23:11

de kə́ kem ɓēé gə̄ a əlamə̄n̄ jīn tə́ a? Tītə̄ ń nge kəla yāí oōń ní, Saul a reē rɔ̄kum a? Kɔ́ɔ̄ɓē Nə́ɓā yā Israel, m̄-rāāī ɓɔ́ ba ə́dam̄. Kɔ́ɔ̄ɓē tél ədan na: Saul a reē.

1 SAMUEL 23:4

Dabid tél dəje Kɔ́ɔ̄ɓē najə̄ ɓáý to̰, anī Kɔ́ɔ̄ɓē ədan na kə ɔr̄ dɔɔ́ kə aw̄ Keila na n-a n-əla Pilistin gə̄ jīn tə́.

1 SAMUEL 23:2

Anī Dabid dəje Kɔ́ɔ̄ɓē na ké kə n-aw̄ kə n-ənī Pilistin gə̄ ní rɔ̄ɔ̄ wa. Kɔ́ɔ̄ɓē ədan na kə aw̄ na a tetə Pilistin gə̄ rɔ̄ɔ̄ ō na a taā ɓē kə́ Keila jīdə́ tə́ yā kəya̰n dɔɔ́ ō.

JOJUE 7:1

Ngán Israel gə̄ rāān̄ yá̰á̰ kə́ gōtə́ alé, tɔdɔ̄ yá̰a̰ kənge ń Kɔ́ɔ̄ɓē ɔgə̄də́ kun ní nin̄ unən̄. I de kə́ gír ɓē yā Juda tə́ n ɔy núsə́ yá̰a̰ kənge kə́rēý gə̄ adə̄ wōn̄g rāā Kɔ́ɔ̄ɓē kə ngán Israel gēé ngá̰ý ní. Rī deē ní na i Akan. Ni i ngōn̄ Karmi kə́ ngōn̄ Jabədi kə́ ngōn̄ Jera.

TƏ́DA 27:21

Jojue a aw̄ rɔ̄ Eleajar nge tun̄ yá̰á̰ tə́ kadə̄ túgə̄ wə̄lā urim tām̄ yān tə́ ta kum Kɔ́ɔ̄ɓē tə́. Ni ō, ngán Israel gə̄ malang ō ní a teēn̄ ō, tél a udən̄ gogə́ ō, i kə gō ndū ń wə̄lā a ɔjə ní.

LEBI GƏ̄ 26:26

Loo ń m-ā m-ɔ̄gə̄sí yá̰a̰ kəsa ní, dəyá̰ gə̄ kutə̄ a ɓoon̄ naā dɔ sīl̄ kə́ kógə̄ḿ beē tə́ yā ndīrəń yá̰a̰ adə̄ a ndān̄sí alé a ɔjən̄ i mbée n a adə̄n̄sí ní.

TA KƏLA 43:1

Ɓō rāā de gə̄ ngá̰ý kem ɓēé tɔȳ kə̄ kété ɓáý.

TA KƏLA 41:57

De gə̄ ḭḭn̄ kə̄ dɔ ɓē gə̄ tə́ malang reēn̄ Ejiptə tə́ mang kōó jī Jəjep tə́, tɔdɔ̄ ɓō i ngá̰ý kə̄ kem ɓē gə̄ tə́ malang.

TA KƏLA 42:5

Ngán Israel gə̄ aw̄ ugə̄n̄ Ejiptə tə́ naā tə́ kə de kə́ rang kə́ ngé kaw̄ mang kōó gēé, tɔdɔ̄ ɓō i ngá̰ý dɔ nang kə́ Kanaan tə́.

2 SAMUEL 16:8

Ḭ̄ ó̰o̰ ɓē gotə Saul tə́ ba Kɔ́ɔ̄ɓē rāā adə̄ mósə Saul ō, mósə kojə yān gə̄ malang ō, əsō dɔí tə́. Kɔ́ɔ̄ɓē adə̄ ngōnīí Absalom ko̰o̰ ɓē. Yá̰á̰ kə́ to kum kaȳ aĺ əsō dɔí tə́ tɔdɔ̄ ḭ̄ i nge ɓōkə́ mósə de gə̄ nang tə́.

2 SAMUEL 20:26

Ira ń i de kə́ Yair tə́ ní i nge tun̄ yá̰a̰ yā Dabid.

2 SAMUEL 21:5

Loo ń noō tə́ Gabaon gə̄ ədan̄ mban̄g na: Deē ń sāā tɔ̄l̄jí kɔ̄ɔ́ malang ō, ni ɔjəń na jə-gətóo kɔ̄ɔ́ dɔ nang kə́ Israel tə́ ō ní,

2 SAMUEL 24:1

Wōn̄g rāā Kɔ́ɔ̄ɓē kə ngán Israel gēé ɓáý to̰. Ni sə̄lā Dabid dɔdə́ tə́. Mērən tə́da kutə Israel gə̄ ō, Juda gə̄ ō,

JOJUE 9:20

J-a j-əya̰īdə́ kadə̄ ndin̄ kə kumdə́ sɔɔ̄ń túbú ń jə-túbə j-adə̄də́ ní, ré i beé aĺ anī, j-a j-ɔr wōn̄g yā Kɔ́ɔ̄ɓē yā reēń dɔjí tə́. Ba yá̰á̰ ń j-a jə-rāāī sedə́ ni n toó:

RUTƏ 1:1

Ɓāl̄ yā ngé sarya gə̄ tə́ ní ɓō əsō kem ɓēé. Anī deē kógə̄ḿ kə́ Betlehem kə́ dɔ nang kə́ Juda tə́ ndɔ́tə̄n̄ nin̄ kə nə̄yá̰n ō, ngánən kə́ dəngam kə́ jōó gə̄ ō, ba aw̄ ndin̄ dɔ nang kə́ Moab tə́.

1 SAMUEL 10:22

Tél dəjen̄ Kɔ́ɔ̄ɓē ɓáý to̰ na ké de kə́ rang reē laā wa. Anī Kɔ́ɔ̄ɓē əda na: I ni n ɓɔ̄ɔ̄ rɔ̄n dan yá̰a̰ mbā gə̄ tə́ toō.

PĀ GƏ̄ 27:8

Kɔ́ɔ̄ɓē ḭ̄ ə́da na kə jə-tūr̄ kum̄jí kə̄ rɔ̄í tə́! M-ə̄ndā kemḿ dɔ najə̄ ń noō tə́, adə̄ Kɔ́ɔ̄ɓē, m̄-tūr̄ kumḿ kə̄ rɔ̄í tə́.