2 SAMUEL 20:6 - Bibəl ta Sar̄

⁶ Dabid əda Abisai na: Seba ngōn̄ Bikri a rāājí yá̰á̰ kə́ majaĺ tɔȳ Absalom, adə̄ ɔ́ý deē yāḿ gə̄, ba ī-sōn̄g gōn na sōgə́ ənge ɓē bo gə̄ kə́ ndogə̄ mbal̄ i gidə tə́ gə̄ anī a a̰ȳjí.

Bible sar

⁶ Dabid əda Abisai na: Seba ngōn̄ Bikri a rāājí yá̰á̰ kə́ majaĺ tɔȳ Absalom, adə̄ ɔ́ý deē yāḿ gə̄, ba ī-sōn̄g gōn na sōgə́ ənge ɓē bo gə̄ kə́ ndogə̄ mbal̄ i gidə tə́ gə̄ anī a a̰ȳjí.

2 SAMUEL 20:6 Referans Kwoze

1 MBAN̄G GƏ̄ 1:33

ni ədadə́ na kə ɔyn̄ ngé kəla yān gə̄ ō, kə əndān̄ ngōnən Salomo̰ dɔ kərō rapáy yān nəkɔ́ Dabid tə́ ō, ba kə aw̄n̄ seneé ta kəɓa man̄ kə́ Gihon tə́.

2 SAMUEL 21:17

Banī Abisai ń rī kó̰o̰n na i Seruya ní dḭḭ̄ mban̄g, adə̄ ni tɔ̄l̄ Pilistin ní. Loo ń noō tə́ áskar gə̄ ənīn̄ ndūdə́ adə̄n̄ Dabid ədan̄ na n-aw̄n̄ sedə́ ta rɔ̄ɔ̄ tə́ to̰ alé, tá kadə̄ ɓē ko̰o̰ udəń kɔ̄ɔ́ Israel tə́ alé.

2 SAMUEL 11:11

Anī Uri tél əda Dabid na sandúkə yā Nə́ɓā ndi i gíŕ kújə́ kámbə́ tə́ ō, Israel gə̄ ō, Juda gə̄ ō, ndin̄ i gíŕ kújə́ kámbə gə̄ tə́ ō. Kɔ́ɔ̄ḿ Joab ō, ngol ngé rɔ̄ɔ̄ gə̄ yā kɔ́ɔ̄ḿ ō, ndin̄ i kem gérgereé bembeé ō. Anī mā kə m-āw̄ kem kújə yāḿ tə́ kə m-ə́sá yá̰a̰ ō, kə m-ā̰ȳ ō, kə m̄-ɓīī kə nə̄yá̰ḿ ō a? Tītə̄ ń ī-ndiń kə kumií noō, m-ā m̄-rāā nge ń noō aĺ i kə́ bátə́ gə̄ tə́!

1 YÁ̰A̰ GƏ̄ 18:12

Abisai kə́ ngōn̄ Seruya tetə Edom gə̄ rɔ̄ɔ̄ wól loo ń katə̄ i tū tə́ ní. Ni-tɔ̄l̄də́ dūbú kutə gidə i sɔ́sɔ́.

1 YÁ̰A̰ GƏ̄ 11:20

Abisai kə́ ngōkó̰o̰ Joab i ngol ngé rɔ̄ɔ̄ gə̄ ń nin̄ i deē kutə mətá ní. I ni n ndɔ̄ kógə̄ḿ tə́ tɔ́sə̄ madə̄ ba̰ā̰də́ gə̄ ɓú mətá kə nənga yānneé tɔ́sə̄ tɔ̄l̄də́ ní. Rīn ɓār̄ dan ngé rɔ̄ɔ̄ kə́ kutə mətá gə̄ tə́.

2 SAMUEL 23:18

Abisai kə́ ngōkó̰o̰ Joab i ngōn̄ Seruya. Ni i ngol ngé rɔ̄ɔ̄ gə̄ kə́ nin̄ i kutə mətá kem ɓūtə̄ yādə́ tə́. Ndɔ̄ kógə̄ḿ tə́ anī, ni tɔ̄l̄ madə̄ ba̰ā̰ gə̄ ɓú mətá kə nənga yānneé, adə̄ rīn ɓār̄ dan ngé rɔ̄ɔ̄ kə́ kutə mətá gə̄ tə́.

2 SAMUEL 19:7

De gə̄ ń imīn̄ ní, ī-táŕdə́, ba de gə̄ ń táriīn̄ ní ḭ̄ īm̄də́. Īkɔ́ ɔ́jə kə̄ ndágá ɓōólaā kadə̄ ngé rɔ̄ɔ̄ yāí gə̄ ō, ngoldə́ gə̄ ō, nin̄ i yá̰á̰ kógə̄ḿ ta kumií tə́ alé. M-á̰a̰ā̰ ní, ré i Absalom n ndi kə kumneé ba i jḭḭ n j-oy ɓōólaā malang anī ḭ̄ ā á̰a̰ā̰ kadə̄ i yá̰á̰ kə́ majə ngá̰ý.

2 SAMUEL 18:12

Banī deē ní tél əda Joab na: Ká ré ādə̄məń i njáŕ sə́lē arjā̰a̰ dūbú gə̄gē anī, m-ā m-ə́la jīḿ yā kɔdəń rɔ̄ ngōn̄ mban̄g alé. Tɔdɔ̄ najə̄ ń mban̄g ədaī ō, əda Abisai ō, Itai ō ní, j-oō malang. Mban̄g ədasí na n-rāāsí ɓɔ́ ba kə ī-lōōī tɔ̄l̄ ngōnən Absalom.

2 SAMUEL 18:2

Dabid kēgə̄ áskar gə̄ naā tə́ gír loo mətá: Kə́rēý gə̄ i jī Joab kə́ ngōn̄ Seruya tə́ ō, ngé kə́rēý gə̄ i jī Abisai kə́ ngōkó̰o̰ Joab tə́ ō, gotə gə̄ i jī Itai ń i de kə́ Gat ní tə́ ō. Gō tə́ anī mban̄g əda áskar gə̄ ní na nəkɔ́ n-a n-aw̄ rɔ̄ɔ̄ tə́ sedə́ ō.

2 SAMUEL 10:14

Dan ń Amon gə̄ a̰a̰n̄ kadə̄ Aram gə̄ a̰ȳn̄ naā kɔ̄ɔ́ anī, nin̄ aȳn̄ naā kɔ̄ɔ́ no Abisai tə́ ō, ba udən̄ kem ɓēé. Loo ń noō tə́ asə Joab rɔ̄ɔ̄ Amon gə̄ ba ni-tél dɔ tə́ aw̄ gogə́ Jerusalem.

2 SAMUEL 3:39

Urən̄ yibə̄ ngār dɔḿ tə́ adə̄ mā i ngār ɓá tā, ba ɓōólaā ní tɔ́gə́ḿ gətóo adə̄ de gə̄ ń noō, ngán Seruya gə̄ ń noō, dɔ́nɔ yādə́ tɔȳ yāḿ mā. Banī ādə̄ Kɔ́ɔ̄ɓē əgā nge kem ndul sɔɔ̄ń kem ndul yān.

2 SAMUEL 3:30

Joab nin̄ kə ngōkó̰o̰n Abisai tɔ̄lə̄n̄ Abner tɔdɔ̄ ni tɔ̄l̄ ngōkó̰ó̰də́ Asael ta rɔ̄ɔ̄ kə́ Gabaon tə́.

2 SAMUEL 2:18

Ngán Seruya kə́ mətá gə̄ ń rīdə́ na i Joab ō, Abisai ō, Asael ō ní nin̄ i kum tə́. Asael i de kə́ ngɔ̄də̄ ngá̰ý tītə̄ kāl̄ kə́ bembeé beé.

1 SAMUEL 26:6

Dabid əda Ahimelek ń i Het ní nin̄ kə Abisai kə́ ngōn̄ Seruya ō kə́ ngōkó̰o̰ Joab ō na: I náā n ndigə kaw̄ seḿ bátə́ rɔ̄ɔ̄ Saul tə́ kem gérgereé ní? Anī Abisai tél ədan na: M-ā m-āw̄ seí.

JEREMI 8:14

I tām̄ rí tə́ á jə-ndiī kanjə̄ kɔdə rɔ̄jí ní? Ɔ́siī dɔsí naā tə́. J-udiī kem loo ndi kə́ ngan̄g gə̄ tə́, ba j-awī loo alé. Tɔdɔ̄ Kɔ́ɔ̄ɓē Nə́ɓā yājí ɔgə̄jí ndɔ́tə̄ loo. Ni-adə̄jí man̄ kə́ yḛl kum adə̄ j-a̰ȳī. Kə́ rɔ̄kum tə́ ní, jə-rāāī majaĺ kə Kɔ́ɔ̄ɓēé.

MARK 3:24

Ré kem ɓē ko̰o̰ kógə̄ḿ tə́ de kə́ kemeé gə̄ a mbātə́n̄ naā anī, ɓē ko̰o̰ ń noō a ndi ngan̄g alé.