2 SAMUEL 2:26 - Bibəl ta Sar̄

²⁶ Abner ɓāŕ Joab ədan na: J-a jə-tɔ̄lī naā kə kaskaraá i kə́ njɔ́ḿ gə̄ tə́ kanjə̄ dəba a? Ta tɔ̄l̄ ta anī rɔ̄nel̄ a gətóó ní ī-ger̄ aĺ a? I rə́ngáý tə́ n ā ə́da deē yāí gə̄ kadə̄ asədə́ ngɔ̄də̄ ngákó̰ó̰də́ gə̄ ní?

Bible sar

²⁶ Abner ɓāŕ Joab ədan na: J-a jə-tɔ̄lī naā kə kaskaraá i kə́ njɔ́ḿ gə̄ tə́ kanjə̄ dəba a? Ta tɔ̄l̄ ta anī rɔ̄nel̄ a gətóó ní ī-ger̄ aĺ a? I rə́ngáý tə́ n ā ə́da deē yāí gə̄ kadə̄ asədə́ ngɔ̄də̄ ngákó̰ó̰də́ gə̄ ní?

2 SAMUEL 2:26 Referans Kwoze

JEREMI 46:14

Yá̰á̰ ń a rāā yā rāā yá̰á̰ ní Ə̄nīī mbēr̄də́ Ejiptə tə́, ə́daī ādə̄ de gə̄ oōn̄ Migədol ō, Mempis ō, Tapanes ō. Ədaī na: Ɔ̄r̄ dɔí dɔɔ́! Ī-ndi dɔ rɔ̄í tə́! Á̰a̰ā̰, kaskar nujə loo kə gō gidií.

KƏLA RĀĀ 7:26

Teē kə ndɔ̄ kə́ noō anī Moijə ənge ngán Israel gə̄ jōó ra a rɔ̄ɔ̄n̄ naā. Ni-reē rɔ̄də́ tə́ yā kəndādə́ naā tə́ ədadə́ na: Madə́ḿ gə̄ sḭḭ̄ i ngákó̰o̰ naā gə̄ ba tām̄ rí tə́ á ā ī-rāāī naā majaĺ beē?

JEREMI 46:10

Banī ndɔ̄ ní i ndɔ̄ kə́ kadə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý daləń ba̰ā̰ dɔ madə̄ ba̰ā̰n gə̄ tə́. Kaskar ń nujə loo ní, əsa yá̰a̰ ndān̄ ō, mósə de gə̄ rāān kə́ kasə tə́ ō. I yá̰a̰ kəsa kə́ bo ngá̰ý kə́ ndējə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý, kem ɓē kə́ mbɔ́r ɓē kə́ ko̰ó̰ tə́, kadə bā Opəratə tə́.

OJEE 11:6

I tām̄ najə̄ ń noō tə́ n rɔ̄ɔ̄ a əsō kə̄ kem ɓē yādə́ gə̄ tə́ ní, rɔ̄ɔ̄ ní nujə yá̰á̰ ń a ngɔ̄m̄də́ ní kɔ̄ɔ́, nujə yá̰a̰ malang kɔ̄ɔ́, tɔdɔ̄ Israel gə̄ númə̄n̄ rāā yá̰á̰ kə́ majaĺ gə̄.

JEREMI 12:12

Ngé nujə loo gə̄ a reēn̄ noó kə gō kə̄lá róbə gə̄ malang kə́ dəla loo tə́. Kaskar yā Kɔ́ɔ̄ɓē tɔ̄l̄ de gə̄ ta ngóy dɔ nang kógə̄ḿ tə́ bátə́ gān̄g kə́ noó tə́. De kógə̄ḿ kə́ ndi lɔm gə̄gē a gətóó bátə́.

JEREMI 4:21

M-ā m-á̰a̰ dərapóo rɔ̄ɔ̄ ō, m-ā m-ōō kōō tōw̄ ō, i bátə́ ta kə́ rá?

JEREMI 2:30

M-ə́ndá ngáńsí gə̄ i ndāńg karī, nin̄ ndigən̄ kɔjə̄ ní alé. Kaskar yāsí tɔ̄l̄ ngé koō ta yāsí gə̄ tītə̄ ɓɔl kə́ nge kəhɔ yá̰a̰.

IJAI 1:20

Ba ré sḭḭ̄ ī-mbātíī anī, ré ī-na̰yiī kə̄ loo kəsō wōn̄g tə́ taḿ tə́ anī, ā óyiī yo kaskar. Najə̄ ń Kɔ́ɔ̄ɓē əda ní n noó.

Gōsə̄ najə̄ gə̄ 17:14

Kəla gíŕ tṵ́ṵ̄ naā i tetə babəra kadə̄ man̄ mānəń. Ɔ̄r̄ rɔ̄í kɔ̄ɔ́ kété pá tá ādə̄ kɔ̄l̄ bo!

PĀ GƏ̄ 4:2

Nə́ɓā, ḭ̄ ń i de kə́ sew yāḿ ní, loo ń ré m̄-ɓāríī anī ī-ndigəm̄ tə́! Dan ń wur kɔl əsō dɔḿ tə́ ní ḭ̄ ī-rāā seḿ adə̄ loo tóom̄ néĺ tə́. Ādə̄ kumií o̰o̰ī ba ōō ndɔ̄ȳ yāḿ.

Makətūbə̄ yā Job 19:2

Ā ī-rāāī kumḿ ndoō tə́ kə najá ō, ā ī-rējə̄mī kə najá ō, i bátə́ ndɔ̄ kə́ rá tə́?

Makətūbə̄ yā Job 18:2

I rə́ngáý tə́ n a asəsí kɔr̄ najə̄ kə́ tītə̄ ń noō gə̄ ní? Ī-gírī yá̰a̰ ba gō tə́ anī j-ɔrī najə̄.

2 SAMUEL 11:25

Mban̄g tél əda nge kəla ní na: Āw̄ ə́da Joab na kə lōō kadə̄ najə̄ ń noō tōrə̄n ngá̰ý. Tɔdɔ̄ kə́rēý gə̄ anī kaskar a tɔ̄l̄ laā ō, nú ō, ba kə tél kə əndā rɔ̄n nang tə́ gogə́ rang kə rɔ̄ɔ̄ ɓē ní kə ngangá kə tetən. Əla go̰ kem Joab tə́ tītə̄ ń noō.

2 SAMUEL 2:16

Ngé rɔ̄ɔ̄ gə̄ ní náā nəkɔ́ əhɔ dɔ madə̄ ba̰ā̰n ba ɔsə ngēl̄ kadən kə kaskaraá adə̄ əsōn̄ i mbak. Əndān̄ rī loo ní na i ndɔr̄ kə́ mbalá. Loo ní i Gabaon.

2 SAMUEL 2:14

Abner əda Joab na: Ādə̄ balsáa gə̄ ḭḭn̄ dɔɔ́ ba nāān̄ tɔ́gə naā ta kumjí tə́ yā ka̰a̰ ké i náā n ngan̄g ngá̰ý ní wa. Joab əda na: Ādə̄ ḭḭn̄ dɔɔ́ tā.

2 SAMUEL 2:25

Ngán Benjamḛ gə̄ əndān̄ rɔ̄də́ naā tə́ gidə Abner tə́ mejeje ō, ndin̄ dɔ loo kə́ kḭḭ kə̄ dɔɔ́ kógə̄ḿ tə́ ō.

2 SAMUEL 2:27

Joab tél ədan na: Tītə̄ ń Kɔ́ɔ̄ɓē ndiń kə kumuú noō, ré ɔ̄r̄ najə̄ aĺ anī, i bírí dəloí ngóy n a asə deē yāḿ gə̄ ngɔ̄də̄ gō ngákó̰ó̰də́ gə̄ ní.