2 SAMUEL 19:8 - Bibəl ta Sar̄

⁸ Ní ngɔlaā ḭ́ḭ dɔɔ́ ba ī-teē āw̄ ɔ̄r̄ najə̄ kə ngé rɔ̄ɔ̄ yāí gēé ādə̄ kemdə́ sɔl̄. Tɔdɔ̄ m-ə́daī kə rī Kɔ́ɔ̄ɓēé, ré ī-teē āw̄ aĺ anī, deē kógə̄ḿ kə́ yā ndi seí ndɔ̄ɔ́ ɓōólaā a gətóo. Nge ń noō a tél i yá̰á̰ kə́ to kum kaȳ aĺ kə́ reē dɔí tə́ kə́ tɔȳ gotə gə̄ malang ń rāāīn̄ dan balsááí tə́ bátə́ ngɔlaā ní.

Bible sar

⁸ Ní ngɔlaā ḭ́ḭ dɔɔ́ ba ī-teē āw̄ ɔ̄r̄ najə̄ kə ngé rɔ̄ɔ̄ yāí gēé ādə̄ kemdə́ sɔl̄. Tɔdɔ̄ m-ə́daī kə rī Kɔ́ɔ̄ɓēé, ré ī-teē āw̄ aĺ anī, deē kógə̄ḿ kə́ yā ndi seí ndɔ̄ɔ́ ɓōólaā a gətóo. Nge ń noō a tél i yá̰á̰ kə́ to kum kaȳ aĺ kə́ reē dɔí tə́ kə́ tɔȳ gotə gə̄ malang ń rāāīn̄ dan balsááí tə́ bátə́ ngɔlaā ní.

2 SAMUEL 19:8 Referans Kwoze

2 SAMUEL 18:24

Kum mbang ngeé ń noō tə́ ní Dabid ndi i ta róbə ndogə̄ bɔr kə́ yā kudəń kə̄ kem ɓēé tə́. Nge kum̄ loo ra dɔ ndogə̄ mbal̄ tə́ dɔɔ́ a um̄ loo. Dan ń ɔr̄ dɔn dɔɔ́ anī a̰a̰ de kə́ kə kérneé kə́ a a̰ȳ ngɔ̄də̄ a reē.

2 SAMUEL 18:4

Mban̄g ədadə́ na majə, n-a n-rāā yá̰á̰ ń kemdə́ gḛy ní. Gō tə́ anī mban̄g ra kadə ta róbə́ kə́ yā kudəń kə̄ kem ɓēé tə́ ba ngé rɔ̄ɔ̄ gə̄ teēn̄ kə gō ɓūtə̄də́ gēé: De kə́ ɓú gə̄ ō, kə́ dūbú gə̄ ō.

2 MBAN̄G 14:12

Israel gə̄ tetən̄ Juda gə̄ rɔ̄ɔ̄ adə̄ a̰ȳn̄ naā kógə̄ḿ kógə̄ḿ ta kaw̄ ɓēé.

1 MBAN̄G GƏ̄ 22:36

Dan ń mbang aw̄ kə̄ kuduú anī, mbēr̄ ɓār̄ kem gérgereé na: Ādə̄ de gə̄ télən̄ kógə̄ḿ kógə̄ḿ kə̄ ɓē yādə́ gə̄ tə́ ō, kə̄ gō nang yādə́ gə̄ tə́ ō,

2 SAMUEL 19:3

Ndɔ̄ ń noō tə́ ngé rɔ̄ɔ̄ gə̄ rāān̄ rɔ̄nel̄ tetə rɔ̄ɔ̄ yādə́ alé, banī əhɔn̄ i ndoō, tɔdɔ̄ nin̄ oōn̄ kadə̄ wur mban̄g ɔlən ngá̰ý najə̄ yo ngōnən tə́.

2 SAMUEL 18:17

Unən̄ nīń Absalom ənīn̄ kem bəlo kə́ bo ngá̰ý tə́ kem kuú, ba kánə̄n̄ kūbə̄rū mbal̄ gə̄ dɔ tə́ adə̄ ra dɔ naā tə́ bing. Ngé rɔ̄ɔ̄ yā Absalom gə̄ a̰ȳn̄ naā malang. Nin̄ télən̄ kógə̄ḿ kógə̄ḿ kə̄ ɓē yādə́ gə̄ tə́.

2 SAMUEL 15:2

Kə ndɔ̄í ɓatə anī ni a ra i kadə róbə́ kə́ yā kudəń kə̄ kem ɓēé tə́. De gə̄ malang ń a mānə̄n̄ kógə̄ḿ kógə̄ḿ a aw̄n̄ kə̄ ɓē mbangāá yā kadə̄ mban̄g gān̄g sarya yādə́ ní, ni-ɓāŕdə́ ba dəjedə́ na ké nin̄ i de kə́ rá gə̄ wa. Ɓá a de gə̄ ní tél ədanən̄ na nin̄ na i ngán Israel gə̄ kə́ dan gír ɓē kə́ beé tə́.

1 SAMUEL 4:10

Pilistin gə̄ əlan̄ gír rɔ̄ɔ̄ ngán Israel gə̄. Nin̄ tetən̄də́ rɔ̄ɔ̄, adə̄ ngán Israel gə̄ a̰ȳn̄ naā kógə̄ḿ kógə̄ḿ kə̄ ɓē yādə́ gə̄ tə́. Rɔ̄ɔ̄ ní rāādə́ ngá̰ý. Dan deē yādə́ gə̄ tə́ ní, ngé kə́ kə njadə́ gə̄ ń tɔ̄lə̄n̄də́ ní asən̄ dūbú kutə mətá.

2 MBAN̄G 8:21

Adə̄ Joram aw̄ Sair kə púsə rɔ̄ɔ̄ yān gēé malang. Edom gə̄ gīrə̄n̄ gidə Joram kə ngol ngé púsə yān gēé. Banī ni ḭḭ ndɔ̄ɔ́ ənīdə́ rɔ̄ɔ̄ ō, tetədə́ ō, adə̄ ngé rɔ̄ɔ̄ yān gə̄ a̰ȳn̄ naā, tél aw̄n̄ gogə́ ɓē yādə́ gə̄ tə́.