2 SAMUEL 20:10 - Bibəl ta Sar̄

¹⁰ Kaskar ń Joab un kə jī gelneé ní Amasa əndā kemən dɔ tə́ alé. Joab ɔsəń kemən adə̄ tiīn kəjā nang tə́. Ni ɔsən kə́ ko̰ jōó to̰ alé, ba Amasa oy. Gō tə́ anī Joab nin̄ kə ngōkó̰o̰n Abisai sōngə̄n̄ gō Seba ngōn̄ Bikri.

Bible sar

¹⁰ Kaskar ń Joab un kə jī gelneé ní Amasa əndā kemən dɔ tə́ alé. Joab ɔsəń kemən adə̄ tiīn kəjā nang tə́. Ni ɔsən kə́ ko̰ jōó to̰ alé, ba Amasa oy. Gō tə́ anī Joab nin̄ kə ngōkó̰o̰n Abisai sōngə̄n̄ gō Seba ngōn̄ Bikri.

2 SAMUEL 20:10 Referans Kwoze

2 SAMUEL 2:23

Banī Asael mbātə́ kəya̰ gō Abner. Loo ń noō tə́ Abner ɔsə kemən kə gír nənga yānneé adə̄ teē dām̄ kə́rēý tə́. Asael əsō oy kə̄ loo nəkɔ́ ń noō tə́. De gə̄ malang ń reē ugə̄n̄ dɔ nīnə́n tə́ ní dəban̄.

2 SAMUEL 3:27

Dan ń Abner tél dɔ tə́ reē ugə̄ Hebron anī, Joab ɓārə́n kə̄ gogə́ aw̄ seneé ta róbə ndogə̄ tə́ kum kə̄ kemeé, tītə̄ kə́ yā kaw̄ kɔr̄ najə̄ kə́ loo mundə̄ tə́ seneé beē. Ni-ɔsə kem Abner kə kəyá tɔ̄lən loo ń noō tə́ kum gotə ngōkó̰o̰n Asael ń Abner tɔ̄lən ní.

NGÉ SARYA 3:21

Ehud əla jī gelən ɔrə̄ń kaskar dām̄ ɓúrən kə́ ko̰ó̰ ba ɔsəń kem mban̄g.

1 YÁ̰A̰ GƏ̄ 12:2

Yá̰a̰ rɔ̄ɔ̄ yādə́ gə̄ i gərā ō, bējə̄ ō. Nin̄ a tə́nīn̄ kɔkərɔ i kə jī geldə́ ō, kə jī ko̰də́ ō, a urən̄ kum gərá i kə jī geldə́ ō, kə jī ko̰də́ ō. Ngéé Saul gə̄ kə́ gír ɓē yā Benjamḛ tə́ gə̄ ń reēn̄ ní i:

2 SAMUEL 20:9

Joab əda Amasa na: Ngōkó̰ó̰ḿ, ī-to karī a? Ba láā mbāý Amasa kə jīn kə́ ko̰ó̰ əhɔnneé kə̄ rɔ̄n tə́.

1 SAMUEL 26:8

Abisai əda Dabid na: Ɓōólaā Nə́ɓā əla madə̄ ba̰ā̰í jīí tə́. Adə̄ ādə̄m̄ ta róbə ādə̄ m-āw̄ m-ɔ́sən kə nəngaá ta kógə̄ḿ ngóy m-ə́ren nang tə́. M-ā m-ɔ́sən i nja jōó alé.

TA KƏLA 4:8

Ba Kain əda ngōkó̰o̰n Abel na kə n-teēn̄. Dan ń nin̄ i kem ndɔrɔ́ anī, Kain ḭḭ udə kə̄ dɔ ngōkó̰o̰n Abel tə́ tɔ̄lə̄n.

TƏ́DA 35:20

Ré deē im̄ madə̄n kemən tə́ ba mbəren, aláa ənīn kə yá̰á̰ kə́rēý kə kem nduluú adə̄ oy,

JEREMI 41:2

Tā anī Ismael ngōn̄ Netania ō, de kə́ dəngam kə́ kutə gə̄ ń dānə̄nən̄ ō ní, tə́gān̄ Gedalia kə kaskaraá tɔ̄lnən̄ kə ta jī tə́ noō. I loo tɔ̄l̄ ń ni tɔləń nge ń mban̄g əndān dɔ ɓē ní n noó.

NGÉ SARYA 3:15

Nin̄ nōōn̄ kə̄ dɔ Kɔ́ɔ̄ɓē tə́ kadə̄ dḭḭ̄də́. Anī Kɔ́ɔ̄ɓē əla kə nge kajədə́ kógə̄ḿ adə̄də́. Deē ní i Ehud ngōn̄ Gera. Ni i Benjamḛ ba i gel. Ngán Israel gə̄ tīrə̄n̄ dɔ yá̰a̰ adə̄nən̄ kadə̄ aw̄ń adə̄ Egəlon, mban̄g kə́ Moab.