2 SAMUEL 20:1 - Bibəl ta Sar̄

¹ Benjamḛ kə́rēý kə́ nge rāā hál ndi noó, rīn na i Seba, ngōn̄ Bikri. Ni kɔ̄ŕ tōw̄ ba əga kɔŕ ədań de gə̄ na: Yá̰a̰ yājí i dɔ naā tə́ kə Dabidí alé. Yá̰a̰ ndəbā yājí i dɔ naā tə́ kə ngōn̄ Jese alé! Sḭḭ̄ Israel gə̄ ī-téliī kógə̄ḿ kógə̄ḿ kə̄ ɓē yāsí gə̄ tə́!

Bible sar

¹ Benjamḛ kə́rēý kə́ nge rāā hál ndi noó, rīn na i Seba, ngōn̄ Bikri. Ni kɔ̄ŕ tōw̄ ba əga kɔŕ ədań de gə̄ na: Yá̰a̰ yājí i dɔ naā tə́ kə Dabidí alé. Yá̰a̰ ndəbā yājí i dɔ naā tə́ kə ngōn̄ Jese alé! Sḭḭ̄ *Israel gə̄ ī-téliī kógə̄ḿ kógə̄ḿ kə̄ ɓē yāsí gə̄ tə́!

2 SAMUEL 20:1 Referans Kwoze

1 MBAN̄G GƏ̄ 12:16

Dan ń ngán Israel gə̄ a̰a̰n̄ kadə̄ mban̄g oō yādə́ nin̄ aĺ anī, tél ədan̄ na: Usəjí i rí kə Dabid? Yá̰a̰ ndəbā yājí i dɔ naā tə́ yā ngōn̄ Jese ń noō alé! Israel gə̄, ī-tél āwī gɔgə́ kem kújə tandā yāsí gə̄ tə́! Ngɔlaā ní Dabid, īkɔ́ á̰a̰ gō kem kújə yāí! Loo ń noō tə́ ngán Israel gə̄ tḭ̄ḭ̄n̄ naā kə̄ ɓē yādə́ gə̄ tə́.

2 YÁ̰A̰ GƏ̄ 10:16

Dan ń ngán Israel gə̄ malang gerə̄n̄ kadə̄ mban̄g mbātə́ yá̰á̰ ń nin̄ gḛyn̄ ní anī, nin̄ tél ədanən̄ na: Usəjí i rí kə Dabidí? Yá̰á̰ kə́ ɓoojí naā tə́ kə ngōn̄ Jeseé gətóo! Israel gə̄, ī-téliī kógə̄ḿ kógə̄ḿ kə̄ kem kújə tandā yāsí gə̄ tə́! Ba ḭ̄ ń i de kə́ gír kojə yā Dabid tə́ ní, īkɔ́ á̰a̰ gō kem kújə yāí ngɔlaā! Loo ń noō tə́ nin̄ tḭ̄ḭ̄n̄ naā.

NDŪ NAJƏ̄ 13:13

Majanī ndɔ̄ kə́rēý tə́ ā ōōī kadə̄ kem ɓē kógə̄ḿ kə́ dan ngé gə̄ ń Kɔ́ɔ̄ɓē Nə́ɓā yāsí adə̄sí kadə̄ ī-ndiī tū tə́ tə́ ní, na de kə́ rim gə̄ kə́ dan deē yāsí gə̄ tə́ na gólə̄n̄ de kə́ kemeé gə̄ ədan̄də́ na: Ādə̄ j-aw̄ jə-rāāī kəla j-adī nə́ɓā kə́ rang gə̄, nə́ɓā gə̄ ń sḭḭ̄ ī-gerī gíŕdə́ aĺ ní,

Najə̄ kə́ Majə yā Jeju ń Luk ndang ní 19:27

Ba madə̄ ba̰ā̰ḿ gə̄ ń gḛyn̄ kadə̄ m-ó̰o̰ ɓē dɔdə́ tə́ aĺ ní, ī-reēī sedə́ laā, ba ə́jaī míndə́də́ ta kumḿ tə́.

Najə̄ kə́ Majə yā Jeju ń Luk ndang ní 19:14

Ba madə̄n gə̄ kə́ gō nang yān tə́ imə̄nən̄ ngá̰ý, adə̄ ɔrə̄n̄ de gə̄ əlan̄də́ gōn tə́ kadə̄ aw̄ ədan̄ na: Jḭḭ jə-gḛy kadə̄ ni-o̰o̰ ɓē dɔjí tə́ alé.

Gōsə̄ najə̄ gə̄ 26:21

De kə́ gḛy kɔ̄l̄ ngá̰ý kə́ sə̄lā de gə̄ adə̄ kɔ̄lə̄n naā to i tītə̄ kúĺ kə́ ɓōkə́ dɔ yā̰l̄ hor tə́ ō, kīr̄ kə́ ɓōkə́ kum hor tə́ ō.

Gōsə̄ najə̄ gə̄ 25:8

Yá̰á̰ ń kumií a̰ā̰ ní ī-lōō tebəle kəda loo sarya tə́, na sōgə́ ta tɔ̄l̄ ta anī madə̄ kɔ̄līí əla rɔ̄sɔl̄ dɔí tə́ adə̄ ī-ger̄ yá̰á̰ kə́ yā rāā alé.

PĀ GƏ̄ 34:19

Kɔ́ɔ̄ɓē i ngɔr rɔ̄ de gə̄ ń kemdə́ nujə sák sák kɔ̄ɔ́ tə́ ní ō, ni ajə ngé gə̄ ń ndíĺdə́ sṵý kɔ̄ɔ́ ní ō.

PĀ GƏ̄ 17:13

Kɔ́ɔ̄ɓē, ḭ́ḭ dɔɔ́! Ī-tā̰ madə̄ ba̰ā̰ḿ gə̄ rɔ̄ɔ̄, ə̄sō sedə́ nang tə́, ī-taām̄ jī ngé kem ndul gə̄ tə́ kə kaskar yāí.

2 YÁ̰A̰ GƏ̄ 10:6

Mban̄g Roboam dəje kum kɔɔ̄ gə̄ kɔjə̄. I kum kɔɔ̄ gə̄ ń kété rāān̄ kəla kə bɔbə̄n Salomo̰ dan ń ndiń kə kumneé ɓáý ní. Ni dəjedə́ na ké kɔjə̄ ń nin̄ a adə̄nən̄ ní ké na i rí wa.

2 SAMUEL 23:6

Banī ngé gə̄ malang ń háĺdə́ nujə kɔ̄ɔ́ ní ton̄ i tītə̄ kōn̄ kə́ yā tə́gā kɔ̄ɔ́ gə̄. Deē a ɔydə́ kə jīneé alé.

2 SAMUEL 15:10

Absalom əla deē yān gə̄ kadə̄ ədan̄ gír ɓē gə̄ yā Israel gə̄ malang na ré kə oōn̄ kōō tōw̄ anī, kə ədan̄ na: Absalom ndi mban̄g kem ɓē kə́ Hebron tə́.

1 SAMUEL 30:22

Ba dan de gə̄ ń aw̄n̄ kə Dabidí tə́ ní, ngé kem ndul gə̄ ō ngé rāā hál gə̄ ō ədan̄ na: Nin̄ aw̄n̄ sejí aĺ ní j-a j-adīdə́ yá̰á̰ kógə̄ḿ dan yá̰a̰ gə̄ ń j-əhɔī ta rɔ̄ɔ̄ tə́ ní alé. Ba yá̰a̰ gə̄ ń j-a j-adidə́ ní i nə̄yá̰də́ gə̄ ō ngáńdə́ gə̄ ō ngóy. Ādə̄ ɔyn̄də́ ba aw̄n̄ loo yādə́.

1 SAMUEL 2:12

Ngán Eli gə̄ i ngé tun̄ yá̰á̰ kə́ háĺdə́ nujə kɔ̄ɔ́ gə̄. Nin̄ gerə̄n̄ Kɔ́ɔ̄ɓē alé.

NGÉ SARYA 19:22

Dan ń ndin̄ a əsan̄ yá̰a̰ kə rɔ̄nelēé anī, de kə́ kem ɓēé kə́ ngé rāā hál gə̄ reē gīrə̄n̄ gidə kújə əlan̄ ta naā tə́, ba əndan̄ ta róbə kə ngangá ngá̰ý. Nin̄ ədan̄ de kə́ tɔgə ɓə́gá ń i kɔ̄ɔ́ kújə́ ní na: Deē ń udə looí laā ní ī-teē seneé kə̄ rɔ̄jí tə́ laā ādə̄ jə-ɓīī seneé.

NGÉ SARYA 3:27

Dan ń ugə̄ loo ní tə́ anī, kɔ̄ŕ tōw̄ dɔ mbal̄ yā Epəraim tə́ ɓāŕəń ngán Israel gə̄. Gō tə́ anī risən̄ kɔ̄ɔ́ dɔ mbalá, nəkɔ́ i kété no ngán Israel gə̄ tə́.

JA̰A̰ 13:8

Piyer ədan na: Kadə̄ ḭ̄ kə ī-tə́go njaḿ mā a, m-ɔ́də aĺ i kə́ bátə́ gə̄ tə́! Jeju tél ədan na: Ré m̄-tə́go njaí aĺ anī, ā ə́ngé yá̰a̰ yāḿ alé.

TA KƏLA 46:21

Ngán Benjamḛ gə̄ i Bela ō, Beker ō, Asəbel ō, Gera ō, Naaman ō, Ehi ō, Ros ō, Mupim ō, Hupim ō, Ard ō.

1 SAMUEL 13:2

Ni-gə̄rā de gə̄ dūbú mətá dan Israel gə̄ tə́ kadə̄ nin̄ i ngé rɔ̄ɔ̄ yān gə̄. Kə́ dūbú jōó gə̄ ndin̄ seneé Mikəmas ō, gō nang kə́ mbalá kə́ Betel tə́ ō. Ba kə́ dūbú kógə̄ḿ gə̄ ndin̄ i kə ngōnən Jonatan kem ɓē kə́ Gibea yā Benjamḛ tə́. Saul əya̰ gotə ngán Israel gə̄ adə̄ tél aw̄n̄ ɓēé.

2 SAMUEL 16:7

Kum najə̄ gə̄ ń a ndɔ̄ĺəń Dabid ní n toó: Mbóo deē, nge ɓōkə́ mósə de gə̄ nang tə́, āw̄ kɔ̄ɔ́, āw̄ kɔ̄ɔ́!

2 SAMUEL 18:17

Unən̄ nīń Absalom ənīn̄ kem bəlo kə́ bo ngá̰ý tə́ kem kuú, ba kánə̄n̄ kūbə̄rū mbal̄ gə̄ dɔ tə́ adə̄ ra dɔ naā tə́ bing. Ngé rɔ̄ɔ̄ yā Absalom gə̄ a̰ȳn̄ naā malang. Nin̄ télən̄ kógə̄ḿ kógə̄ḿ kə̄ ɓē yādə́ gə̄ tə́.

2 SAMUEL 20:2

Loo ń noō tə́ Israel gə̄ malang mbātə́n̄ Dabid ba ndigən̄ Seba ngōn̄ Bikri. Banī Juda gə̄ əhɔn̄ gō mban̄g yādə́. Nin̄ ḭḭn̄ seneé bā Jurdḛ tə́ bátə́ ugə̄n̄ seneé Jerusalem.

2 SAMUEL 20:22

Dəyá̰ ní tél aw̄ kem ɓēé aw̄ ɔjə de gə̄ malang kum kedə̄ yān ní, adə̄ gāngə̄n̄ dɔ Seba ngōn̄ Bikri ənīn̄ dɔ bɔr tə́ kə̄ gidə kə́rēý tə́ adə̄n̄ Joab. Joab kɔ̄ŕ tōw̄ anī, deē yān gə̄ ń gīrə̄n̄ gidə ɓē ní tḭ̄ḭ̄n̄ naā kógə̄ḿ kógə̄ḿ, tél aw̄n̄ kə̄ ɓē yādə́ gə̄ tə́. Joab tá tél aw̄ gogə́ rɔ̄ mban̄g tə́ Jerusalem.

1 MBAN̄G GƏ̄ 21:10

Əndāī de kə́ ngé rāā yá̰a̰ gōtə́ aĺ gə̄ jōó non tə́ ādə̄ ədan̄ najə̄ ń toō dɔn tə́: ni na ndɔ̄ĺ Nə́ɓā ō, na ndɔ̄ĺ mban̄g ō. Gō tə́ anī ī-teēī seneé gidə ɓē tə́ ndágá ba ī-tə́nāin̄ kə mbalá ādə̄ oy.

RUTƏ 2:3

Adə̄ Rutə aw̄ ra a ɓur kōō gō ngé sāā kōō gə̄ tə́ kem ndɔr̄ kə́rēý tə́. Kɔ́lən majə adə̄ ndɔr̄ ní i ndɔr̄ yā Boj kə́ gír kojə yā Elimelek tə́.

2 SAMUEL 16:11

Dabid əda Abisai ō, ngé kəla yān gə̄ malang ō na: Ngōn̄ kemḿ mə̄kɔ́ ba sāā tɔ̄lə̄m̄ anī, i ngōn̄ Benjamḛ ń toō tá a. Ə́ya̰n̄! Ré i Kɔ́ɔ̄ɓē n ədan anī ādə̄ ndɔ̄lə́m̄.

MARK 3:24

Ré kem ɓē ko̰o̰ kógə̄ḿ tə́ de kə́ kemeé gə̄ a mbātə́n̄ naā anī, ɓē ko̰o̰ ń noō a ndi ngan̄g alé.