2 SAMUEL 19:18 - Bibəl ta Sar̄

^18-19 Benjamḛ gə̄ dūbú aw̄n̄ seneé. Siba ń i nge rāā kəla yā de kə́ gír kojə yā Saul tə́ gə̄ ní, aw̄ seneé kə ngánən kə́ kutə gidə i mí gēé ō, ngé kəla yān kə́ kutə jōó gēé ō. De gə̄ ngeé ń toō yá̰á̰ ń kadə̄ rāān̄ ní i kadə̄ dan ń a teēn̄ bā Jurdḛ kə de kə́ kem kújə yā mban̄g tə́ gə̄ kə toó anī, i kadə̄ nin̄ a̰ȳn̄ ngɔ̄də̄ reēn̄ ta bā tə́ tə́nī ta mban̄g tə́ ō, i kadə̄ rāān̄ yá̰á̰ ń mban̄g a ədadə́ kadə̄ rāān̄ ní ō. Dan ń mban̄g teē bā Jurdḛ oy anī, Simei əsō kə̄ nang tə́ non tə́

Bible sar

^18-19 Benjamḛ gə̄ dūbú aw̄n̄ seneé. Siba ń i nge rāā kəla yā de kə́ gír kojə yā Saul tə́ gə̄ ní, aw̄ seneé kə ngánən kə́ kutə gidə i mí gēé ō, ngé kəla yān kə́ kutə jōó gēé ō. De gə̄ ngeé ń toō yá̰á̰ ń kadə̄ rāān̄ ní i kadə̄ dan ń a teēn̄ bā Jurdḛ kə de kə́ kem kújə yā mban̄g tə́ gə̄ kə toó anī, i kadə̄ nin̄ a̰ȳn̄ ngɔ̄də̄ reēn̄ ta bā tə́ tə́nī ta mban̄g tə́ ō, i kadə̄ rāān̄ yá̰á̰ ń mban̄g a ədadə́ kadə̄ rāān̄ ní ō. Dan ń mban̄g teē bā Jurdḛ oy anī, Simei əsō kə̄ nang tə́ non tə́

2 SAMUEL 19:18 Referans Kwoze

JEJU TEĒ KUM JA̰A̰ 3:9

Á̰a̰ā̰, de gə̄ kə́ kem kújə ndi Sətan tə́ ní, m-ādī sedə́. Nin̄ i ngé gə̄ ń ədan̄ na nin̄ na i Jipə gə̄, banī nin̄ i Jipə gə̄ aĺ ní. Tɔdɔ̄ nin̄ i ngé sor̄ gə̄. Á̰a̰ā̰, m-ā m̄-rāā kadə̄ a reēn̄ yā kɔsə nodə́ nang tə́ njaí tə́ ō, a gerə̄n̄ kadə̄ mā m̄-táriī ō.

PĀ GƏ̄ 81:15

m-ā m-ə́la rɔ̄sɔl̄ dɔ madə̄ ba̰ā̰də́ gə̄ tə́ ō, m-ā m̄-tūr̄ jīḿ yā rɔ̄ɔń kə ngé rāā kumdə́ ndoō tə́ gēé ō láẃ ngá̰ý.

PĀ GƏ̄ 66:3

ə́daī Nə́ɓā na kəla rāān gə̄ na ton̄ ɓōĺ ngá̰ý ō, dan ń madə̄ ba̰ā̰n gə̄ na a̰a̰n̄ tɔ́gən kə́ ngá̰ý al̄ naā anī, na lōn̄ gír kɔsə rɔ̄də́ kə̄ dɔɔ́ tə́ ō,

1 SAMUEL 22:15

I ndɔ̄ ń noō tə́ n m-ə́lań gír sāā dɔn tə́ rɔ̄ Nə́ɓā tə́ ní a? Nə́ɓā oō ndūḿ. Ɓɔ́ kɔ́ɔ̄ ɓē gə̄, ī-lōō kəndā najə̄ kógə̄ḿ dɔḿ mā nge kəla yāí tə́ ō dɔ ngééḿ gə̄ tə́ malang ō tɔdɔ̄ mā nge kəla yāí m̄-ger̄ yá̰á̰ kógə̄ḿ tū najə̄ ń toō tə́ alé.

2 SAMUEL 19:17

Anī Simei ngōn̄ Gera kə́ Bahurim ń ni i de kə́ Benjamḛ ní, nāgə́ láẃ reē tə́nī ta mban̄g tə́.

1 MBAN̄G GƏ̄ 2:8

Ba á̰a̰ā̰, Simei ngōn̄ Gera kə́ Bahurim ń i de kə́ gír kaa yā Benjamḛ tə́ ní, ni i ngɔr rɔ̄í tə́. Ndɔ̄ ń m-ā̰yń ta kaw̄ kə̄ Mahanaim ní, ni ndɔ̄lə́m̄ kə najə̄ kə́ tōr̄ ngá̰ý gēé. Banī ni-reē kɔjə noḿ tə́ bā Jurdḛ tə́, adə̄ m-ə̄nī míndə́ḿ kə rī Kɔ́ɔ̄ɓēé m-ādə̄n, m-ə́da na m-ā m̄-tɔ̄lən alé.

2 SAMUEL 9:2

Nge kəla kə́rēý kə́ kem ndogə̄ yā Saul tə́ i noó, rī deē ní na i Siba. Aw̄ reēn seneé rɔ̄ mban̄g Dabid tə́, anī Dabid dəjen na ké i ni Siba n toó wa. Deē ní əda na: A̰á̰ā̰ i mā nge kəla yāí.

2 SAMUEL 9:10

Ḭ̄ ō, ngání gə̄ ō, ngé kəla yāí gə̄ ō ní, ā ī-ndɔrī dɔ nang yā kadə̄n ō, ā ī-reēī kə yá̰a̰ kəsa kə́ tām̄ yā kojə yān tə́ ō. Tɔdɔ̄ Mepiboset a əsa yá̰a̰ ta tábəl yāḿ tə́ kə dɔ ndɔ̄ gə̄. Ngán Siba gə̄ i kutə gidə i mí ō, ngé kəla yān gə̄ i kutə jōó ō.

2 SAMUEL 19:30

Mban̄g əda Mepiboset na: Kɔr̄ najə̄ kadə̄ danən ngāl̄ ɓáý i tām̄ rí tə́? Yá̰á̰ ń m-ā m̄-rāā ní n toó. Ā ī-kēgī naā dɔ nang yā Saul sḭḭ̄ kə Siba.