2 SAMUEL 2:1 - Bibəl ta Sar̄

¹ Gō yá̰a̰ gə̄ ń noō tə́ anī, Dabid dəje Kɔ́ɔ̄ɓē na ké kə n-aw̄ kem ɓē kógə̄ḿ kə́ dan ɓē gə̄ yā Juda tə́ wa. Anī Kɔ́ɔ̄ɓē ədan na kə aw̄. Dabid tél dəje Kɔ́ɔ̄ɓē ɓáý to̰ na ké kə n-aw̄ i kem nge kə́ rá tə́ wa. Anī Kɔ́ɔ̄ɓē tél ədan na kə aw̄ kem ɓē kə́ Hebron tə́.

Bible sar

¹ Gō yá̰a̰ gə̄ ń noō tə́ anī, Dabid dəje Kɔ́ɔ̄ɓē na ké kə n-aw̄ kem ɓē kógə̄ḿ kə́ dan ɓē gə̄ yā *Juda tə́ wa. Anī Kɔ́ɔ̄ɓē ədan na kə aw̄. Dabid tél dəje Kɔ́ɔ̄ɓē ɓáý to̰ na ké kə n-aw̄ i kem nge kə́ rá tə́ wa. Anī Kɔ́ɔ̄ɓē tél ədan na kə aw̄ kem ɓē kə́ Hebron tə́.

2 SAMUEL 2:1 Referans Kwoze

1 SAMUEL 30:31

Hebron ō ngé gə̄ ń ndin̄ kə gō ngán ɓē gə̄ malang ń ni mān̄ tū tə́ kə deē yān gēé ní ō.

1 SAMUEL 23:2

Anī Dabid dəje Kɔ́ɔ̄ɓē na ké kə n-aw̄ kə n-ənī Pilistin gə̄ ní rɔ̄ɔ̄ wa. Kɔ́ɔ̄ɓē ədan na kə aw̄ na a tetə Pilistin gə̄ rɔ̄ɔ̄ ō na a taā ɓē kə́ Keila jīdə́ tə́ yā kəya̰n dɔɔ́ ō.

1 SAMUEL 23:4

Dabid tél dəje Kɔ́ɔ̄ɓē najə̄ ɓáý to̰, anī Kɔ́ɔ̄ɓē ədan na kə ɔr̄ dɔɔ́ kə aw̄ Keila na n-a n-əla Pilistin gə̄ jīn tə́.

TA KƏLA 32:2

Jakob un ta njə̄rā yān anī, ngé kəla yā Nə́ɓā gə̄ əngenən̄.

EJEKIEL 36:37

Yá̰á̰ ń mā Kɔ́ɔ̄ɓē Nə́ɓā m-ə́da kadə̄ i rɔ̄kum ní n toó: M-ā m-ə́yá̰ Israel gə̄ kadə̄ tél ndɔ̄ȳmə̄n̄ gogə́ ō, m-ā m̄-daldə́ i kə ta kūl̄ rāā kadə̄ nin̄ i ngá̰ý tītə̄ batə̄ gə̄ kə́ dan ɓūtə̄ yá̰a̰ kul̄ kógə̄ḿ tə́ beē.

PĀ GƏ̄ 143:8

Ədam̄ najə̄ kə́ dɔ kem majə yāí tə́ dəloí ɓatə, tɔdɔ̄ m-ə̄ndā kemḿ dɔí tə́. Ɔ́jəm̄ róbə́ ń kadə̄ m-úń ní, tɔdɔ̄ m̄-tūr̄ rɔ̄ḿ kə̄ rɔ̄í tə́.

PĀ GƏ̄ 27:4

m̄-dəje Kɔ́ɔ̄ɓē yá̰á̰ kógə̄ḿ ō, m̄-gḛy kənge gáŕ ō. I kadə̄ m̄-ndi kem kújə yā Kɔ́ɔ̄ɓē tə́ kə dɔ ndɔ̄ gə̄ malang ń m̄-ndiń kə kumḿ ní, yā kadə̄ m-á̰a̰ń majə Kɔ́ɔ̄ɓē ō, m-ə̄ndań kumḿ gíŕ kújə yān tə́ ō.

1 YÁ̰A̰ GƏ̄ 29:7

tām̄ yā kəla kújə yā Nə́ɓā tə́. Lɔ́ŕ ń adə̄n̄ ní kɔȳn i kəlōo dūbú ɓú kə kutə sīrí ō, sə́lē lɔ́r gə̄ i dūbú kutə ō. Gində̄ arjā̰a̰ ń adə̄n̄ ní kɔȳn mān̄ kəlōo dūbú ɓú mətá ō. Gində̄ nə̄ngá kasə ń adə̄n̄ ní, kɔȳn asə kəlōo dūbú ɓú mehḛ́ ō, gində̄ kə́ karī ń adə̄n̄ ní, kɔȳn mān̄ kəlōo dūbú mətá ō.

1 MBAN̄G GƏ̄ 2:11

Ni-o̰o̰ ɓē dɔ Israel gə̄ tə́ ɓāl̄ kutə sɔ́. O̰o̰ ɓē kem ɓē kə́ Hebron tə́ ɓāl̄ sīrí ō, kem ɓē kə́ Jerusalem tə́ ɓāl̄ kutə mətá gidə i mətá ō.

2 SAMUEL 15:7

Ta tɔ̄l̄ ta ɓāl̄ kə́ nge ko̰ sɔ́ tə́ anī, Absalom əda mban̄g na: Ādə̄m̄ ta róbə ādə̄ m-āw̄ Hebron rāā yá̰á̰ ń m-ə̄nī ndūḿ yā rāā tām̄ yā Kɔ́ɔ̄ɓē tə́ ní tə́.

2 SAMUEL 5:23

Dabid tél aw̄ koō najə̄ kə́ ta Kɔ́ɔ̄ɓē tə́ ɓáý to̰. Anī Kɔ́ɔ̄ɓē ədan na: Ī-lōō kə tə́nī tadə́ yā rɔ̄ɔńdə́, ba ī-rə̄ngō rɔ̄í gidədə́ tə́, ī-teē dan ku kāgə̄ mikokuli gə̄ tə́ kum kə̄ rɔ̄də́ tə́.

2 SAMUEL 5:19

Anī Dabid aw̄ koō najə̄ kə́ ta Kɔ́ɔ̄ɓē tə́. Ni-dəje Kɔ́ɔ̄ɓē na ké kə n-aw̄ kə n-rɔ̄ɔ̄ Pilistin gə̄ wa. Ké Kɔ́ɔ̄ɓē a əladə́ kem jīn tə́ wa. Anī Kɔ́ɔ̄ɓē tél əda Dabid na kə aw̄ kə rɔ̄də́ na n-a n-əladə́ kem jīn tə́ kə́ rɔ̄kum tə́.

2 SAMUEL 2:11

Dabid o̰o̰ ɓē dɔ Juda gə̄ tə́ ɓāl̄ sīrí kə na mehḛ́. Ni-ndi i Hebron n a o̰o̰n ɓē ní.

NGÉ SARYA 1:1

Dan ń Jojue oy kɔ̄ɔ́ anī ngán Israel gə̄ aw̄n̄ koō najə̄ kə́ ta Kɔ́ɔ̄ɓē tə́ yā gerə̄ń ké i náā gə̄ dɔ dáńdə́ tə́ n a aw̄n̄ yā rɔ̄ɔ̄ Kanaan gə̄ kété ní wa.

TƏ́DA 27:21

Jojue a aw̄ rɔ̄ Eleajar nge tun̄ yá̰á̰ tə́ kadə̄ túgə̄ wə̄lā urim tām̄ yān tə́ ta kum Kɔ́ɔ̄ɓē tə́. Ni ō, ngán Israel gə̄ malang ō ní a teēn̄ ō, tél a udən̄ gogə́ ō, i kə gō ndū ń wə̄lā a ɔjə ní.

TƏ́DA 13:22

Nin̄ unən̄ gō nang kə́ Negeb ba aw̄n̄ bátə́ ugə̄n̄ Hebron, loo ń ngán Anak gə̄ ń, rīdə́ na i Ahiman ō, Sesay ō, Talmai ō, ndin̄ tū tə́ ní. Rāān̄ ɓē kə́ Hebron adə̄ rāā ɓāl̄ sīrí pá tá rāān̄ ɓē kə́ Soan kə́ dɔ nang kə́ Ejiptə tə́ ɓáý.

TA KƏLA 13:18

Abəram ndɔ́tə̄ kə kújə tandā yān gēé, aw̄ ndi ɓē mbo̰ō̰ kāgə̄ sén gə̄ kə́ Mamre tə́ kadə Hebron tə́ ngɔr. Ni-ɔy kūbə̄rū mbal̄ gə̄ tə́ndā dɔ naā tə́ loo ń noō tə́, rāań loo tun̄ yá̰a̰ tām̄ yā Kɔ́ɔ̄ɓē tə́.

JOJUE 15:13

Gāngə̄n̄ dɔ nang adə̄n Kaleb ngōn̄ Yepune dan Juda gə̄ tə́, tītə̄ ń Kɔ́ɔ̄ɓē ədań Jojue ní. I ɓē ń rīn na i Kiryat Arba á i ɓē yā Arba ní n adə̄n̄ Kaleb ní. Arba i rī bɔbə̄ Anak.

1 SAMUEL 10:22

Tél dəjen̄ Kɔ́ɔ̄ɓē ɓáý to̰ na ké de kə́ rang reē laā wa. Anī Kɔ́ɔ̄ɓē əda na: I ni n ɓɔ̄ɔ̄ rɔ̄n dan yá̰a̰ mbā gə̄ tə́ toō.

2 YÁ̰A̰ GƏ̄ 11:10

Sora ō, Ayalon ō, Hebron ō. Ɓē kə́ ngan̄g gə̄ ń noō i ɓē gə̄ kə́ gō nang yā Juda tə́ ō, yā Benjamḛ tə́ ō.