2 SAMUEL 19:30 - Bibəl ta Sar̄

³⁰ Mban̄g əda Mepiboset na: Kɔr̄ najə̄ kadə̄ danən ngāl̄ ɓáý i tām̄ rí tə́? Yá̰á̰ ń m-ā m̄-rāā ní n toó. Ā ī-kēgī naā dɔ nang yā Saul sḭḭ̄ kə Siba.

Bible sar

³⁰ Mban̄g əda Mepiboset na: Kɔr̄ najə̄ kadə̄ danən ngāl̄ ɓáý i tām̄ rí tə́? Yá̰á̰ ń m-ā m̄-rāā ní n toó. Ā ī-kēgī naā dɔ nang yā Saul sḭḭ̄ kə Siba.

2 SAMUEL 19:30 Referans Kwoze

PILIPƏ 1:20

Tɔdɔ̄ yá̰á̰ ń m̄-ngóō ō, m-ə̄ndā kemḿ dɔ tə́ kə ngangāá ngá̰ý ō ní, i kadə̄ ndɔ̄ń tə́ anī yá̰á̰ kógə̄ḿ adə̄m̄ rɔ̄sɔl̄ alé. Ba nəkɔ́ ń jóó bátə́ ngɔlaā toó ní, m̄-sōl̄ yá̰á̰ kógə̄ḿ alé. I tītə̄ ń noō n kə ta kūl̄ ndiḿ kə kumḿ, aláa kə ta kūl̄ koyḿ, m-ā m-ɔ́jəń kə̄ ndágá kadə̄ Kərist i de kə́ bo ní.

KƏLA RĀĀ 20:24

Banī mā m-á̰a̰ kadə̄ ndiḿ kə kumḿ i yá̰á̰ kógə̄ḿ ta kumḿ tə́ alé. Yá̰á̰ ń m̄-sāā ní i kadə̄ m-ā̰ȳ ngɔ̄də̄ yāḿ m̄-tɔ̄l̄ ta kə gōó majə ō, kəla ń Kɔ́ɔ̄ɓē Jeju adə̄m̄ ní m̄-rāā m̄-tɔ̄l̄ ta kə gōó majə ō: I kadə̄ m-ə́da najə̄ kə́ kum tə́ yā Najə̄ kə́ Majə kə́ dɔ rajə ń Nə́ɓā rajə de gə̄ tə́ ní.

2 SAMUEL 1:26

Ngōkó̰ó̰ḿ Jonatan, wurəḿ ɔləm̄ ngá̰ý, tɔdɔ̄ o̰o̰m̄ tɔdɔ̄í. Táŕ ń ī-tárəm̄ ní nelə̄m̄ ngá̰ý tɔȳ tár yā dəyá̰ gə̄.

2 SAMUEL 19:29

Tām̄ ta kumií tə́ ní de gə̄ kə́ gír kojə yā kaaḿ Saul tə́ i de gə̄ kə́ kadə̄ oyn̄ kɔ̄ɔ́ malang ɓá tā, ba ḭ̄ ə́hɔm̄ kə̄ rɔ̄í tə́ adə̄ mā i dan de gə̄ ń a əsan̄ yá̰a̰ ta tábəl yāí tə́ ní. Adə̄ i gōtə́ kadə̄ mā m̄-dəjeī yá̰á̰ kə́ rang to̰ alé.

2 SAMUEL 19:31

Anī Mepiboset əda mban̄g na: Dan ń kɔ́ɔ̄ḿ mban̄g tél ugə̄ ɓēé kə lápə́ya ɓá ní, ādə̄ Siba taā dɔ nang ní malang kə́ yān tə́.

2 SAMUEL 9:9

Dabid ɓāŕ nge kəla yā Saul ń i Siba ní adə̄ reē, ba ədan na: Yá̰a̰ yā Saul malang ō, yā gír kojə yān ō ní, m-ādə̄ Mepiboset ngōn̄ kaa kɔ́ɔ̄í.

2 SAMUEL 19:18

Benjamḛ gə̄ dūbú aw̄n̄ seneé. Siba ń i nge rāā kəla yā de kə́ gír kojə yā Saul tə́ gə̄ ní, aw̄ seneé kə ngánən kə́ kutə gidə i mí gēé ō, ngé kəla yān kə́ kutə jōó gēé ō. De gə̄ ngeé ń toō yá̰á̰ ń kadə̄ rāān̄ ní i kadə̄ dan ń a teēn̄ bā Jurdḛ kə de kə́ kem kújə yā mban̄g tə́ gə̄ kə toó anī, i kadə̄ nin̄ a̰ȳn̄ ngɔ̄də̄ reēn̄ ta bā tə́ tə́nī ta mban̄g tə́ ō, i kadə̄ rāān̄ yá̰á̰ ń mban̄g a ədadə́ kadə̄ rāān̄ ní ō. Dan ń mban̄g teē bā Jurdḛ oy anī, Simei əsō kə̄ nang tə́ non tə́