2 SAMUEL 19:43 - Bibəl ta Sar̄

⁴³ Anī Juda gə̄ malang tél ədan̄ Israel gə̄ na: I tām̄ jḭḭ i ngéé mban̄g kə́ ngɔr ngá̰ý gə̄ tɔȳ yāsí. Ā ī-rāāī wōn̄g najə̄n tə́ i tām̄ rí tə́? I mban̄g n ul̄jí ní a? Mban̄g adə̄jí kadə̄ karī gə̄ a?

Bible sar

⁴³ Anī Juda gə̄ malang tél ədan̄ Israel gə̄ na: I tām̄ jḭḭ i ngéé mban̄g kə́ ngɔr ngá̰ý gə̄ tɔȳ yāsí. Ā ī-rāāī wōn̄g najə̄n tə́ i tām̄ rí tə́? I mban̄g n ul̄jí ní a? Mban̄g adə̄jí kadə̄ karī gə̄ a?

2 SAMUEL 19:43 Referans Kwoze

GALATƏ 5:20

rāā ɓesə̄ tə́ ō, rāā kəga tə́ ō, kim̄ naā tə́ ō, míndə kasə naā aĺ tə́ ō, kəndā naā nii tə́ ō, rāā wōn̄g tə́ ō, rɔ̄ɔ̄ naā dɔ yá̰á̰ tə́ ō, kɔ̄l̄ naā tə́ ō, gán̄g de gə̄ naā tə́ ō,

2 SAMUEL 5:1

Gír ɓē yā Israel gə̄ malang reēn̄ rɔ̄ Dabid tə́ Hebron ba ədanən̄ na: Jḭḭ i kojə yāí, jḭḭ i mósí.

JAKƏ 1:20

Tɔdɔ̄ wōn̄g yā deē a rāā yá̰á̰ kə́ gōtə́ yā Nə́ɓā alé.

PILIPƏ 2:3

Ī-rɔ̄ɔ̄ī naā dɔ yá̰á̰ tə́ alé, ī-lōōī rāā yá̰a̰ kə kɔjə rɔ̄ɔ́. Ba ī-sɔlī dɔsí kə̄ no naā tə́ ō, sḭḭ̄ kógə̄ḿ kógə̄ḿ ní ī-rāāī madə̄sí gə̄ de kə́ bo tɔȳsí gə̄ tə́ ō.

GALATƏ 5:26

Jə-lōōī kɔjə rɔ̄jí ō, kadə̄ naá wōn̄g, aláa kəndā naā nii ō.

GALATƏ 5:15

Ba ré ā ī-tó̰ō̰ī i naā ō, ā ī-rə́yā̰ī i naā ō anī, á̰a̰ī majə na sōgə́ i nujiī naā.

Makətūbə̄ ń Pol ndang adə̄ Rom gə̄ ní 12:21

Ī-lōō kadə̄ yá̰á̰ kə́ majaĺ tetiī rɔ̄ɔ̄, ba ī-rāā yá̰á̰ kə́ majə ī-tetənəń rɔ̄ɔ̄.

Gōsə̄ najə̄ gə̄ 18:19

Lōō kaw̄ kə̄ rɔ̄ ngōkó̰ó̰í de kə́ kemən nujə tə́ ngan̄g tɔȳ loo kaw̄ kənī ɓē kə́ ngan̄g rɔ̄ ō, kɔ̄l̄ i yá̰á̰ kə́ ngan̄g tītə̄ yá̰á̰ kə́ rákə̄ ta kújə́ tə́ beē ō.

Gōsə̄ najə̄ gə̄ 17:14

Kəla gíŕ tṵ́ṵ̄ naā i tetə babəra kadə̄ man̄ mānəń. Ɔ̄r̄ rɔ̄í kɔ̄ɔ́ kété pá tá ādə̄ kɔ̄l̄ bo!

Gōsə̄ najə̄ gə̄ 15:1

Najə̄ kə́ tūr̄ kəda deē kə míndə́ kə́ sɔl̄ lɔmɔɔ́ rāā adə̄ wōn̄g tetə, banī najə̄ kə́ tōr̄ kə́ kəda deē i yá̰á̰ kə́ a adə̄ deē wōn̄g.

Gōsə̄ najə̄ gə̄ 13:10

Kɔjə rɔ̄ a ənī kɔ̄l̄ dɔí ḭ̄ deē tə́ kə ndɔ̄ gə̄, ba kum kedə̄ i dām̄ yā de gə̄ ń ndigən̄ kadə̄ madə̄də́ gə̄ ɔjə̄n̄də́ ní.

1 MBAN̄G GƏ̄ 12:16

Dan ń ngán Israel gə̄ a̰a̰n̄ kadə̄ mban̄g oō yādə́ nin̄ aĺ anī, tél ədan̄ na: Usəjí i rí kə Dabid? Yá̰a̰ ndəbā yājí i dɔ naā tə́ yā ngōn̄ Jese ń noō alé! Israel gə̄, ī-tél āwī gɔgə́ kem kújə tandā yāsí gə̄ tə́! Ngɔlaā ní Dabid, īkɔ́ á̰a̰ gō kem kújə yāí! Loo ń noō tə́ ngán Israel gə̄ tḭ̄ḭ̄n̄ naā kə̄ ɓē yādə́ gə̄ tə́.

2 SAMUEL 20:6

Dabid əda Abisai na: Seba ngōn̄ Bikri a rāājí yá̰á̰ kə́ majaĺ tɔȳ Absalom, adə̄ ɔ́ý deē yāḿ gə̄, ba ī-sōn̄g gōn na sōgə́ ənge ɓē bo gə̄ kə́ ndogə̄ mbal̄ i gidə tə́ gə̄ anī a a̰ȳjí.

2 SAMUEL 20:1

Benjamḛ kə́rēý kə́ nge rāā hál ndi noó, rīn na i Seba, ngōn̄ Bikri. Ni kɔ̄ŕ tōw̄ ba əga kɔŕ ədań de gə̄ na: Yá̰a̰ yājí i dɔ naā tə́ kə Dabidí alé. Yá̰a̰ ndəbā yājí i dɔ naā tə́ kə ngōn̄ Jese alé! Sḭḭ̄ Israel gə̄ ī-téliī kógə̄ḿ kógə̄ḿ kə̄ ɓē yāsí gə̄ tə́!

2 SAMUEL 19:14

Ba gō tə́ anī kə dəjen̄ Amasa na ké ni i kojə yān aĺ wa. Ré ni Dabid n-əndān ngol áskar yān gə̄ tə́ kum gotə Joab aĺ anī, kadə̄ Kɔ́ɔ̄ɓē rāān yá̰á̰ kə́ tōr̄ ń toō ō, tél rāān nge kə́ tōr̄ ń toō ō.

2 SAMUEL 19:9

Tā anī mban̄g ḭḭ dɔɔ́ ba aw̄ ndi ta róbə ndogə̄ kə́ yā kudəń kə̄ kem ɓēé tə́. Ədan̄ ngé rɔ̄ɔ̄ gə̄ na mban̄g na ndi ta róbə ndogə̄ tə́ noō. Anī ngé rɔ̄ɔ̄ gə̄ malang kánə̄n̄ naā rɔ̄n tə́. Ngé rɔ̄ɔ̄ yā Absalom gə̄ a̰ȳn̄ naā. Nin̄ télən̄ kógə̄ḿ kógə̄ḿ kə̄ kújə yādə́ gə̄ tə́.

NGÉ SARYA 9:23

Gō tə́ anī Nə́ɓā əla ndíĺ kə́ majaĺ mbo̰ō̰də́ tə́ kə de kə́ Sisem gēé, adə̄ de kə́ Sisem gə̄ ḭḭ mbātə́n̄ Abimelek

NGÉ SARYA 8:1

De yā Epəraim gə̄ ədan̄ Jedeo̰ na: Dan ń ā āw̄ kə̄ rɔ̄ɔ̄ Madian gə̄ tə́ ní ī-ɓāŕjí aĺ i tām̄ rí tə́? Adə̄ tōr̄də́ seneé ngá̰ý.