2 SAMUEL 2:7 - Bibəl ta Sar̄

⁷ Ba ngɔlaā ní ə́hɔī rɔ̄sí tɔgə, ādə̄ sḭḭ̄ i de kə́ dəngam gə̄. Rɔ̄kum, kɔ́ɔ̄sí Saul oy, ba i mā n Juda gə̄ əndāmə̄n̄ mban̄g kadə̄ m-ó̰o̰ ɓē dɔdə́ tə́ ní.

Bible sar

⁷ Ba ngɔlaā ní ə́hɔī rɔ̄sí tɔgə, ādə̄ sḭḭ̄ i de kə́ dəngam gə̄. Rɔ̄kum, kɔ́ɔ̄sí Saul oy, ba i mā n *Juda gə̄ əndāmə̄n̄ mban̄g kadə̄ m-ó̰o̰ ɓē dɔdə́ tə́ ní.

2 SAMUEL 2:7 Referans Kwoze

EPEJƏ 6:10

Yā tɔ̄ləń ta najə̄ ní, ādī tɔ́gə́sí to kə ta kūl̄ ɓoo naā yāsí kə́ kə Kɔ́ɔ̄ɓēé ō, ādī tɔ́gən adə̄sí tɔ́gə ō.

2 SAMUEL 10:12

Ī-ra dəngam ō, ādə̄ jḭḭ jə-ra dəngam ō, tām̄ yā gír deē yājí gə̄ tə́ ō, ɓē gə̄ yā Nə́ɓā yājí tə́ ō, ba ādə̄ Kɔ́ɔ̄ɓē rāā yá̰á̰ ń kemən ndigə ní.

1 SAMUEL 31:12

Anī ngé gə̄ ń wurdə́ il ngá̰ý tɔȳ yā madə̄də́ gə̄ ní əsōn̄ róbó ba njə̄rān̄ ndɔ̄ɔ́ bátə́ ugə̄n̄ Bet Sean. Nin̄ ɔrə̄n̄ nīń Saul ō nīń ngánən kə́ dəngam gə̄ ō kadə̄ ndogə̄ mbal̄ tə́ kɔ̄ɔ́, ba tél aw̄n̄neé gogə́ ɓēé Yabes aw̄ əlan̄ hor dɔ tə́.

1 SAMUEL 31:7

Dan ń ngán Israel gə̄ ń ndin̄ gidə wól loo kə́ dām̄ kə́ nú tə́ ō ngé gə̄ ń ndin̄ gidə bā Jurdḛ kə́ dām̄ kə́ nú tə́ ō a̰a̰n̄ kadə̄ ngé rɔ̄ɔ̄ gə̄ yā Israel gə̄ a̰ȳn̄ naā kɔ̄ɔ́ ō Saul nin̄ kə ngánən kə́ dəngam gēé oyn̄ kɔ̄ɔ́ ō anī, əya̰n̄ ɓē yādə́ gə̄ kɔ̄ɔ́ ba a̰ȳn̄ naā, adə̄ Pilistin gə̄ reē ndin̄ gotədə́ tə́.

1 SAMUEL 4:9

Pilistin gə̄, ə́hɔī rɔ̄sí tɔgə. Ī-raī dəngam, na sōgə́ ī-rāāī ɓəlo yā Hebəro gə̄ tītə̄ ń nin̄ rāān̄neé ɓəlo yāsí kété ní. Ī-raī dəngam ba ī-rɔ̄ɔ̄īdə́.

TA KƏLA 15:1

Gō yá̰a̰ gə̄ ń noō tə́ anī, Kɔ́ɔ̄ɓē ndɔ̄bə̄ Abəram ɔr̄ najə̄ seneé ədan na: Abəram, ī-lōō ɓōĺ na mā i der yāí. Yá̰a̰ kəndā nja i ngá̰ý jīḿ tə́ kadə̄ m-ā m-ə̄ndań njaí.

1 KORḚNTƏ 16:13

Ī-ndiī dɔ rɔ̄sí tə́ ō, ī-raī ngan̄g dɔ taā kem tə́ ō, əhɔī rɔ̄sí tɔgə ō, ādī tɔ́gə́sí to ō.

2 SAMUEL 2:6

Ādə̄ Kɔ́ɔ̄ɓē rāā kem majə sesí ō, rāā háĺ kə́ súmūú sesí ō. Mā, m-ā m̄-rāā majə sesí tām̄ yā yá̰á̰ ń ī-rāāī tə́ ní ō.

2 SAMUEL 2:8

Abner kə́ ngōn̄ Ner ń i ngol ngé rɔ̄ɔ̄ gə̄ yā Saul ní un Isəboset kə́ ngōn̄ Saul, aw̄ seneé Mahanaim.

NEHEMI 2:18

M-ɔ́jə́də́ loo kəndā ń Nə́ɓā yāḿ əndā jīn kə́ majə dɔḿ tə́ ní ō, m-ə́dádə́ yá̰á̰ ń mban̄g ədam̄ ní ō. Anī nin̄ ədan̄ na: Ḭ́ḭī dɔɔ́ jə-rāāī ɓē gogə́ rang! Adə̄ nin̄ əhɔn̄ rɔ̄də́ tɔgə rāān̄neé kəla kə́ majə ń toō.

2 SAMUEL 5:3

Kum kɔɔ̄ kə́ Israel tə́ gə̄ malang reēn̄ rɔ̄ mban̄g Dabid tə́ Hebron. Ni-əhɔ madə̄ naā sedə́ ta kum Kɔ́ɔ̄ɓē tə́ ō, urən̄ yibə̄ ngār dɔn tə́ əndānneé mban̄g kə́ Israel tə́ ō.

2 MBAN̄G 11:12

Loo ń noō tə́ Yoyada teē kə ngōn̄ mbangāá ndágá. Əla yá̰á̰ súū rɔ̄ kə́ ɔjə kadə̄ ni i mban̄g dɔn tə́ ō, adə̄n makətūbə̄ Ndū najə̄ gə̄ kə́ kadə̄ o̰o̰ń ɓē ō. Gō tə́ anī urən̄ yibə̄ dɔn tə́ əndānə̄nəń mban̄g. Kə̄ ta jī tə́ noō de gə̄ malang ndigənən̄ adə̄ əndan̄ jīdə́ gírən tə́ ō, unən̄ ndūdə́ kə̄ dɔɔ́ ədan̄neé na: Ādə̄ mban̄g ndi kə kumneé ō.