2 SAMUEL 2:4 - Bibəl ta Sar̄

⁴ Loo ń noō tə́ Juda gə̄ reē urən̄ yibə̄ ngār dɔ Dabid tə́ kem ɓē kə́ Hebron tə́. Nin̄ əndānən̄ mban̄g dɔ Juda gə̄ tə́. Dan ń reē ədan Dabid na i de gə̄ kə́ Yabes kə́ gō nang kə́ Galaad tə́ gə̄ ń dubə̄n̄ Saul anī,

Bible sar

⁴ Loo ń noō tə́ *Juda gə̄ reē urən̄ yibə̄ ngār dɔ Dabid tə́ kem ɓē kə́ Hebron tə́. Nin̄ əndānən̄ mban̄g dɔ *Juda gə̄ tə́. Dan ń reē ədan Dabid na i de gə̄ kə́ Yabes kə́ gō nang kə́ Galaad tə́ gə̄ ń dubə̄n̄ Saul anī,

2 SAMUEL 2:4 Referans Kwoze

2 SAMUEL 5:5

O̰o̰ ɓē Hebron ɓāl̄ sīrí kə núsə dɔ gír ɓē yā Juda tə́. Gō tə́ anī o̰o̰ ɓē Jerusalem ɓāl̄ kutə mətá gidə i mətá dɔ Israel gə̄ tə́ malang ō, dɔ Juda gə̄ tə́ ō.

2 SAMUEL 5:3

Kum kɔɔ̄ kə́ Israel tə́ gə̄ malang reēn̄ rɔ̄ mban̄g Dabid tə́ Hebron. Ni-əhɔ madə̄ naā sedə́ ta kum Kɔ́ɔ̄ɓē tə́ ō, urən̄ yibə̄ ngār dɔn tə́ əndānneé mban̄g kə́ Israel tə́ ō.

1 YÁ̰A̰ GƏ̄ 11:3

Kum kɔɔ̄ kə́ Israel tə́ gə̄ malang reē əngen̄ mban̄g Dabid Hebron ō, ni-əhɔ madə̄ naā sedə́ ta kum Kɔ́ɔ̄ɓē tə́ ō. Nin̄ urən̄ yibə̄ ngār dɔn tə́ əndanən̄neé mban̄g kə́ Israel tə́ tītə̄ ń Kɔ́ɔ̄ɓē əndāń ta Samuel tə́ kété adə̄ əda ní.

1 SAMUEL 16:13

Samuel un yibə̄ ń kem gajə dā̰á̰ ní ur dɔ Dabid tə́ ta kum ngákó̰o̰n gə̄ tə́. Əla gír i ndɔ̄ ń noō tə́ n Ndíĺ Kɔ́ɔ̄ɓē reēń dɔ Dabid tə́ ní. Gō tə́ anī Samuel ɔr̄ dɔɔ́ ta kaw̄ Rama.

2 SAMUEL 19:42

De kə́ dəngam kə́ Israel tə́ gə̄ aw̄ ugə̄n̄ rɔ̄ mban̄g tə́. Anī nin̄ ədan̄ mban̄g na: Deē yāí gə̄ malang nin̄ i seí ō, ba i tām̄ rí tə́ á de kə́ Juda tə́ gə̄ ń nin̄ i ngákó̰ó̰jí gə̄ ní taāīn̄ gidə yādə́ tə́ ba teēn̄ seí bā Jurdḛ naā tə́ kə kojə yāí gēé ní?

2 SAMUEL 19:11

Ba Absalom ń j-uriī yibə̄ dɔn tə́ kadə̄ i ni n i mban̄g yājí ní, oy ta rɔ̄ɔ̄ tə́ kɔ̄ɔ́. Ní āw̄ ī-téliī kə mban̄g Dabid ī-reēī seneé gogə́ aĺ ba údə ī-ndi ā ī-ngóōī i rí?

2 SAMUEL 5:17

Dan ń Pilistin gə̄ oōn̄ na urən̄ yibə̄ ngār dɔ Dabid tə́ kadə̄ ndi mban̄g dɔ Israel gə̄ tə́ anī, unən róbə kə́ əta tan kə̄ dɔɔ́ yā kaw̄ kəhɔn. Ba dan ń Dabid oō najə̄ ń noō ní, un róbə kə́ risə kum kə̄ nang tə́ yā kaw̄ń loo ɓɔ̄ɔ̄ rɔ̄ yān tə́.

2 SAMUEL 2:11

Dabid o̰o̰ ɓē dɔ Juda gə̄ tə́ ɓāl̄ sīrí kə na mehḛ́. Ni-ndi i Hebron n a o̰o̰n ɓē ní.

2 SAMUEL 2:7

Ba ngɔlaā ní ə́hɔī rɔ̄sí tɔgə, ādə̄ sḭḭ̄ i de kə́ dəngam gə̄. Rɔ̄kum, kɔ́ɔ̄sí Saul oy, ba i mā n Juda gə̄ əndāmə̄n̄ mban̄g kadə̄ m-ó̰o̰ ɓē dɔdə́ tə́ ní.

1 YÁ̰A̰ GƏ̄ 12:23

Kə dɔ ndɔ̄ gə̄ ń noō de gə̄ a reē ɓɔ̄ɔ̄n̄ rɔ̄də́ tū yā Dabid tə́ yā kɔsə kílən kə̄ dɔɔ́, adə̄ ngé rɔ̄ɔ̄ yān gə̄ bəlan̄ ngá̰ý.

2 SAMUEL 21:11

Ədan̄ Dabid yá̰á̰ ń Risəpa kə́ ngōn̄ Aya rāā ní.

2 SAMUEL 21:12

Dabid aw̄ taā kə̄ngā Saul gə̄ ō, kə̄ngā Jonatan gə̄ ō, jī de kə́ kem ɓē kə́ Yabes kə́ Galaad tə́ gə̄ tə́. Tɔdɔ̄ i nin̄ n aw̄ ɓogən̄ nīń Saul nin̄ kə Jonatan ta ɓē kə́ Bet Sean tə́ ní. Tām̄ dan ń Pilistin gə̄ tetən̄ Saul rɔ̄ɔ̄ Gilboa ní do̰ō̰n̄ nīnə́n ō, nīń Jonatan ō i loo ní tə́.

2 MBAN̄G 11:12

Loo ń noō tə́ Yoyada teē kə ngōn̄ mbangāá ndágá. Əla yá̰á̰ súū rɔ̄ kə́ ɔjə kadə̄ ni i mban̄g dɔn tə́ ō, adə̄n makətūbə̄ Ndū najə̄ gə̄ kə́ kadə̄ o̰o̰ń ɓē ō. Gō tə́ anī urən̄ yibə̄ dɔn tə́ əndānə̄nəń mban̄g. Kə̄ ta jī tə́ noō de gə̄ malang ndigənən̄ adə̄ əndan̄ jīdə́ gírən tə́ ō, unən̄ ndūdə́ kə̄ dɔɔ́ ədan̄neé na: Ādə̄ mban̄g ndi kə kumneé ō.

1 YÁ̰A̰ GƏ̄ 10:11

De kə́ Yabes kə́ Galaad tə́ gə̄ oōn̄ yá̰a̰ malang ń Pilistin gə̄ rāān̄ kə Saul ní.