2 SAMUEL 19:22 - Bibəl ta Sar̄

²² Abisai ngōn̄ Seruya un najə̄ ɔr̄, ni-əda mban̄g na: Nge ń noō i yá̰á̰ kə́ asə kadə deē əya̰ń Simei ń ndɔ̄ĺ mban̄g ń Kɔ́ɔ̄ɓē ur yibə̄ ngar dɔn tə́ gə̄rānneé ní a?

Bible sar

²² Abisai ngōn̄ Seruya un najə̄ ɔr̄, ni-əda mban̄g na: Nge ń noō i yá̰á̰ kə́ asə kadə deē əya̰ń Simei ń ndɔ̄ĺ mban̄g ń Kɔ́ɔ̄ɓē ur yibə̄ ngar dɔn tə́ gə̄rānneé ní a?

2 SAMUEL 19:22 Referans Kwoze

2 SAMUEL 16:10

Mban̄g tél əda Abisai na: Sḭḭ̄ ngán Seruya, ā ə́laī tasí danaá i tām̄ rí tə́? Ré Kɔ́ɔ̄ɓē ədan na kə reē kə ndɔ̄ĺ Dabid anī, i náā n asə dəjen gír ní?

1 SAMUEL 11:13

Banī Saul əda na: Ndɔ̄ kə́ tītə̄ ń toō ní a tɔ̄lə̄n̄ deē kógə̄ḿ kemeé alé. Tɔdɔ̄ ɓōólaā i ndɔ̄ ń Kɔ́ɔ̄ɓē tetəń rɔ̄ɔ̄ nang kə́ Israel tə́ ní.

2 SAMUEL 3:39

Urən̄ yibə̄ ngār dɔḿ tə́ adə̄ mā i ngār ɓá tā, ba ɓōólaā ní tɔ́gə́ḿ gətóo adə̄ de gə̄ ń noō, ngán Seruya gə̄ ń noō, dɔ́nɔ yādə́ tɔȳ yāḿ mā. Banī ādə̄ Kɔ́ɔ̄ɓē əgā nge kem ndul sɔɔ̄ń kem ndul yān.

MATIYE 8:29

De gə̄ ní unən̄ ndūdə́ kə̄ dɔɔ́ ngá̰ý ədanə̄ń na: Ngōn̄ Nə́ɓā, yāí i rí sejí? Ī-reē laā i rāājí yá̰á̰ kə́ tōr̄ tə́ kété no ndɔ̄ tə́ a?

IJAI 16:5

Loo ń noō tə́ ngōn̄ kaa Dabid a ndi dɔ kōr̄ kāgə̄ mbang yā Dabid tə́, ko̰o̰ ɓē yān a too ngándáńg kə ta kūl̄ kem majə yāí. Ni a to tītə̄ nge gān̄g sarya kə́ əndā kumən gír ɓōĺ ndū najə̄ tə́ ō, təngā loo gān̄g sarya kə́ gōtə́ tə́ ō.

1 SAMUEL 26:8

Abisai əda Dabid na: Ɓōólaā Nə́ɓā əla madə̄ ba̰ā̰í jīí tə́. Adə̄ ādə̄m̄ ta róbə ādə̄ m-āw̄ m-ɔ́sən kə nəngaá ta kógə̄ḿ ngóy m-ə́ren nang tə́. M-ā m-ɔ́sən i nja jōó alé.

2 SAMUEL 16:9

Abisai ngōn̄ Seruya əda mban̄g na: Bísə́ kə́ nger əsan ń toō a ndɔ̄ĺ mban̄g yāḿ beé i tām̄ rí tə́? Ādə̄m̄ ta róbə ādə̄ m-āw̄ m-ə́ja dɔn m̄-gān̄g.

1 SAMUEL 26:9

Dabid əda Abisai na: Ī-lōō tɔ̄lən. Ɔ́jəń na deē a tɔ̄l̄ mban̄g kə́ Kɔ́ɔ̄ɓē ur yibə̄ ngār dɔn tə́ kanjə̄ kənge najə̄ a?

1 SAMUEL 26:11

Ré m̄-tɔ̄l̄ mban̄g ń Kɔ́ɔ̄ɓē ur yibə̄ ngār dɔn tə́ ní anī, ādə̄ mā i yá̰á̰ kə́ to yḛr kum tām̄ yā Kɔ́ɔ̄ɓē tə́. Ní ɔ̄r̄ nənga ń ra kum kə̄ dɔn tə́ noō ō, ún gaĺ man̄ yān ō, ba ādə̄ j-aw̄.

2 SAMUEL 16:5

Dan ń mban̄g Dabid ugə̄ ngɔr kə̄ Bahurim anī deē kógə̄ḿ teē kemeé kə ndɔ̄lɔ́ tan tə́. Ni a ndɔ̄ĺ i Dabid. Deē ní i de kə́ gír kojə yā Saul tə́, rīn na i Simei. Ni i ngōn̄ Gera.