2 SAMUEL 19:9 - Bibəl ta Sar̄

⁹ Tā anī mban̄g ḭḭ dɔɔ́ ba aw̄ ndi ta róbə ndogə̄ kə́ yā kudəń kə̄ kem ɓēé tə́. Ədan̄ ngé rɔ̄ɔ̄ gə̄ na mban̄g na ndi ta róbə ndogə̄ tə́ noō. Anī ngé rɔ̄ɔ̄ gə̄ malang kánə̄n̄ naā rɔ̄n tə́. Ngé rɔ̄ɔ̄ yā Absalom gə̄ a̰ȳn̄ naā. Nin̄ télən̄ kógə̄ḿ kógə̄ḿ kə̄ kújə yādə́ gə̄ tə́.

Bible sar

⁹ Tā anī mban̄g ḭḭ dɔɔ́ ba aw̄ ndi ta róbə ndogə̄ kə́ yā kudəń kə̄ kem ɓēé tə́. Ədan̄ ngé rɔ̄ɔ̄ gə̄ na mban̄g na ndi ta róbə ndogə̄ tə́ noō. Anī ngé rɔ̄ɔ̄ gə̄ malang kánə̄n̄ naā rɔ̄n tə́. Ngé rɔ̄ɔ̄ yā Absalom gə̄ a̰ȳn̄ naā. Nin̄ télən̄ kógə̄ḿ kógə̄ḿ kə̄ kújə yādə́ gə̄ tə́.

2 SAMUEL 19:9 Referans Kwoze

2 SAMUEL 15:14

Anī kə̄ ta jī tə́ noō Dabid əda ngé kəla yān gə̄ malang ń ndin̄ seneé Jerusalem ní na: J-a̰ȳī naā kɔ̄ɔ́ na Absalom a əya̰jí kadə̄ jə-ndiī kə kumjí alé. Ādə̄ j-a̰ȳī naā láẃ na a ɔr bā̰ā̰ loo reē yā rɔ̄jí tə́ alé. Ni a tɔ̄l̄ de kə́ kem ɓēé gə̄ malang yā rāań kadə̄ yá̰á̰ kə́ majaĺ taā loo kem ɓēé.

2 SAMUEL 5:20

Anī Dabid aw̄ Baal Perasim. Ni-tetə Pilistin gə̄ rɔ̄ɔ̄ loo ń noō tə́. Ni-əda na: Kɔ́ɔ̄ɓē tetə madə̄ ba̰ā̰ḿ gə̄ rɔ̄ɔ̄ noḿ tə́ i tītə̄ loo tetə ń man̄ a tetəń babəra ní. I tām̄ najə̄ ń noō tə́ n əndān̄neé rī loo ní na i Baal Perasim ní. Kumə̄n na i mojə nge tə́ndā kum loo gán̄g.

1 SAMUEL 19:5

Ni-un rɔ̄n adə̄ i yo n tɔ̄ləń Pilistin deē ní. Kɔ́ɔ̄ɓē tetə i rɔ̄ɔ̄ kə́ bo ngá̰ý n adə̄ ngán Israel gə̄ ndɔ̄ ń noō tə́ ní. Īkɔ́ á̰a̰ā̰ ō, rɔ̄í nelī ō. Ba i tām̄ rí tə́ á ī-sāā ɓōkə́ mósə de kə́ kanjə̄ najə̄ dɔn tə́ nang tə́ yā rāań yá̰á̰ kə́ majaĺ ní? I tām̄ rí tə́ á ī-sāā tɔ̄l̄ Dabid kanjə̄ kumən ní?

1 SAMUEL 18:25

Anī Saul əda na: Āw̄ ə́daī Dabid na: Kadə̄ karī kə́ tām̄ yā taā naā tə́ ń mban̄g a sāā ní i ta mɔtə Pilistin gə̄ ɓú kógə̄ḿ ngóy yā daləń ba̰ā̰ dɔ madə̄ ba̰ā̰n gə̄ tə́. Saul núm̄ kəla Dabid jī Pilistin gə̄ tə́ i tītə̄ ń noō.

1 SAMUEL 17:50

Dabid tetə Goliat rɔ̄ɔ̄ i kanjə̄ kaskar jīn tə́. Ni-tetən rɔ̄ɔ̄ i kə bējēé ō, kə kɔkərɔɔ́ ō. Ni-ənda Pilistin ní tɔ̄lən i tītə̄ ń noō.

Teē Ngán Israel gə̄ 32:24

Na n-dəjedə́ n-əda na ké i náā n ké lɔ́r yān to noó ní wa. Anī na ró̰ȳn̄ nə̄ngá lɔ́ŕ kə́ ta mbīdə́ gə̄ tə́, kə̄ ta jī gə̄ tə́ noō na adə̄nən̄. Na n-nō nə̄ngá gə̄ ní horoó adə̄ na teē ngōn̄ man̄g ń noō.

2 SAMUEL 19:10

De gə̄ malang kə́ gír ɓē yā Israel tə́ gə̄ a kɔ̄lə̄n̄ i naā. Nin̄ ədan̄ na: Mban̄g Dabid ɔr̄jí kɔ̄ɔ́ jī madə̄ ba̰ā̰jí gə̄ tə́, ni-taājí jī Pilistin gə̄ tə́ əya̰jí dɔɔ́. Ngɔlaā ni teē kem ɓēé a̰ȳ i najə yā Absalom tə́.

2 SAMUEL 19:40

Mban̄g teē bā Jurdḛ, kósə de gə̄ malang teēn̄ ō. Dabid əhɔ Barjilai kə̄ rɔ̄n tə́ ɓirə̄n dagə ba tɔ́r̄ tan dɔn tə́. Gō tə́ anī Barjilai tél dɔ tə́ aw̄ gogə ɓēé,

2 SAMUEL 22:44

Ḭ̄ ɔ̄rə̄m̄ kɔ̄ɔ́ ta deē gír yāḿ gə̄ ń ənīn̄ wúȳ jīḿ tə́ ní, adə̄ rāān̄ yá̰á̰ kə́ majaĺ seḿ alé Ḭ̄ ə̄ndām̄ dɔ gír nápar de gə̄ tə́ ba ī-ngɔ̄mə̄m̄ ādə̄ mā i dɔdə́ tə́ dɔɔ́. Gír de kə́ m̄-ger̄də́ aĺ gə̄ a rāān̄ kəla yāḿ.

PĀ GƏ̄ 18:43

m̄-rāādə́ adə̄ télən̄ bumbə́rú kə́ kadə̄ nél ɔy dáyń. m̄-tə́ɓādə́ njaḿ tə́ tītə̄ bɔr kə́ kum róbó beē

2 SAMUEL 18:17

Unən̄ nīń Absalom ənīn̄ kem bəlo kə́ bo ngá̰ý tə́ kem kuú, ba kánə̄n̄ kūbə̄rū mbal̄ gə̄ dɔ tə́ adə̄ ra dɔ naā tə́ bing. Ngé rɔ̄ɔ̄ yā Absalom gə̄ a̰ȳn̄ naā malang. Nin̄ télən̄ kógə̄ḿ kógə̄ḿ kə̄ ɓē yādə́ gə̄ tə́.