2 SAMUEL 19:17 - Bibəl ta Sar̄

¹⁷ Anī Simei ngōn̄ Gera kə́ Bahurim ń ni i de kə́ Benjamḛ ní, nāgə́ láẃ reē tə́nī ta mban̄g tə́.

Bible sar

¹⁷ Anī Simei ngōn̄ Gera kə́ Bahurim ń ni i de kə́ Benjamḛ ní, nāgə́ láẃ reē tə́nī ta mban̄g tə́.

2 SAMUEL 19:17 Referans Kwoze

2 SAMUEL 9:2

Nge kəla kə́rēý kə́ kem ndogə̄ yā Saul tə́ i noó, rī deē ní na i Siba. Aw̄ reēn seneé rɔ̄ mban̄g Dabid tə́, anī Dabid dəjen na ké i ni Siba n toó wa. Deē ní əda na: A̰á̰ā̰ i mā nge kəla yāí.

2 SAMUEL 9:10

Ḭ̄ ō, ngání gə̄ ō, ngé kəla yāí gə̄ ō ní, ā ī-ndɔrī dɔ nang yā kadə̄n ō, ā ī-reēī kə yá̰a̰ kəsa kə́ tām̄ yā kojə yān tə́ ō. Tɔdɔ̄ Mepiboset a əsa yá̰a̰ ta tábəl yāḿ tə́ kə dɔ ndɔ̄ gə̄. Ngán Siba gə̄ i kutə gidə i mí ō, ngé kəla yān gə̄ i kutə jōó ō.

2 SAMUEL 19:18

Benjamḛ gə̄ dūbú aw̄n̄ seneé. Siba ń i nge rāā kəla yā de kə́ gír kojə yā Saul tə́ gə̄ ní, aw̄ seneé kə ngánən kə́ kutə gidə i mí gēé ō, ngé kəla yān kə́ kutə jōó gēé ō. De gə̄ ngeé ń toō yá̰á̰ ń kadə̄ rāān̄ ní i kadə̄ dan ń a teēn̄ bā Jurdḛ kə de kə́ kem kújə yā mban̄g tə́ gə̄ kə toó anī, i kadə̄ nin̄ a̰ȳn̄ ngɔ̄də̄ reēn̄ ta bā tə́ tə́nī ta mban̄g tə́ ō, i kadə̄ rāān̄ yá̰á̰ ń mban̄g a ədadə́ kadə̄ rāān̄ ní ō. Dan ń mban̄g teē bā Jurdḛ oy anī, Simei əsō kə̄ nang tə́ non tə́

2 SAMUEL 3:16

Paltiel dān̄ Mikal bátə́ ugə̄ seneé Bahurim. Ni-njə̄rā gō Mikal tə́ i kə nōó. Loo ń noō tə́ Abner ədan na kə tél dɔ tə́ kə aw̄ gogə́ ɓēé, anī ni-tél dɔ tə́.

2 SAMUEL 16:5

Dan ń mban̄g Dabid ugə̄ ngɔr kə̄ Bahurim anī deē kógə̄ḿ teē kemeé kə ndɔ̄lɔ́ tan tə́. Ni a ndɔ̄ĺ i Dabid. Deē ní i de kə́ gír kojə yā Saul tə́, rīn na i Simei. Ni i ngōn̄ Gera.

1 MBAN̄G GƏ̄ 2:8

Ba á̰a̰ā̰, Simei ngōn̄ Gera kə́ Bahurim ń i de kə́ gír kaa yā Benjamḛ tə́ ní, ni i ngɔr rɔ̄í tə́. Ndɔ̄ ń m-ā̰yń ta kaw̄ kə̄ Mahanaim ní, ni ndɔ̄lə́m̄ kə najə̄ kə́ tōr̄ ngá̰ý gēé. Banī ni-reē kɔjə noḿ tə́ bā Jurdḛ tə́, adə̄ m-ə̄nī míndə́ḿ kə rī Kɔ́ɔ̄ɓēé m-ādə̄n, m-ə́da na m-ā m̄-tɔ̄lən alé.