2 SAMUEL 20:7 - Bibəl ta Sar̄

⁷ Deē yā Joab gə̄ ō, Kereti gə̄ ō, Peleti gə̄ ō, go̰ rɔ̄ɔ̄ gə̄ malang ō, aw̄n̄ kə Abisai. Nin̄ teēn̄ kem ɓē kə́ Jerusalem tə́ ba sōngə̄n̄ gō Seba ngōn̄ Bikri.

Bible sar

⁷ Deē yā Joab gə̄ ō, Kereti gə̄ ō, Peleti gə̄ ō, go̰ rɔ̄ɔ̄ gə̄ malang ō, aw̄n̄ kə Abisai. Nin̄ teēn̄ kem ɓē kə́ Jerusalem tə́ ba sōngə̄n̄ gō Seba ngōn̄ Bikri.

2 SAMUEL 20:7 Referans Kwoze

2 SAMUEL 8:18

Ngol ngé ngɔ̄m̄ dɔ ngār gə̄ ń i Kereti gə̄ kə Peleti gə̄ ní i Benaya ngōn̄ Yoyada. Ngán Dabid gə̄ nin̄ i ngé tun̄ yá̰a̰ gə̄ ō.

1 MBAN̄G GƏ̄ 1:38

Anī Sadok kə́ nge tun̄ yá̰a̰ ō, Natan kə́ nge koō ta ō, Benaya kə́ ngōn̄ Yoyada ō, naā tə́ kə Kereti gə̄ kə Peleti gə̄ ń i ngé ngɔ̄m̄ dɔ mban̄g gə̄ ní ō, aw̄n̄ rɔ̄ Salomo̰ tə́. Nin̄ əndān̄ Salomo̰ dɔ kərō rapáy yā mban̄g Dabid tə́, ba aw̄n̄ seneé ta kəɓa man̄ kə́ Gihon tə́.

2 SAMUEL 20:23

Joab i ngol ngé rɔ̄ɔ̄ gə̄ malang kə́ Israel tə́. Benaya ngōn̄ Yehoyada i ngol Kereti gə̄ ō, Peleti gə̄ ō.

2 SAMUEL 15:18

Ngé kəla yān gə̄ malang mānə̄n̄ ta kumən tə́: Kereti gə̄ ō, Peleti gə̄ ō, Gat kə́ ɓú mehḛ́ gə̄ ń reēn̄ gōn tə́ ní ō. Nin̄ malang mānə̄n̄ ta kum mban̄g tə́.

1 MBAN̄G GƏ̄ 1:44

Mban̄g mēr̄ Sadok nge tun̄ yá̰a̰ ō, Natan kə́ nge koō ta ō, Benaya kə́ ngōn̄ Yoyada ō, Kereti gə̄ ō, Peleti gə̄ ō, dān̄ Salomo̰. Nin̄ əndānən̄ dɔ kərō rapáy yā mban̄g tə́.

2 SAMUEL 8:16

Ngol ngé rɔ̄ɔ̄ gə̄ i Joab ngōn̄ Seruya. Kɔdə̄ mbēr̄ yā mban̄g i Yosapat ngōn̄ Ahilud.

1 SAMUEL 30:14

Kété ní j-aw̄ jə-ɓogə yá̰a̰ gō nang kə́ Negeb yā Kəretə gə̄ tə́ ō yā Juda gə̄ tə́ ō gō nang kə́ Negeb yā Kaleb tə́ ō. J-əla hor dɔ ɓē kə́ Sikəlag tə́ ō.

1 MBAN̄G GƏ̄ 1:33

ni ədadə́ na kə ɔyn̄ ngé kəla yān gə̄ ō, kə əndān̄ ngōnən Salomo̰ dɔ kərō rapáy yān nəkɔ́ Dabid tə́ ō, ba kə aw̄n̄ seneé ta kəɓa man̄ kə́ Gihon tə́.