2 SAMUEL 2:23 - Bibəl ta Sar̄

²³ Banī Asael mbātə́ kəya̰ gō Abner. Loo ń noō tə́ Abner ɔsə kemən kə gír nənga yānneé adə̄ teē dām̄ kə́rēý tə́. Asael əsō oy kə̄ loo nəkɔ́ ń noō tə́. De gə̄ malang ń reē ugə̄n̄ dɔ nīnə́n tə́ ní dəban̄.

Bible sar

²³ Banī Asael mbātə́ kəya̰ gō Abner. Loo ń noō tə́ Abner ɔsə kemən kə gír nənga yānneé adə̄ teē dām̄ kə́rēý tə́. Asael əsō oy kə̄ loo nəkɔ́ ń noō tə́. De gə̄ malang ń reē ugə̄n̄ dɔ nīnə́n tə́ ní dəban̄.

2 SAMUEL 2:23 Referans Kwoze

2 SAMUEL 3:27

Dan ń Abner tél dɔ tə́ reē ugə̄ Hebron anī, Joab ɓārə́n kə̄ gogə́ aw̄ seneé ta róbə ndogə̄ tə́ kum kə̄ kemeé, tītə̄ kə́ yā kaw̄ kɔr̄ najə̄ kə́ loo mundə̄ tə́ seneé beē. Ni-ɔsə kem Abner kə kəyá tɔ̄lən loo ń noō tə́ kum gotə ngōkó̰o̰n Asael ń Abner tɔ̄lən ní.

2 SAMUEL 4:6

Nin̄ udən̄ kújú gōn tə́ tītə̄ kə́ aw̄n̄ i kə kōō gémēé beē, əngenən̄ kújə ɓīīn tə́, to nang tə́ kem tə̄rá. Nin̄ ɔsənən̄ kemən tə́ ɔsə tɔ̄l̄nən̄, ba gāngə̄n̄ dɔn aw̄n̄neé. Njə̄rān̄ ndɔ̄ɔ́ kə́ njɔ́ḿ gə̄ tə́ kə róbə́ kə́ gō nang kə́ Araba tə́.

2 SAMUEL 20:10

Kaskar ń Joab un kə jī gelneé ní Amasa əndā kemən dɔ tə́ alé. Joab ɔsəń kemən adə̄ tiīn kəjā nang tə́. Ni ɔsən kə́ ko̰ jōó to̰ alé, ba Amasa oy. Gō tə́ anī Joab nin̄ kə ngōkó̰o̰n Abisai sōngə̄n̄ gō Seba ngōn̄ Bikri.

2 SAMUEL 5:6

Mban̄g Dabid nin̄ kə deē yān gēé aw̄n̄ kənī ɓē kə́ Jerusalem rɔ̄ɔ̄ tə́. Anī Yebus gə̄ ń ndin̄ gō nang ń noō tə́ ní ədan̄ Dabid na de gə̄ ń ni na a mbə́rēdə́ kə̄ gogə́ yā kudəń kem ɓē yādə́ nin̄ tə́ ní na i ngé kum tɔ̄ɔ̄ gə̄ ō, ngé nja motə gə̄ ō. Kumən na Dabid na a udə loodə́ alé.

2 SAMUEL 2:24

Joab nin̄ kə Abisai sōngə̄n̄ gō Abner. Dan ń ugə̄n̄ Gibea Ama anī mbang a udə i mbée. Ré deē ra Giya anī Gibea Ama i kə̄ dām̄ kə́ gír ɓē tə́, dɔ róbə́ kə́ kem dəla loo kə́ Gabaon tə́.

2 SAMUEL 3:30

Joab nin̄ kə ngōkó̰o̰n Abisai tɔ̄lə̄n̄ Abner tɔdɔ̄ ni tɔ̄l̄ ngōkó̰ó̰də́ Asael ta rɔ̄ɔ̄ kə́ Gabaon tə́.