2 SAMUEL 19:5 - Bibəl ta Sar̄

⁵ Mban̄g seĺ kūbə̄ ta kumən tə́ kɔ̄ɔ́. Ni un ndūn kə̄ dɔɔ́ nōoń kə najá tan tə́, əda na: Ngōnə̄ḿ Absalom, Absalom, ngōnə̄ḿ, ngōnə̄ḿ!

Bible sar

⁵ Mban̄g seĺ kūbə̄ ta kumən tə́ kɔ̄ɔ́. Ni un ndūn kə̄ dɔɔ́ nōoń kə najá tan tə́, əda na: Ngōnə̄ḿ Absalom, Absalom, ngōnə̄ḿ, ngōnə̄ḿ!

2 SAMUEL 19:5 Referans Kwoze

PĀ GƏ̄ 3:8

Kɔ́ɔ̄ɓē, ḭ́ḭ dɔɔ́! Nə́ɓā yāḿ, ájəm̄! Ḭ̄ ń i nge kənda mbɔ́r madə̄ ba̰ā̰ḿ gə̄ ō, nge tétə̄ ngān̄g ngé kem ndul gə̄ ō ní.

NEHEMI 9:27

adə̄ ə́ládə́ kem jī madə̄ ba̰ā̰də́ gə̄ tə́ adə̄ rāān̄ kumdə́ ndoō tə́. Dan ń wur kɔl kə́ ngá̰ý əsō dɔdə́ tə́ ní, nōōn̄ kə̄ dɔí tə́, anī ī-ndi dɔ rā̰ tə́ ōō nōō yādə́. Kumií o̰o̰ī adə̄ ādə̄də́ ngé gān̄g dɔdə́ gə̄ adə̄ ɔrə̄n̄də́ kɔ̄ɔ́ jī m adə̄ ba̰ā̰də́ gə̄ tə́.

2 SAMUEL 3:39

Urən̄ yibə̄ ngār dɔḿ tə́ adə̄ mā i ngār ɓá tā, ba ɓōólaā ní tɔ́gə́ḿ gətóo adə̄ de gə̄ ń noō, ngán Seruya gə̄ ń noō, dɔ́nɔ yādə́ tɔȳ yāḿ mā. Banī ādə̄ Kɔ́ɔ̄ɓē əgā nge kem ndul sɔɔ̄ń kem ndul yān.

2 SAMUEL 19:4

Nin̄ udən̄ kem ɓēé i jəke tītə̄ ngé rɔ̄ɔ̄ gə̄ kə́ rɔ̄ɔ̄ tetədə́ adə̄ a̰ȳn̄ naā kə rɔ̄sɔlɔ̄ɔ́ beē.

2 SAMUEL 19:6

Joab udə kújú gō mban̄g tə́ ba ədan na: Ngé kəla yāí gə̄ ń ajiīn̄ ɓōólaā ō, ajən̄ ngání kə́ dəngam gə̄ ō, kə́ dəyá̰ gə̄ ō, nə̄yá̰í gə̄ ō, də̄yá̰ gidə ndogə̄ yāí gə̄ ō ní, ḭ̄ ə́la rɔ̄sɔl̄ dɔdə́ tə́ ɓōólaā malang.

2 SAMUEL 19:13

Nin̄ na i kojə yān gə̄, ba ké i ba̰ý á nin̄ i de kə́ gō gogə́ gə̄ loo tél reē kə mbangāá gogə́ ɓēé tə́ wa.

2 SAMUEL 15:30

Dabid un róbə́ kə́ əta tan ta kaw̄ kə̄ dɔ mbal̄ kāgə̄ olibə gə̄ tə́ i kə nōó kumən tə́. Ni do̰ō̰ kūbə̄ ta kumən tə́ ō, njə̄rā i njan karī ō. De gə̄ malang ń dānə̄nən̄ ní do̰ō̰n̄ kūbə̄ ta kumdə́ tə́ ō, njə̄rān̄ i kə nōó ō.

2 SAMUEL 18:17

Unən̄ nīń Absalom ənīn̄ kem bəlo kə́ bo ngá̰ý tə́ kem kuú, ba kánə̄n̄ kūbə̄rū mbal̄ gə̄ dɔ tə́ adə̄ ra dɔ naā tə́ bing. Ngé rɔ̄ɔ̄ yā Absalom gə̄ a̰ȳn̄ naā malang. Nin̄ télən̄ kógə̄ḿ kógə̄ḿ kə̄ ɓē yādə́ gə̄ tə́.